الاثنين، 25 أغسطس، 2008

موعد مع القدر






..صعد الي القطار دون حتي ان يهتم الي اي بقعه يشد رحاله ..

, الجو يميل للبروده .. وقد حملت نسمات خريفيه بارده رعده خفيفه لجسده مع ارتدائه تلك الملابس الصيفيه الخفيفه ...القطار يكاد يخلو من الركاب , وقد اخذ يتجول في طرقات القطار كأنه يبحث عن شئ ما, وحقيقة هو لم يكن يبحث عن مكان يجلس فيه بل عن رفيق له في تلك الرحله الطويله ربما تمكن من خلال الفضفضه اليه ان يفرغ كل تلك المشاعر السلبيه التي تضطرم في صدره والتي ترواده بين حين واخر دون ان يعرف لها سبب فاحيانا تكون لديه رغبه ملحه ان يتحدث بلا اي قيود او تحفظ لشخص لا يعرفه ولا تربطه به اي صله ..

اخذ يتفحص الوجوه القليله الموجوده في العربه حتي استوقفته ملامحها الرقيقه فهي تتمتع بجمال هادئ ساحر يذكرك ببطلات الحكايات القديمه وقد كانت منهمكه في قراءة روايه بدا من عنوانها طابع الرومانسيه ...

هل تسمح لي ان اجلس هنا ان لم يكن يضايقك

وجه سؤاله اليها وهو يشير للمقعد المقابل لها

جفلت لكلماته وقد رفعت نظرها عن الكتاب وقد التمعت في عينيها العسليتان علامات الدهشه ثم تجولت بنظراتها في ارجاء العربه التي تكاد تكون نصف مقاعدها خاليه تماما وكأنها تستنكر طلبه ..

مرت دقيقه من الصمت لم تجد بعدها امام الحاحه الصامت مفر ان تأذن له في الجلوس

تفضل

قالتها ونظراتها تغادره عائدة ثانيه لصفحات الروايه

مرت الدقائق ثقيله عليه وهو يبحث عبثا عن طريقه يتمكن من خلالها التقاط طرف خيط لدفع هذا الصمت والسأم الذي يلفهما

لفت نظره اسم تلك الروايه التي تتصفحها " موعد مع القدر" لتنبت عن شفتيه ابتسامه ساخره , فاسم الروايه ذكره بكلاسيكات الافلام المصريه وبعض تلك الروايات التي كان يقرأها في مرحلة المراهقه عندما كان قلبه مازال يتلعثم في ابجديات الحب ,وهو يختلس الوقت اثناء تصفح احدي تلك الروايات بينما المسجل يصدع باغاني كاظم الساهر وماجده الرومي وعقله يرسم ملامح رومانسيه لفتاة احلامه وهو يتجسدها فيمن عرفهم من فتيات

هل تستهويك قراءة الروايات الرومانسيه

سالها في محاولة منه لقطع هذا الصمت

لكنها اكتفت في ردها بايماءه قليله من راسها دون حتي ان تنظر اليه..

ضايقه لامبالاتها به كثيرا مما جعله يقرر اثارتها فقال في رنه تفيض بالسخريه ..

انا ايضا كنت كنت اقرأ تلك الروايات في السابق لكني توقفت عن قراءة مثل هذا الهراء منذ فتره طويله

التفتت اليه وقد علت ملامحها تعابير الدهشه والغيظ لاسلوب رده العدائي الساخر..

ولكنها ايضا ظلت محتفظه بصمتها ..

حاول ان يخفف من حدة كلماته , فاردف في حديثه موضحا..

انا اقصد ان تلك الروايات تفيض بالخيال الذي لا يوجد له اي ظل في الواقع او اشبه بصنع عالم من الاحلام تجعل القارئ ينفصل عن واقعه الملموس

لم يعجبها هجومه علي تلك النوعيه المفضله لديها في القراءه , فردت مدافعه..

ان تلك الروايات تصور مشاعر انسانيه نبيله لا يمكن ان يشعر الانسان بمعني السعاده ان افتقدها في حياته ..

يبدو انكي فهمتي ما قصدته بطريقه خاطئه , قال موضحا ..ثم اردف .. اقصد ان تلك الروايات تقدم انماط للحياه وقصص خياليه لم تعد موجوده في واقعنا ..

انا لا اتفق مع ما تقول علي الاطلاق , فكثيرا من تلك القصص موجود ومقتبس بالفعل من الحياه ..

اسمحي لي ان اسالك قبلا , عما تدور تلك الروايه التي كنتي تقرأيها الان ..قال مستفسرا

باغتها سؤاله لكنها اضطرت ان تحكيها له فقالت

هي تحكي عن فتاه صماء تتعرف علي شاب عن طريق المحادثه عبر الشبكه العنكبوتيه دون ان يعرف حقيقة مرضها.. ويتطور بينهما العلاقه ليشعر كليهما بمشاعرخاصه تجاه الاخر فتضطر ان تصارحه بمرضها, مما يجعله يلح عليها ان يتقابلا مؤكدا علي تمسكه بها وانه يحبها بالفعل , لكنها تقرر ان تبتعد نهائيا عنه خشية ان يكون اعلانها بحبه هذا مجرد وهم نتج عن مشاعر من العطف والشفقة عليها

لقد توقفت عند هذا الجزء من الروايه في القراءه قالت وهي تعاود تصفح الروايه

يمكنني ان اقول لكي كيف تنتهي الروايه , فسوف يتقابلا ثانية وتنتهي النهايه السعيده المعتاده غير الواقعيه بان يقترنا ببعضهما .. قالها وقد بدت في كلماته رنة سخريه

هل انت تراها غير واقعيه ومستبعدة الحدوث

بالتاكيد .. قال في حزم ..ثم اردف مسهبا في حديثه..

فبداية اري ان مشاعره تلك مجرد مشاعر تعود وارتياح يشعر بها كل منهما تجاه الاخر وليست مشاعر حب حقيقيه ساعد علي تأججها شعور بالعطف والشفقه نما داخله بعد ان عرف بحقيقة مرضها ورفضه ان يبدو امام نفسه بمظهر النذل الذي تخلي عنها ,... وحتي لو افترضنا جدلا انه يحبها حقا , فاؤكد لكي , ان مع مرور الوقت واصطدام كليهما بالواقع الصعب سيتبدد الحب وتبقي مشاعر الشفقه والعطف فقط

الا تري ان رايك يحمل كثيرا من القسوه علي الفتاه قالت وهي تسرح بنظراتها بعيدا

علي العكس فانا اخشي علي الفتاه ان تسقط في فخ الاوهام , بعد ان يتبدد الحب سريعا فيصير كقطرات الندي عندما تتبخر حين تلفحها حرارة الشمس الحارقه لتبقي وحدها تئن وتتعذب , فلا يوجد بنيان من الحب يمكن ان يصمد ان خالطت اساساته ولو قليلا من الشفقه

كان يتوقع اعتراض حاد علي رايه من جانبها لكنها فاجاته بردها الذي احس فيه بنبرة حزن مفاجئه

اعتقد ان عندك بعض الحق

لم يسعده انتصاره في تلك المعركه الجدليه معها , مع هذا التبدل الطارئ الذي كسا ملامحها بطبقة كثيفه من الحزن الشديد وقد بدت نظراتها شارده وكأنها مصوبه لمكان غير مرئي عبر زجاج النافذه المغلقه

هل حمل كلامي ما ضايقك ؟

سالها محاولا معرفة سبب غيوم الحزن تلك التي اعتلت وجهها فجأه

لكنها ظلت علي صمتها وكأنها لم تسمع ما قاله , فاراد ان يعيد السؤال ثانية علي مسامعها ..لكنه لاحظ عبر النافذه بتباطء القطار فآثر الصمت



بدأت تلملم اشيائها فدست الروايه في حقيبتها اليدويه التي كانت بجوارها , ثم انحنت لتلتقط ماسوره معدنيه كان جزئها العلوي مخبئ خلف حقيبه صغيره يبدوا ان فيها باقي اغراضها ..




ليفاجأه ان تلك الماسوره المعدنيه ليست الا عكاز مالبثت ان اتكئت عليه وهي تنهض من مقعدها بصعوبه..

هناك 83 تعليقًا:

yoyo يقول...

صباحك سكر
حمد لله على السلامة نورت مدونتك مرة تانية يارب دايما كدا منورها على طول
كل سنة وانت طيب رمضان كريك

انا بس حبيت اسلم الاول وبعدين اقرا البوست وارجع اعلق تانى
مش ليا دعوة بقى كدا انا اول تعليق مش ليا فيه
فاصل ونواصل
يويو

yoyo يقول...

مش عارفة اقولك ايه بس حسيت ان قلبى وجعنى بالفعل عليها
صعب اوى انك تتكلم وانت مش حاسس انك بتجرح الانسان اللى قدامك وانت مش حاسس انك بتجرحه وكمان عمال يزيد فى الجرح اكتر واكتر

اصحاب الاعاقات بيكون مشاعرهم مرهفة جدا من اقل كلمة او حتى نظرة عين ممكن نجرحهم حتى لو كان من غير قصد
الناس دى من حقها انها تعيش حياتها وتحب وتتحب مش حب شفقة ولا حتى عطف وبس لا يكون حب للذات وللانسانة دى

" موعد مع القدر " اختيار حلو اوى للاسم كل انسان وله قدر لازم هيكون ليه مهما عملنا دا قدرنا

طريقة عرضك فى منتهى الجمال وتعبيراتك كانت قوية وحلوة اوى برغم ما بها من قسوة من مجتمع على بشر مش لهم اى تدخل فى قدرهم دا مش محتاجين غير بس معاملة سوية من غير اى تعاطف او شفقة زيادة و دا حقهم فى الحياة

ياريت بقى مش تغيب علينا كدا تانى لانك بجد كنت واحشنى جدا جدا وكمان كتابتك الجميلة دى كنت مفتقدها

دمت دائما وابدا مبدعا
كل سنة وانت طيب رمضان كريم

تحياتى
يويو

بطوط حبوب يقول...

تواجهنى مشكله هنا لكنى دائما اخاف ان اقولها ... لانى اخاف ان اكون غلس

البوست طويل .. والخط صغير
ودول مشكلتين الحقيقه صعبين جدا بيصدوا الواحد انه يقرا

انا اسف انى غلس بس اكيد المشكلتين دول بيصادفوا ناس كتير اوى

صاحب المضيفة يقول...

رائع طريقتك في الكتابة

فكر جديا في نشر ما تكتب هنا في أعمال أدبية مكتوبة في أي دار نشر


دمت مبدعا

الملاك يقول...

السلام عليكم ورحمة الله وبركاته
اخى فى الله الفارس الملثم
اولا احمد الله انه اعادك الينا بسلام بعد غياب قد طال علينا

ثانيا انا ليه عتاب عندك وزعلانه منك بجد لانك معرفتش حد انك خلاص قطعت الاجازة التدوينبه ورجعت بعد ما بدات تشرفنا بدخولك الى مدوناتنا من جديد لانى دخلت المدونه بعد رجوعك مباشرة بس مكنش فيها اى موضوعات جديده فاعتقد انك لسه فى الاجازة واتفاجئت فعلا دلوقتى لما دخلت تانى انك منزل بوست جديد
لكن عموما عودا حميدا اتمنى له الدوام من الله سبحانه وتعالى وان لا تغيب عنا ثانية وانا سعيده فعلا ببوستك الجديد اكثر مما تتخيل
--------------------
اخى طبعا كعادنك قصتك جميله جدا ولكن هدفها والرسالة التى تريد توصيلها الينا من خلالها هذه مرة رائعه بجد لانها تحمل معنى هام جد غفل عنه الكثير الان وهو وجوب الحرص فى حديثنا مع من نعرفهم عامة ومن لا نعرفهم خاصة حتى لا نتسبب فى ايلم احد دون قصد
وهذا معنى سامى وهام جدا اقدرة جيدا لانى اعانى منه على الرغم من ان الكلام احيانا لا يكون موجه لى وده لانى للاسف وقعت فى الغلط ده قبل كده اكتر من مرة وحسيت بندم شديد قوى فبقيت حريصه جدا فى كلامى ووصلت لدرجة انى محبش حد يتكلم من غير ما يحرص فى كلامه على الاخرين حتى لو مكنش بيتكلم معاية وبقيت حساسه قوى من الناحيه دى لدرجة انى بزعل مع اخواتى احيانا لو لاحظت عليهم حاجه زى كده لان جرح مشاعر الناس ولو بدون قصد يؤلم جدا

بس على فكرة اكثر ما فاجئنى هو مضمون القصه الى كانت البنت بتقراها بجد بحييك عليه قوى فكرة جديده ورائعه

-----------------------
بارك الله فيك اخى وجزاك كل الخير عنا وادام قلمك المنير بيننا

تقبل خالص تحياتى
دمت اخى ودام تواجدك معنا بكل خير

قلب مصرى يقول...

بصراحة بداية القصة كنت أراها تقليدية تماماً (رغم إجادة سردها) وتوقعت عدة نهايات للقصة لكنك فاجأتنى بالنهاية الجميلة الرائعة التى ختمت بها القصة جعلتنى أعيد قرأتها من جديد.

تسلم إيدك

فارس بلا جواد يقول...

عودة موفقة يا محمد
لم أشعر ان القصة تندرج ضمن عالم الرومانسية ولكني وجدت بها مضمون انساني رائع
ربما من يقرأ القصة يشعر ببعض القسوة في كلام البطل .. ولكن لا أعرف لماذا أحترمت موقفه
ربما قصتك هذة جعلتني أفكر في معني أخر خارج نطاق القصة .. وهو اطلاق الشعارات ومدي تطبيقها
مثلا الشاب الذي يعترف بأن الحب هو شيئ نبيل وأن أي قصة حب في حياة أي فتاة لا تجعلها ملوثة .. ثم تفاجأ بأنه ربما يترك حبيبته عندما يكتشف قصة حب في ماضيها
او الفتاة التي تتحدث عن أن الحب لا يفرق بين الغني والفقير .. ثم ترفض كل من يقدم لها حبه حتي تحصل علي شاب ثري
لماذا دوما نستثني أنفسنا من هذة الشعارات .. أو نجعلها مثل لوحات فقط تعلق علي الحائط للزينة ولا نطبقها في حياتنا
برغم قسوة البطل لكنه علي الأقل كان صادقا
ربما حملتني قصتك لمعني بعيد عن مضمونها ولكن لا أعرف لماذا
أحييك علي العرض الرائع
دمت بكل الود

منى يقول...

اخى الفارس الملثم
عودا حميدا
وكل عام وانت بخير

اتصدق لو اخبرتك انى توقعت ان تكون الفتاه كذلك منذ بدات تحكى عن روايتها؟؟

كان يقصد ان يخرجها من عذابات الامل والخيال
فاصابها فى مقتل
كم مره نمد ايدينا لنربت على كتف الاخرين
فنؤلمهم ونجرحهم
ونندم بعد الا يفيد الندم

فكر جديا فى النشر
وان شاء الله ربنا هيوفقك
وكفايه ان المدونين كلهم هيشتروا كتابك باذن الله
تحياتى ووحمد الله على السلامه

Habiba يقول...

بقى كده؟
بتنزل بوست جديد انا ولا انا هنا؟

طيب يامحمد
عموما شويه كده واجى اقراه واعلق
brb

blue-wave يقول...

بجد لا اجد من الكلمات ما يصف احساسى الأن
رائعه بكل ما تحمله الكلمة من معانى
بالفعل سلمت يداك

شهد الكلمات يقول...

محمممممممممممممممممد

حمد الله ع السلامة

عجبني الجزء ده جدا الوصف فيه كان رائع

علي العكس فانا اخشي علي الفتاه ان تسقط في فخ الاوهام , بعد ان يتبدد الحب سريعا فيصير كقطرات الندي عندما تتبخر حين تلفحها حرارة الشمس الحارقه لتبقي وحدها تئن وتتعذب , فلا يوجد بنيان من الحب يمكن ان يصمد ان خالطت اساساته ولو قليلا من الشفقه

بس تعرف اول ما سرحت عرفت انها مشلولة بس طلعت عارجة قضا اخف من قضا ههههههههه

ما شاء الله جميلة جدا جدا جدا

بس تعرف لو رايك هو راي البطل فانا مش معاك خالص

الحب اقوي من اي عاهة
و عشق الروح مالوش اخر لكن عشق الجسد فاني

طب ما ممكن يتجوز واحدة زي القرد و بعد الجواز تمرض يبقي يطلقها ولا اية ممممممممم

ثم لو اتبدلت الاوضاع لو كان هو صاحب العاهة كان هايحس هو باية ؟؟؟؟

تسلم ايدك

تحياتي

يوميات نائمة في الأرياف يقول...

اولا حمد الله ع السلامة نورت
مش عارفة لية اول قصتك فكرني بمواقف عشتها بجد
كتير كان ييجي واحد اكيد غلس ويعد يسأل اسئلة ملهاش معنى ويخليني في الاخر اسيب المكان وامشي ادور على كرسي تاني وده طبعا ايام السفر لما كنت احيانا بركب القطر
بس طبعا انا شايفة ان الحب اهم شئ حتى لو كفيف او اصم او اي حاجة تانية وانا بتعامل مع مكفوفين وهما قد ما بيتعبو اي حد قد ما في طيبة وحنية جوة قلوبهم
وبعدين اكسب اية لما يكون اللي معايا كامل الاوصاف بس تافه؟
تحياتي
اختك رنا

احلام اليقظة يقول...

دايما اسرح فى قصصك
اجمل ما فيها بجد عدم وجود عوائق فى الاحداث ولا قفزات مباغتة و لا عوائق فى الكلمات فتنساب الكلمات والاحداث بانسيابية رائعة داخل نفسى

بس بجد انا بحس بجرعة عاطفية جميلةعندك

وفعلا فكر جديا بالنشر
ربنا يزيدك
دومت ودام قلمك

مها يقول...

الفارس الملثم

الشفقة إن طغت على المشاعر قد تفسد الحب.. وإن لم تتحول لإرادة وتحدى جرفت الحب فى قسوة إلى بئر النسيان



بارع كالعادة فى فن الحكى الجميل

Habiba يقول...

اهلا بيك مرة تانيه يامحمد فى عالم التعليق

اولا حمد الله على السلامه
ثانيا كل سنه وانت طيب
ثالثا عفوا للتاخير بس مكنش ينفع ف وقتها اعلق قلت اسلم بس
رابعا بقى ابدعت ياجميل
بص هو بارد قوى بصراحه انا وانا بقرا القصه ف الاول قلت ايه البارد ده رخم قوى انا ل مكانها كنت حدفته من الشباك ههههههههههه

بس تعرف متوقعتش ابدا انها تكون كده
بس هو حكايه الشفقه ده حقيقه؟؟

مش ممكن ياجماعه الحب حب يالهوى

يعنى الصماء دى مالهاش عيشه ف الدنيا يعنى علشان هى كده؟؟

ولا البنت بطله القصه دى بلاش تعيش هى كمان علشان اعاقتها؟؟

ياناس اللى بيحب بيضحى علشان حبيبه ودى حاجات هبله اللى بيحب هيشوفها هايفه

يااخى وجعت قلبى
عودة قويه جدا يامحمد
تحياتى ياقمر
كل سنه وانت بالف خير ومعانا

بنات صاحبة الجلالة يقول...

الف حمد لله علي السلامة يامحمد رجعت تنور تاني بيتك من جديد وكل سنة وانت طيب ورمضان كريم عليك يارب بلغك الله الشهر الكريم يارب ومتسناش تدعيلي فيه ههههههه

بوست مؤثر جدا يمكن الفتاة صاحبة العكاز شعرت بانها هي الفتاة الصماء قد يأتي عليها اليوم الذي تحب فيه شخصا وتشعر ان هذا الشخص كل مشاعره مجرد شفقة او خشية من أن يظهر امام بصورة الندل اوقات كتير ناس بتجرح بعضها بالكلام بدون ماتشعر بجد جسمي قشعر واعدت فترة مسبهله بعد البوست فكرت ياتري لو انا موقف الفتاة دي كنت هتصرف ازاي بس الحمد لله علي نعمه الكثيرة التي لا نحمد سوي الله عليها

كعادتك كل بوست بيحمل معاني جميلة بيكون وراه هدف وبيعجبني برضوا الصور المستخدمة المعبرة مع كل بوست تسلم ايديك ايها الفارس الرومانسي

خالص تحياتي وتقديري

اختك الكبيرة

الفارس الملثم يقول...

yoyo..

ازيك يا يويو , واكيد مش الاقي كلام اقوله بعد الكلام الجميل ده , وانا ممتن جدا لسؤالك وذوقك العالي ..

اتمني اكون عند ظنك بيا دايما ..

اكيد يا يويو احساس الشفقه ممكن يقتل الشخص اللي قدامنا لو احس ان دي مشاعرنا تجاهه

منوراني كده دايما , وكل سنه وانتي طيبه

الفارس الملثم يقول...

بطوط حبوب..

ازيك يا محمود عامل ايه

بص يا سيدي , بالنسبه لطول البوست فمجبر اخاك لا بطل , فمينفعش اختصر القصه اكتر من كده لان ده ضروره فنيه ..

وبالنسبه لحجم الخط فحله سهل , في المتصفخ في الخيارات فوق عند view خاصية التحكم في حجم الخط , يعني لو الخط صغير ممكن تكبره وتتحل المشكله

نورتني يا محمود وكل سنه وانت طيب

الفارس الملثم يقول...

صاحب المضيفة..

ازيك يابومالك , انا سعيد جدا ان كتابتي بتعجبك , واتمني انها تستحق النشر فعلا

نوتني يا باشا

الفارس الملثم يقول...

الملاك ..

انا بجد اللي ببقي سعيد جدا لما اشوف تعليقك , وكمان انا اللي كنت ازعل لو اتاخرتي , لانك اخت عزيزه بقدرها واحترمها جدا ...

اكيد يا ملاك , مفيش اصعب من جرح مشاعر الاخرين ولا يوجد مبرر لهذا حتي لو كان من غير قصد , وطبعا مشاعرك النبيله دي بتدل انك اسم علي مسمي ..

سعدت جدا بمرورك وتعليقك المميز دوما

تحياتي دوما

الفارس الملثم يقول...

قلب مصرى ..

انا سعيد جدا برايك يا قلب , وانت دايما منورني ...

كل سنه وانت طيب

تحياتي دوما

الفارس الملثم يقول...

فارس بلا جواد..

انا سعيد جدا برايك يا فارس , وطبعا من حق القارئ ان يري القصه من زوايا مختلفه , وفعلا كتير من الناس بيقولوا شعارات ووقت لما يتواجدوا في اختبار حقيقي بيكون رد فعلهم وتصرفاتهم مختلفه تماما ..

نورتني بجد يا فارس

الفارس الملثم يقول...

منى ..

ربنا يخليكي يا مني , وانا ببقي سعيد جدا بمجرد تواجدك في اي حاجه بكتبها , كل سنه وانتي طيبه واتمني تكوني بخير , وربنا يزيل عنك اي هم او حزن

ابوه فعلا يامني احينا بدال مانساعد حد مجروح انه يتجاوز جرحه بنكون سبب في زيادة الجرح نزفا

تحياتي دوما

الفارس الملثم يقول...

blue-wave..

انا سعيد جدا برايك ده يا باشا , منورني كده دايما

تحياتي دايما

الفارس الملثم يقول...

شهد الكلمات..

بداية انا سعيد جدا ان القصه عجبتك ..

وبالنسبه لرايي فانا محتفظ بيه لنفسي , وانا دوري هو تقديم تفكير اكيد موجود في الواقع وترك القارئ يحدد وجهة نظره بما يتناسب مع قناعاته ..

وخلي بالك في ناس كتير زي ماقال فارس بيقولوا كلام كبير بس لما يخوضوا التجربه بتتغير ارائهم 360 درجه

منوراني دايما يا شهد , وكل سنه وانتي طيبه

الفارس الملثم يقول...

يوميات نائمة في الأرياف..

ازيك يا رانا , كل سنه وانتي طيبه

طبعا كلامك صح جدا , ومحدش يعرف الخير فين , وكل شئ مقدر ومكتوب

مع خالص تحياتي

الفارس الملثم يقول...

احلام اليقظة..

حقيقي يا احلام رايك ده اسعدني جدا , ولو كان ده احساسك بجد فهو ما اتمني لكتاباتي ان يكون وقعها في نفس القارئ

متشكر اوي لتعليقك الرقيق جدا كصاحبة التعليق

كل سنه وانتي طيبه

منى يقول...

على فكره كل عام وانت بخير اللى فوق دى بمناسبه رمضان

دلوقتى بقى
كل سنه وانت طي بمناسبه عيد ميلادك
مش هو اليومين دول برضه
دمت اخى بكل خير

الفارس الملثم يقول...

مها..

اميرة العبارات الموجزة المعبره ذات العمق الخاص جدا والتي تصيب كبد الحقيقه دوما ..

قافله التعليقات ليه , طيب انقلك كده كل سنه وانتي طيبه ازاي

تحياتي دوما

منى يقول...

انا لبخت ولا ايه
بس اعتقد انه دلوقتى
معرفش ازاى

الفارس الملثم يقول...

Habiba..

هههههههههههه

ازيك يا حبيبه , اقلك ايه بعد الكلام الجميل والذوق العالي ده , طبعا يا ستي مقدر المواصلات بتبقي زحمه ههههههه

اكيد يا حبيبه , ومحدش بيقدر يتحكم في قلبه او في قدره

كل سنه وانتي طيبه ودايما في خير حال

الفارس الملثم يقول...

بنات صاحبة الجلالة..

كل سنه وانتي طيبه , وانا ببقي سعيد جدا لما بلاقي تعليقك ..

بس ايه حكاية اختك الكبيره دي , انا قربت اتم 28 سنه " تمانيه وعشرين " ومتهيالي انك مش اكبر من كده ولا انا غلطان مممممممم

الحمدلله علي نعمه الكتيره واي ابتلاء هو امتحان قدر علينا اجتيازه

نورتي بجد يا اختي العزيزه

تحياتي دايما

الفارس الملثم يقول...

منى..

هههههههههههههه

يعني عيد ميلادي ولا تجبيلي حتي تورتايه او دسته جاتوه وانتي داخله المدونه ههههههههههه

انا ياستي عيد ميلادي 7-9 يعني ايكون في رمضان , يلا بقي نمشيها كنافه وقطايف بدال التورته هههههههه

انتي اول واحده تقولي كل سنه وانت طيب وان كان لسه عليه شويه , بس انا بجد ممتن جدا لتهنئتك الجميله دي

مع خالص تحياتي

شهد الكلمات يقول...

اولا 360 درجة يعني وصلو لنفس النقطة ;) يعني مافيش اختلاف

ثانيا لو للحظة حطيت نفسك مكان اللي قصادك عمرك ما هاترضي تعمل فيه كدة

فرضا اتبدلت الاية اتعرفت علي واحد ع النت و حبيته منغير ما اشوفه و بركز علي حبيته دي و هو كمان حبني و في توافق كبير بنا

و طلع عنده عاهة من اي نوع يبقي هاسيبه لية خلاص مش شايفة اي حاجة حلوة فيه مش شايفة غير عاهته

طب و نفرض ان الاية اتقلبت زي ما بقولك هايبقي موقفه هو اية و انا هاحس باية
لو حب حقيقي يا محمد عمر ما حاجة زي دي تهده

و قريب هانزل حاجة بستطراد اكبر عن الموضوع ده في حكاوي القهاوي

تحياتي

Blue Nile يقول...

ازيك يا محمد
مش هتكلم عالاسلوب لان مفيش جدال انه رائع دايما
القصة جميلة جدا ومعناها تحفة بس هقولك اني اتصدمت من النهاية مكنتش متوقعاها بس في ناس توقعوهها


(فبداية اري ان مشاعره تلك مجرد مشاعر تعود وارتياح يشعر بها كل منهما تجاه الاخر وليست مشاعر حب حقيقيه ساعد علي تأججها شعور بالعطف والشفقه نما داخله)

عجبني الجزء ده رغم اني مش متفقة مع الراي ده اوي
انا شايفة الحب زي شجرة بدايتها بذرة وكل علاقة ليها بداية مختلفة عن اي علاقة تانية زي ان مش كل الاشجار زي بعضها
ممكن تبدا بارتياح الاول وممكن تبدا بشفقة على رايك بس في الاخر اسمها علاقة حب

مش عارفة تتفق معايا ولاايه
اسفة للاطالة

حمامة يقول...

ازيك يا استاذ محمد يا مختفى
ايه يابنى كل ده
حمدلله على السلامة
وكل سنة وانت طيب

قصة جميلة فكرتنى بقصة كنت قريتها عند سنو وايت

احيانا اندفاع الشخص ف الكلام يخليه يغلط اعتقد انه عمل كده

عودٌ احمد :)

سارة علي يقول...

ازيك يا محمد
اسفة على عدم متابعتى لمدونتك نظرا لابتعادى عن التدوين الفترة اللى فاتت
بجد عجبتنى اوى القصة حسيت قد اية ممكن نجرح ناس منغير ما نحس ودة معناة اننا لازم نراعى كلامنا
حمد اللة على السلامة ومتغيبش تانى بجد
صحيح ارجع دون فى نور الجنة
تحياتى

الفارس الملثم يقول...

شهد الكلمات ...

اكيد يا شهد , بس احيانا الحياه بيكون ليها حسابات اخري ,يمكن حالة الفتاه مش صعبه اوي ويمكن التعايش معاها , لكن لو افترضنا زي انتي ماقلتي في الاول انه يكون عندها شلل مثلا . ممكن ساعتها هي ترفض حتي لو كان الطرف الاخر صادق في مشاعره ...

علي اي حال هي كلها اقدار وهي وحدها اللي بتحدد المكتوب وعبثا ان نحاول تغيير قدرنا ..

تحياتي دائما يا شهد

الفارس الملثم يقول...

Blue Nile..

انا شايفة الحب زي شجرة بدايتها بذرة وكل علاقة ليها بداية مختلفة عن اي علاقة تانية زي ان مش كل الاشجار زي بعضها
ممكن تبدا بارتياح الاول وممكن تبدا بشفقة على رايك بس في الاخر اسمها علاقة حب

جميل تعبيرك ده يا بلو , ويمكن ان نقول وفقا لكلامك اما ان يكون او لا حب بصرف النظر عن الشكل اللي يظهر لنا فيه

نورتي بجد يا بلو

الفارس الملثم يقول...

حمامة ...

ازيك يا حمامه , ومتشكر اوي لسؤالك , هي فعلا تشبه قصة سنووايت ان احداثها كانت في القطار

نورتيني يا حمامه

زى الهوا يقول...

جميل , بس انا مش متصلة علشان اعلق على البوست , انا داخلة علشان اقولك كل سنة وحضرتك طيب , ويارب رمضان دا يبقى غير اى رمضااااااااان , ماتنساش التراويححححح

الفارس الملثم يقول...

سارة علي..

ازيك يا ساره , وحمدالله علي السلامه انتي كمان , ونا سعيد ان القصه عجبتك , وان شاء الله انزل حاجات جديده في مدونة نور الجنه قريبا

منوراني دايما يا ساره

الفارس الملثم يقول...

زى الهوا...

كل سنه وانتي طيبه , انا متشكر اوي علي سؤالك , وانتي بقي اترجعي لمدونتك امتي , مش انشوف ذكرياتك مع رمضان ولا ايه ممممممممممممم

نورتيني بجد ,ورمضان كريم والله اكرم

آخر العنقود يقول...

ياااااا اخيرا
حمدلله على السلامة يافارس
مع انى زعلانة زى ملاك لانك مش وضحت خاااالص انك رجعت
بس زى بعضه هنعديها ورمضان كريم
:))
اولا عنوان القصة رائع ومش عارفة ليه حسيتها اوووووووى فى بدايتها
بس مش كنت متوقعة احداثها بصراحة
اكتر حاجة بجد بتجذبنى انى بتعايش مع القصة جدااااااااااا وبتخيلها جدا جدا جدااااااااااااا
والصور ماشاء الله بتساعد على كده
اما القصة بقى
فطبعا زى ما قبلى قال
ان تير قوى بنسرع فى ردودنا وكلامنا مع ناس مش ليهم ذنب في اى حاجة ونفتكر اننا بنصحهم واحنا بنكون بنجرحهم
وخصوصا انها تحس او تشوف اراء فى الحياة الواقعية زى اللى قرتها فى القصة
وده اصعب عليها انه يتحول الكلام لواقع مؤلم بتعيشه
بس ياترى ايه احساسه بعد ما عرف انها كده وان كلامه ليها جرحها؟؟؟؟
ونفسي اعرف القصص دى انت بتتخيلها كلها ولا منها اجزاء بتكون احداث واقعية فى الحياة؟؟؟
بجد ماشاء الله عليك
ومعلش بقى بس فعلا احب اعرف
مش هحسدك ماتخفش
:))
دمت متميزا يامحمد
وكل رمضان وانت بخير والاسرة الكريمة
تحياتى

kochia يقول...

قصة حلوة اوي
واقعية جدا

مش شرط تكون العاهة صمم او عجز حركي او .. او

ممكن يكون اي عائق تاني يعوق تلاقي اي اتنين حاسين ان بينهم مشاعر ربما تكون حقيقية

ساعات لما بقرا الروايات دي بتمني انه لم يكن هناك وجدودا للحب والشوق والميل في حياتنا

حتي لو كانوا المحبين اقل سعادة
فقط حتي لا يشعر التعساء بكل هذه التعاسة

ولكن
هذه هي الحياة
قصة تنم عن موهبة يا محمد
جميلة

تحياتي

الفارس الملثم يقول...

آخر العنقود

ازيك يا اماني , كل سنه وانتي طيبه , واتمني تكوني خرجتي من مود الحزن بتاع اخر بوست اللي اتشال مممممممممممم

بصي هي اكيد قصه متخيله وان كانت بتلمس اشياء ما .......


اكيد مفيش اقصي من جرح مشاعر الاخرين وبتبقي المشكله لو محسناس اننا بننجرحهم فعلا

انا ببقي سعيد جدا لما بلاقي تعليقك بجد ,ويارب اللي بكتبه ينال اعجابك دايما

تحياتي ومودتي

الفارس الملثم يقول...

kochia..

اكيد الحياه اتبقي صعبه اوي لو افتقدنا الحب فيها بس احيانا بيكون البعد عن الحب افضل لبعض الناس عشان ما ينجرحوش او يتالموا

دايما ببقي سعيد بمرورك يا كوتشيا

نورتي بجد

Rania يقول...

محمد
كل سنه و انت طيب و يا رب يعود عليك بكل خير
على الرغم من ان الحب اجمل شىء فى الكون
الا انه برده ساعات بحس انه عذابنا فى الدنيا

بس مش بقدر الومه كتير بلوم قلبو البشر

دمت مبدعا

norahaty يقول...

السلام عليكم ورحمة الله وبركاته
ياله من موقف محرج
وضع نفسه به
ولكنها الحياة
وكم فيها من
احراج بل
وجراح
(محبوكة)
هذه هى
الكلمة التى
تأتى على بالى الحين
حلوة اوى بالرغم من قسوتها
تسلم ايدك يامحمد وحمدلله على السلامة
يامحمد ياصاحبى
(كنت قاعد تفنن
وتمخمخ على انفراد
وتقولى أجازة!!!!!!)

مجداوية يقول...

السلام عليكم

كل عام وأنت بألف خير أخى الكريم
ورمضان كريم

weswes يقول...

ايها الفرس نجمد الله على عودتك لنا
ولقد استمتعت كثيرا بقصتك وطريقة سردك المميزه
لك تحياتى

الملاك يقول...

كل عام وانت بالف خير اخى بمناسبة حلول شهر رمضان الكريم
دمت برعاية الله

قلب مصرى يقول...

كل رمضان وحضرتك بخير
اللهم بلغنا ليلة القدر واجعلنا من عتقاء هذا الشهر

norahaty يقول...

السلام عليكم ورحمة الله وبركاته
كل رمضان وكل سنة
وانت بالف خير
ومبروك التجديدات
فى المدونة والوردة
كماااااااااااااان
مرة تانية
كل لحظة وانت
بالف خير
يامحمد ياصاحبى

كوارث يقول...

السلام عليكم
واحشني جدا والله يا ريس
القصة جميلة جدا واسلوبك ممتع
بس النهاية صادمة !
قشطة
كل سنة وانتا طيب
ورمضان كريم

سنووايت يقول...

اولا كل سنة وانت طيب يا محمد ويارب يكون رمضان السنة دي اجمل واجمل وتحقق فيه كل ما تتمناه ونكون من المغفور لهم باذن الله

انا قرأت القصة يوم ما نزلتها علي فكرة بس ما علقتش كان عندي امتحانات وسافرت ولسة راجعة
طبعا القصة جميلة كعادة قصصك واسلوبك الرومانسي الجميل اللي بياخد القاريء معاه والاحلي كانت المفاجاة اللي في الاخر فعلا كانت مفاجأة لم اتوقعها

كل سنة وانت طيب
رمضان كريم

الفارس الملثم يقول...

Rania ..

منوراني دايما يا رانيا. وفعلا احيانا كثير بيكون الحب مصدر العذاب ,كل سنه وانتي طيبه ورمضان كريم

الفارس الملثم يقول...

norahaty..

ربنا يخليكي يا دكتوره ,منوره المدونه دايما, كل سنه وانتي طيبه

الفارس الملثم يقول...

مجداوية..

كل سنه وانتي اكثر سعاده واقرب لطاعة الله

الفارس الملثم يقول...

weswes..

ربنا يخليكي ,حضرتك اللي نورتيني , كل سنه وانتي طيبه

الفارس الملثم يقول...

الملاك..

كل سنه وانتي طيبه يا ملاك , ودايما لرحمه ربنا ومغفرته اقرب

الفارس الملثم يقول...

قلب مصرى..
وانت طيب يا قلب باشا , وفي خير حال وصحه واقرب لعفو الله ومغفرته

الفارس الملثم يقول...

كوارث..

ربنا يخليك يا باشا , اسعدني رايك جدا,كل سنه وانت طيب يا طارق

الفارس الملثم يقول...

سنووايت..

كل سنه وانتي طيبه يا سنووايت , حمدالله علي السلامه . ودايما اكثر قربا لله واكثر سعاده

Heart Rose يقول...

السلام عليكم
كيف الحال اخي محمد
و كيف هو رمضان معك


قد قرأت هذه القصه قبل ايام عده .. بعد ان قمت بطباعتها لكي يتسنى لي قرائتها في الباص في طريقي الى الكليه

كما عهدتك .. ذو اسلوب جذاب بالفعل
و صاحب قلم له باع

تبرز في نصك امر غايه في الاهميه الا و هو المعاق و وضعه في المجتمع و نظرة الناس اليه
و كيفية تعاملنا معهم بشكل خاطيء

شيء محزن بالفعل عندما التقطت هذه الفتاة عصاها

و انا لا اتفق معه في رايه .. بالتأكيد هنالك خير في مكان ما ..و هنالك اناس خييرين و ان كانو قله قليله .. و بالامكان تواجد قصة حب حقيقيه خاليه من الشفقه بين شخص "ذو احتياجات خاصه" و اخر لا يعاني من شيء

و عل فكرة الشخص ذو الاحتياجات الخاصه يكون في شدوة الحساسيه من الناس .. و يستطيع شم اي تصرف قد ينم عن شفقه و بالتالي فان قلبه و روحه لن تتقبل اي تعامل يشوبه نوع من الشفقه .. فما بالك بعلاقه غراميه و حب

و لكنني اتفق معك في كون واقعنا لا ينتهي دوما بنهايات سعيده كالقصص الرومنسيه

لكن لاحظ انه لا توجد بين قصصك نهاية سعيده .. اتمنى من هطولك الابداعي ان ينجح في نسج قصه ذات نهاية سعيده
عسى ان نفرح معها


لانني دوما في قصصك التمس نوعا من المشاعر الحقيقيه التي تنفث فيينا نحن القراء حزنا حقيقيا و ليس مجرد حزن على قصه و السلام
حيث ان قصصك ذات نمط واقعي .. و الواقع عادة مؤلم .. كما نعرفه جميعا

اخي محمد
كما عهدت قصصك ايضا لا تكاد تخلو من ثلاث اشياء : مطر , مرض , عاشق

افتقدت المطر اليوم و لم اره في اي من سطورك .. رغم بحثي المضني عنه .. شعرت بالحزن :(
و لكن حل محله :
((نسمات خريفيه بارده ))

التي لا تخلو من الرومانسيه ,, حالها كحال قطرات المطر

سلمت اناملك على هذه الكلمات العذبه

سلم لنا ذوقك و قلمك

سلمت لنا روحك الطيبه

دمت رائعا و رمضان كريم

Heart Rose يقول...

نسيت ان ابارك لك على البنر الجديد

غايه في الروعه

ايوية يقول...

اولا كل سنة وحضرتك طيب
هو جرحها بدون قصد منة لكن حرج اعتقد انة صعب ينسى وممكن يغير اشياء فى حياتها

مدحت محمد يقول...

كل سنة وحضرتك طيب يارب


ورمضان كريم

mohamed يقول...

السلام عليكم
كل سنه وانت طيب وبكل خير يارب
اسف جدا على تاخرى فى قرائه مدونتك الجميله ودا تاخر فى متابعه النت بوجه العموم
قصتك دى جميله مع المفاجاه التى جعلت القلوب تان فى نهايتها الا انى من البدايه كنت اختلف مع بطل القصه لما قال
فلا يوجد بنيان من الحب يمكن ان يصمد ان خالطت اساساته ولو قليلا من الشفقه
بل اقول
الحب هو كل الاحاسيس الانسانيه الجميله تجاه الطرف الاخر احتياج وعطف وحنان واحتواء ولو حتى كان به شفقه ايضا فلا مانع
تحياتى لصديقى الفارس ولقصصه الجميله
اشوفك بين حروفك
سام

آخر العنقود يقول...

السلام عليكم
ازيك يافارس؟ يارب يكون رمضان السنة اجمل واكثر طاعة ونعيم وفضل من الله
انا كنت قولت انى هشترك معاكم فى نور الجنة بس بعد رمضان وده لانى مش عاوزة اشغل نفسي بحاجة على النت
بس بصراحة حسيت انه مختلفة شوية على المدونة الشخصية يعنى فى فكرة البوستات الموزعة
وطبعا تلبية لرغبة المشاهدين
:)
بجد جزاكم الله خيرا على الرد والاهتمام
وان شاء الله اشترك معاكم فيها الفترة دى بس ياريت اعرف النظام
وده ايميلي
almoslema@gmail.com
ربنا يتقبل من ومنكم ويجعله فى ميزان حسناتكم يارب
اعاننا الله واياكم وتقبل ورزقنا الاخلاص فى القول والعمل
دمت بكل الخير

aya يقول...

كل عام وانت الي الله اقرب
حمدلله علي السلامه
طبعا انا مش عارفه اقول اد ايه القصه جميله ربنا يباركلك في موهبتك ويزيدهالك
بالنسبه للقصه هيه رائع بس عندي سؤال في بدايه القصه انا حسيت انها هتدور احداثها علي حزن الشاب ده بس بعد شويه اما ابتدي يتكلم كان المفروض انه بيتكلم عشان يحكي عن هموما لقيته بيهاجم؟؟!!!طيب وبعد كده بردوا هوه راح فيييين وايه كانت حكايته؟؟
بس عجبتني اخر حته اما البنت هتسند علي عكاز وتكون شبه البنت الي في الروايه
بجد جميله
عذرا للتأخير

آخر العنقود يقول...

السلام عليكم
كل سنة وانت طيب يامحمد
ويارب تكون السنة دى اجمل وتحقق فيها كل امنياتك
كده بقى عرفت ليه كل سنة وانت طيب مرتين :)
رزقك الله ماتتمنى وزيادة
وجعله عاما خير ونور وبركة
وعقبال 99 سنة :)))
تحياتى

الفارس الملثم يقول...

Heart Rose

ازيك يا روز , كل سنه وانتي طيبه , قريت ردك اللي دايما بيبقي ليه نكهه وطعم خاص , اؤيدك في اغلب ما قلتي وبالنسبه لحكاية النهايات السعيده فيمكن بشوف الحياه قليلا ما تحمل النهايات السعيده لاي حكايه , لكن اعدك بالمحاوله

دايما بيسعدني مرورك ورايك المميز

نورتيني بجد

الفارس الملثم يقول...

ايوية..

كل سنه وانتي طيبه ودايما اقرب لرحمة الله ومغفرته

الفارس الملثم يقول...
أزال المؤلف هذا التعليق.
الفارس الملثم يقول...

مدحت محمد..

كل سنه وانت طيب يا مدحت

نورتني يا باشا

الفارس الملثم يقول...

mohamed..

كل سنه وانت طيب يا محمد , طبعا انا متفق معاك تماما في رايك , بس يمكن الحياه بتكون اكثر قسوه من توقعنا

نورتني يا باشا

الفارس الملثم يقول...

آخر العنقود..

ان شاء الله يا اماني تكوني اضافه رائعه للمدونه كما هو متوقع منك , متشكر اوي يا اماني علي تهنئتك وانتي معزومه علي كنافه وقطايف في البوست اللي فوق , بس متنسيس الهديه ههههههههه

منوراني دايما يا اماني

الفارس الملثم يقول...

aya...

ازيك يا ايه , كل سنه وانتي طيبه , انا سعيد جدا ان القصه عجبتك ..

هو يا ايه اقرب لتجسيد مشهد وطرح بعض الافكار حوله وترك الباقي لتصور وخيال القارئ

نورتي بجد

عبــــــــــث يقول...

الفارس الملثم

سعيدة أنا من قدري الذي أوصلني هنا

أهنئك على هذا الابداع الفائق الروعة

سرد قصصي رائع

أفكار وحوادث تمزج الواقعية واللاواقعية في آن واحد

تشبيهات وأسلوب يأخذك الى قلب الحدث وتغرق في لوحة الحروف

نهاية في غاية الجمال والروعة لم اتوقعها لكنها جدا جميلة

ملاحظة:لاحظت ومن قراءة ما تنشر استخدامك المكرر لكلمة عبـــث
وللعبثية بشكل عام ... شدني هذا التكرار لانك وكما ترى اسمي عبث

تحيتي لك

تقبل مروري

عبـــث

الآء يقول...

حلوه قوي يا محمد

عجبني فيها اولا الوصف الدقيق للأحداث والبيئه المحيطهخ واللي خلت القارئ يتخيل الحدث

عجبني طريقه الحوار من جانب الطرفين وطريقة عرض رد الفعل علي الطرف الاخر

الناهايه كانت غير متوقعه وعلي غير االعاده ةاعتقد اللي اثارت القارء

اما لغويا فأحييك كل التحيه

تسلم ايديك

كيارا يقول...

كووووووووووول سنه وانتي طيييييب

عيد سعيد عليك

غير معرف يقول...

福~
「朵
語‧,最一件事,就。好,你西...............................................................................................................................-...相互
,以讓>它使...................

users online