الخميس، 17 أبريل 2008

قصاصات ورق منسية "2

تذوب الكلمات في بحر التنهد والتلعثم
وأنت ترقبيني في صمت
وفي تبسم ...
عندما أكون معك يصيبني الجنون
ففي عينيك مكر الساحرات وبراءة الأطفال ونظرة اللهفة والاشتياق



إليك أهذي حروف كلماتي
يا صاحبة الطلسم
يا من صببت علي اللعنة
ألا اعشق غيرك
يا تنهيدة أنفاسي المختنقة بين الضلوع
آن لك ان تشفقي بتوجعات هذا الخافق حتي الالم


استضافة الملف بواسطة
سأرحل الآن عنكم
أتمني أن تسعدوا بمغادرتي عالمكم
كفكفوا دموعكم
لا تشيعوني بكلمات الرثاء
فكم احترقت ألما من أجلكم
وكم نزفت دموعي أمام أعينكم
حتي وداعكم لن ينزع هذا الحزن التي زرعتموه في قدري




يا أنشودة الروح الممزوجة مع دمي
يا أنا .....
يا أحرف اسم منقوشة علي نبضي
وممنوع علي ان اقرأها ..
أني أتنفس وجودك لكي أكون
ومن غير وجودك لن اوجد

استضافة الملف بواسطة
عجبا لي مازلت أحارب وحدي
مازالت تتملكني روح هذا البطل الخرافي
أنقلد سيفا وهميا وأحارب أحلامي المجنونة
أتعثر بين أمنيات لن تتحقق
اطرق دروب المستحيل في ياس
جراحي مازالت تنزف
تهاجمني اشباح الذكريات الاليمة
تلعق جراحي في نشوة
ليس لي قوة إن ادفعها عني
انها الان ترقص رقصة الموت الاخيرة


هناك 54 تعليقًا:

صاحب المضيفة يقول...

اول تعليق

ايه يا عمنا ده

براحة علينا شوية


أنا حسين اني باقرا لنزار قباني ولا حاجه


ربنا يزيك من فضله


دمت مبدعا

Unknown يقول...

السلام عليكم ورحمة الله وبركاته
محمد**
الفارس الملثم
الكلام حلو اوى
واسمح لى (استعير كلمة بطوط حبوب )المشهورة انا حاتنح !!بردون يامحمد ولو انى ما بحب التعبير ده لكن فعلا الكلام حلو اوى(وبطن الواحد فاضيه وافهم انت بقى الباقى) وكمان اهم حاجه ان الواحد لسه راجع من الشغل وما روق كده
بس حبيت امضى حضور احسن تقول ان احنا ما متابعين ,انا شايفه المدونة الصبح وماكنت كتبت شىء لسه....!!!
اه 1:30 مساءآاوكى ياصديقى
نتغدى والذى منه ونجى نكمل الكلام
ان شاء الله
norahaty

آخر العنقود يقول...

عجبا لي مازلت أحارب وحدي
مازالت تتملكني روح هذا البطل الخرافي
أنقلد سيفا وهميا وأحارب أحلامي المجنونة
أتعثر بين أمنيات لن تتحقق
اطرق دروب المستحيل في ياس
جراحي مازالت تنزف
تهاجمني اشباح الذكريات الاليمة
تلعق جراحي في نشوة
ليس لي قوة إن ادفعها عني
انها الان ترقص رقصة الموت الاخيرة

بجد حرام بقى
كلمات اكثر من رائعة يافارس

وقريبة اوى من حاجات كتير جوا كل واحد فينا

وبعدين يافارس حرام عليك

مرة هذيان ومرة قصاصات ورق منسية
انا بجد بحس انى فى عالم تانى مع كلماتك دى
لانها فعلا كلمات حية ومحسوسة اوووى

دمت مبدعا ومتألقا يامحمد

بطوط حبوب يقول...

واكنك كاتبها وانت بتنازع الموت
بجد كلمات احساسها عالى عالى عالى
ورقيقه بدرجه فوق الوصف
مش هعرف اكتب اى كلام تانى
لكنى اعتبر نفسى من المحظوظين الذين عرفوا هذه المدونه

موناليزا يقول...

هى كل قصقوصة على حدة ولا هى منظومة واحدة؟ انا اعتبرتها كل جزء لوحده بس بجد هما مترابطين جدا وعشان كده بسأل فارجو التوضيح
مش عارفة بجد أقول غير ماشاء الله على قلمك الرائع وصف الحالات عالى جدا وبالذات الجزء الاخير
دمت كاتبا متميزا ومبدعا

مجداوية يقول...

الفارس الملثم

أيها المبدع بالكلمات والصور أيضا فأنت تختار صورك بنفس عنايتك فى اختيار الكلمات
الكلام بلا شك مبدع وأحيانا معجز مثل انى اتنفس وجودك ومن غير وجودك لن أكون ولكن أنا لا أتفق معك فى هذا التلازم الا فى حالة الخيال فقط أما الواقع فكل حالات الولهه والعشق واستمداد حياة من حياة ووجود من وجود أقول ان سببها هو ضعف الايمان ,,وكما قلت لك سابقا من استأنس برب البشر لا يحتاج لبشر ومن استمد وجوده من تواصله بالله لا ينقطع وجوده باختفاء الناس ,والفكرة رومانسية رائعة انا فقط اعترض على ربط حياة شخص بحياة شخص آخر سعادة أو شقاءا حياة أو موتا ومع كل تقديرى لكل مشاعرك فى كتابة هذه الكلمات الرائعة فأنا أجد ان ما من بشر يستحق كل هذا الذوبان فيه فهى كلمات تفوق مقام البشر أخى الكريم

ولكن هذا لا يمنع أبدا انك بالفعل مبدعا
أيها الفارس المبدع والملثم محمد

مجداوية يقول...

اه معلش نسيت ,,انا جاوبت على سؤال الفيلم ,,وكمان حتجاوب على التاج فلم ينفعك الاختباء ,وأنا بأهزر طبعا لو مش عايز تجاوبه خلاص بس أخونا خايف من الحقيقة عنده تاج بقالة شهر فشكاك كده حتنزل احتياطى بداله جاهز تهيس ولا لأ ؟؟

سنووايت يقول...

تهاجمني اشباح الذكريات الاليمة
تلعق جراحي في نشوة
ليس لي قوة إن ادفعها عني
انها الان ترقص رقصة الموت الاخيرة

صعب اوي الجزء دا
هي الذكريات مهما كانت قاسية ولكن بيظل لها سحرها الخاص اللي بيربطنا بالماضي وفي نفس الوقت هي دي صعوبتها وقسوتها

shaimaa samir يقول...

ففي عينيك مكر الساحرات وبراءة الأطفال ونظرة اللهفة والاشتياق


الاخ الفاضل
الفارس الملثم
مدونتك عالمك الخاص
تجبرنا على دخوله خاضعين
ارى دوما انات الحزن
ولكن دعنىاقول
انها تخرج مالا يستطيع الفرح اخراجه
بالتوفيقدوما

عذرا
ربما اختلف مع مجداوية فى امرالصور
متاكدةانا انك تستطيع ان تبحث اكثر فستجد اشيائا تلائم رقة كلماتك
معذرة..... للتطاول

جزاكم الله خيرا

منى يقول...

اشعر بالذنب كلما استمتعت بكتاباتك الحزينه
وترجمت انت هذا الشعور دون ان تدرى

تهاجمني اشباح الذكريات الاليمة
تلعق جراحي في نشوة

جعلتنى اتذكر قصه قراتها فى طفولتى لكنها محفوره داخلى
عن شاب بسيط يريد مقابله الاميره فى حفله كبيره لكن لابد ان يكون معه ورده حمراء
لم يجد
وكانت وصفه غريبه قالوها
الورده البيضاءلن تكون حمراء الا بدماء بلبل حزين يغنى والشوك مغروس فىقلبه
وفعلها البلبل من اجل صديقه الحزين
وانت يا اخى تذكرنى بهذا البلبل
وان اختلف الامر بعض الشئ
وايضا تذكرنى باخى
اتمنى ان اراكم سعداء
تحياتى ودعواتى

د/اجدع بنوته يقول...

يخربيت كدددددددده

عينى عليك بارده

ماشاء الله

كل بوست عن بوست بتكتسب نضج رهيب

بجد كلمات مميزه وفعلا

ارفعلك القبعه

واحد من البلد دى يقول...

كلما زرت مدونتك..وجدتك مبدعا عن ذى قبل...دمت صديقى متوهجا

Hossam Nasr يقول...

السيد الكريم

تابع على مدونة قولاً سديداً رد الحكومة الهولندية على حملة المدونة لدعوة الحكومة الهولندية لسن قوانين ردعية تمنع حدوث الإستهزاء بالمقدسات الدينية ورد المدونة عليهم على الربط التالي
http://kawlansadida.blogspot.com/2008/04/blog-post_18.html

وجزاكم الله عن نبيكم خيراً

الفارس الملثم يقول...

صاحب المضيفة ..

ههههههههه

نزار قباني مرة واحدة , الله يخليك يا باشا , ومنورني كده دايما

تحياتي
محمد

الفارس الملثم يقول...

norahaty..

الله يخليكي يا دكتورة , بس الرد ده قبل الاكل , ممكن بقي بعد الاكل تغيري رايك ممممممممممم

تحياتي وتقديري
محمد

الفارس الملثم يقول...

آخر العنقود..

انا بجد اللي مش عارف اقول ايه عن ردودك المشجعة دايما كده , منوراني يا رب دايما , وبذهب عنك اي حزن ..

تحياتي وتقديري
محمد

الفارس الملثم يقول...

بطوط حبوب ..

العفو يا باشا انت اللي بتشرفني بالزيارة , وان سعيد ان البوست عجبك.

تحياتي يا محمود

محمد

الفارس الملثم يقول...

monaliza ..

الله يخليكي يا فندم ده بس من ذوقك, لا هما قصاقيص خواطر او بمعني اخر خواطر لم تكتمل , واتمني تكون عجبتك ..

تحياتي
محمد

الفارس الملثم يقول...

مجداوية ..

بداية انا سعيد جدا انك مغيرتيش رايك في كتاباتي ويارب اكون دايما عند حسن ظنك ..

العرب زمان قولوا اصدق الشعر اكذبه وكتير من القصص الرومانسية صعب تصور وجودها في الحقيقة , ولو حتي وجد فانا ما صادفتش الحد اللي ممكن الكلام ده يكون ليه فمتخافيش هههههههههههههه

وبالنسبة للتاج اجاوبه طبعا بس حين ميسرة ممممممممم

لا انشاء الله اخد التاجين عمولة مع بعض..

تحياتي وتقديري
محمد

الفارس الملثم يقول...

سنووايت..

عجيبة مقولتك عن سحر الذكريات الاليمة ,ممكن في حالة واحدة لو تمكنا من تجاوزها والا بتكون غصة في حلوقنا تنبض بالمرارة الي روحنا كلما مرت علي الذاكرة ..

تحياتي دائما سنووايت

محمد

الفارس الملثم يقول...

shaimaa samir..

بداية حضرتك نورتي المدونة ,واشكر لك رقة احساسك , وقد صار ردك المتميز وزيارتك لمدونتي المتواضعة يسعدني كثيرا

مع خالص تحياتي
محمد

الفارس الملثم يقول...

منى ..

كثيرا ما يستوقفني ردك ,ويترك لدي الكثير من المشاعر المتناقضة ..

شعور بالغبطة لاطرائك , وشعور بالدهشة والاعحاب بتحليلك للكلمات والمشاعر , اتذكر انا ايضا قصة هذا البلبل الحزين وكم تحمل قصته الكثير من المعاني ..

يشرفني كوني اذكرك باخيكي واتمني لكي انتي ايضا السعادة

تحياتي دائما
محمد

الفارس الملثم يقول...

د/اجدع بنوته ...

ههههههههههههه

الله يخليكي ده بس من ذوقك , وبالتاكيد رايك ده يشرفني ويسعدني جدا , واتمني الا يطول الغياب ..

تحياتي دائما
محمد

الفارس الملثم يقول...

واحد من البلد دى..

الله يخليك يا باشا , واتمني ان اكون استحق اطرائك هذا , حضرتك نورت المدونة..

تحياتي
محمد

حمامة يقول...

اول حاجة كده اختيارك للصور رووووووووعة بتجيب الصور منين هاااا

يا أحرف اسم منقوشة علي نبضي
وممنوع علي ان اقرأها ..
أني أتنفس وجودك لكي أكون

عجبنى اوى اوى التعبير ده

اتنفس وجودك

بس ايه الرومانسيه دى :D

فنان يا محمد بيك :D

قلم رصاص يقول...

السلام عليكم ورحمة الله وبركاته

ما شاء الله عليك أخي محمد فكلماتك كلها رائعة ومتميزة

بارك الله فيك

الفارس الملثم يقول...

حمامة ..

بالنسبة للصور دي مصادر خاصة بقي ههههههههه

انا سعيد ان البوست عحبك , ومتشكر اوي علي ذوقك , وارجو الا يغيب تحليقك في سماء مدونتنا المتواضعة

تحياتي
محمد

الفارس الملثم يقول...

قلم رصاص ..

تسلم يا فندم علي زيارتك ورايك الذي اسعدني كثيرا وانتظر الا تكون الزيارة الاخيرة , وحضرتك نورت المدونة..

تحياتي
محمد

elsa7era يقول...

اية كدة كلة انت جايب الكلام دة منين الى تسيب حد عندة قلب بالشكل دة تبقى عمرها محتلاقى الحب مع اى واحد تانى ربنا يقويك على انت فية ويقوينا كمان
سااااااام

دعاء مواجهات يقول...

كلام جميييييل اوى

وحساس اوى

ورقيق اوى اوى اوى


تقبل تحياتى لرهافتك

..... انتظرك ف مدونتى

Unknown يقول...

ايه يا عم راحل على فين متخافش احنا كلنا معاك قصيدة جميلة وكلمات أجمل كمل يا عم واحنا معاك

Rania Lelah يقول...

مارايت ابدع ولا اروع من هذه الثرثره فوق الورق

احسنت ثم ابدعت

دمت بخير

Empress appy يقول...

صباح الخير
الا سؤال انتم منطهدنى ليه تلات مدونات ادخلها الاقى نكد طيب اعمل فيك ايه
حرررررررررررررام

بس بجد انت بقيت اقوى من الاول بكتر عجبتنى جدا

بجد المرة دى بسم الله ما شاء الله عليك

walaa يقول...

كلمه واحده دمت مبدع
كلاماتك جميله قوى

شهرزاد يقول...

كلمات تلعب على وتر الذكريات
تشبيه الذكريات بالأشباح أعجبني للغاية
فالأشباح لاشياء لم تعد موجوده بعد الآن لدينا لكننا نراها نتمنى رؤيتها وتذكرها لأنها تذكرنا بمن نحب لكنها تخيفنا وتوقظ بداخلنا ألم رهيب
سلمت يداك
وأتمنى للجميع ذكريات سعيدة

la3lahakhier يقول...

دا كلالالالالالالالالالالالالالالالالام كبيييييييييير

الفارس الملثم يقول...

elsa7era..

بداية حضرتك نورتي المدونة , بص هي الخواطر دي متخيلة بس مش لحد معين هههههه

تحياتي

الفارس الملثم يقول...

دعاء مواجهات ..

بداية حضرتك نورتي المدونة , ومتشكر اوي علي ردك وعلي ذوقك ..

مع خالص تحياتي

الفارس الملثم يقول...

ayman badr

تسلم يا عم ايمن , ومنور المدونة يا باشا ...

تحياتي

الفارس الملثم يقول...

Rania..

تسلمي يا رانيا , ومتشكر جدا علي رايك وعلي ذوقك

تحياتي دائما

الفارس الملثم يقول...

appy ....

ههههههههه

حظك بقي , ومتشكر اوي علي شهادتك اللي بالتاكيد ساعتز بها كثيرا , بس اوعي تغيري رايك..

تحياتي

الفارس الملثم يقول...

walaa..

تسلمي يا ولاء , منوراني دايما, ومتشكر جدا علي رايك ..

مع خالص تحياتي

الفارس الملثم يقول...

شهرزاد..

نورتي المدونة يا شهرزاد بعد طول الغياب , وشكرا جدا علي مداخلتك الجميلة

تحياتي

الفارس الملثم يقول...

la3lahakhier..

هههههههههه

تسلمي يا فندم نورتي المدونة

تحياتي

مواطن مصرى نايم يقول...

بوست جميل
والله بجد تحفة
معلش انى اتأخرت فى الرد
لكن والله طالع عينى اليومين دول
تحياتى ليك يا باشا
eslam

صحفية روشة يقول...

اول مرة هطلب زيارة محتاجه جدا جدا اجابات على البوست الاخير بمدونتى
شكرا

Desert cat يقول...

بصراحة القصاصة دى جاااااااامدة

يا أنشودة الروح الممزوجة مع دمي
يا أنا .....
يا أحرف اسم منقوشة علي نبضي
وممنوع علي ان اقرأها ..
أني أتنفس وجودك لكي أكون
ومن غير وجودك لن اوجد

شق القمر يقول...

قصاصات طيبة وجميلة جدا تبارك الله
منها ما هو طيب ومفرح
واشد ما جذبنى لمدونة حضرتك التدوينة السابقة
والصورة المقدمة لها
وما تحت المطر :)
ربنا يزيدك

غني يابهيه يقول...

عوده بعد غيبه

بس للاسف ما لقيتكش زى ما سبتك

لقيتك اجمد بكتييييير


لسا مخلص امتحانات

كلامك فى الجون

مجداوية يقول...

الأخ الكريم
محمد الفارس المبدع

اذهب لمدونة قولا سديدا ,,الأخ ويسبر للأهمية

حووووول

الفارس الملثم يقول...

Desert cat..

تسلمي يا قطة وانا سعيد ان القصاصات عجبتك . نورتي المدونة

تحياتي

الفارس الملثم يقول...

مواطن مصرى نايم..

ولا يهمك يا اسلام باشا , ربنا يعينك

تحياتي

الفارس الملثم يقول...

شق القمر..

حضرتك نورتي المدونة بزيارتك الاولي واتمني الا تكون الاخيرة , وانا سعيد برايك فيها

تحياتي

الفارس الملثم يقول...

غني يابهيه...

الله يخليك يا باشا , ده بس من ذوقك ,وربنا يوفقك دايما

تحياتي

users online