الجمعة، 3 أكتوبر، 2008

خواطر منسيه





بداية كل سنه وانتم طيبين , هو اينعم العيد خلص تقريبا بس مايمنعش اننا نقولها بأثر رجعي ...

في مثل بيقلك ان التاجر لما يفلس يدور في دفاتره القديمه ,هو طبعا مش افلاس لكن انا حبيت اعرض المره دي اول خاطرتين كتبتهم تقريبا ,هما ممكن تقول شعر او تقول خواطر , اختار انت المسمي اللي يعجبك ليهم ..

انا اكيد زي اغلبكم بدأت محاولاتي لكتابة شعر او خواطر من مرحلة ثانوي , وصراحه انا مش فاكر اي حاجه منها لان الاجنده اللي كنت بكتب فيها قد ذهبت مع الريح علي رأي الفيلم , ده غير التخاريف اللي كنت بكتبها في اي ورق الاقيه ادامي واللي معرفش برده اين انتهي مصيرها ... طبعا انا عمال ارغي ومقلتش حاجه مفيده معلش بقي لو مكنتوش انتم استحملوني اجيب مين يستحملني

ما علينا ... لما بدأت ادخل عالم المنتديات لقيت كتابات ادبيه من اشعار وخواطر عجبتني اوي فقلت اجرب انا كمان وكتبت الخاطرتين دول اللي انا وقتها كنت بعتبرهم شعر




لا تسأليني عن العنوان
فانا مثلي بلا عنوان
فانا طير جفاه الزمن بالأحزان

وغرقت في بحر عينيك بلا شطأن
أصارع أمواج الذكري والنسيان
فلقياك يمنيني بأماني الحب

وبعدك يلطمني بصخور الوهم
--------
انا طائر قد طاف حول الكرة الأرضية
وقد أضناني البحث كثيرا والبعد كثيرا
فبحثت في كل مكان
عن حضن امرأة يحتويني
عن لمسة حب تسري في شراييني
عن مرفأ قلب ترسو فيه سفينتي
فلم أجد القلب او المرسي
فعدت ثانية إليك
فاتركي السفينة ترسي
فكفاني سفرا عبرا الأمواج
وكفاني تحليقا في الأفاق
فإذا كنت انا الطائر والسفينة
فكوني أنت العش والمرفأ

طبعا ناس اتقول ايه العك ده , معلش يا جماعه دي كانت اول محاوله شعريه ..نجي بقي للمحاوله التانيه ودي بقي عكس الاولانيه بتكلم عن خيانه وغدر



لا تبكي من اجلي
ادخري دموعك سيدتي فكم من عاشقين غيري
لا تخافي لم يعد جرحي يدمي
الخنجر لم يعد في صدري
لا تلمسي الجرح لعله يشفي
لا تخشي اتهامك بالخيانة
فتلك تهمة بالية قديمة
فلكي سيدتي ان تحبين من تريدين
وتهجرين من تريدين
وتطعنين من تعشقين
فتلك امور ثانوية فلا تهتمين
فالعاشق والمعشوق سواء
والقاتل والمقتول سواء
والحب الصادق كله هباء
انا لا الومك سيدتي فاللوم عتاب

والعتاب لون من الحب وانا لن يعد لي قلب فكيف احب

انا طبعا ناس بعد ما قرت البوست بتحدفني بالكحك اللي فاضل عنهم , معلش يا جماعه انا محاولتش ان اغير اوي فيهم عشان تشوفوا اولي محاولات عكي الشعري.. كل سنه وانتم طيبين مره تانيه ودايما اكثر سعاده..

هناك 53 تعليقًا:

مدينه الملائكه يقول...

انا هحجز اول تعليق
وارجع تاني

سنووايت يقول...

كل سنة وانت طيب محمد
المحاولتين لا بأس بهما
بس دايما بالاقي في كتاباتك فكرة وبتجيد التعبير عنها بألفاظ مناسبة وبرده بتستخدم صور جميلة في تشبيهاتك

عجبني اوي في المحاولة التانية

"انا لا الومك سيدتي
فاللوم عتاب
والعتاب لون من الحب
وانا لم يعد لي قلب
فكيف احب"

حسيت انها لوحدها قصيدة
--
شيء جميل انك لسة محتفظ بكتاباتك القديمة
بس ياريت مش تحرمنا من جديدك

كل عام وانت بخير

Heart Rose يقول...

محممممممممممممممد

الحمد لله لحقت التعليق الثاني
و لو اني كنت حابه اعلق اولا

صديقي العزيز كيف الحال
سررت جدا بعرضك هذه المحاولات
التي اسميها بئر نفط (عراقيتي تؤثر في اختياري للتشبيهات لول )
حقيقة هي بئر نفط غالي اكتشف حديثا

و بالنسبة لي اعتبر الخواطر الاولى او القصيدة الاولى هي نفط خام
تحتاج الى التحسين و الصقل لكن لا تخفى علينا الموهبه في جميع نواحيها و كلماتها و تشبيهاتها و روعة بيانها

اعجبتني جدا القصيدة الثانيه فهي بمثابة تأكيد على موهبتك

" انا لا الومك سيدتي فاللوم عتاب
والعتاب لون من الحب وانا لن يعد لي قلب فكيف احب"

يعني عاشق فنان بكل ما للكلمة من معنى
اخيارك لمعاني اللوم و العتب و طريقة عرضها تذهلني
كونها ثاني محاوله ... مذهله



رائع يا محمد
ساقرأهم مره ثانيه

بدون مجامله >> مذهله بالفعل

Heart Rose يقول...

"فبحثت في كل مكان
عن حضن امرأة يحتويني
عن لمسة حب تسري في شراييني
عن مرفأ قلب ترسو فيه سفينتي
فلم أجد القلب او المرسي
فعدت ثانية إليك"

لم يعجبني هنا كونها اختيار ثانوي و ليس رئيسي
لا اعتقد ان من يحب امراه .. يبحث عن حضن غيرها
فبحث و لم يجد
"فعدت ثانية اليك"



هو مجرد تعليق على المعاني يا محمد ^_^ فلست بناقده او خبيرة في الحب او كاتبه
فتقبل مني تعليقي

habiba يقول...

اخيييييييييييرا هليت علينا يامحمد بعد هلال العيد ببوست جديد؟؟؟؟

كل سنه وانت طيب يااحلى فارس فى بلوجر كله وعيد سعيد :)

ثانيا ونحدفك ليه هو موت وخراب ديار ؟ يعنى لا شعر ولا كحك؟ ههههههههه-وش بيطلع لسانه-

ندخل بقى للجد
اول كلام ده بتاع الحب حلو جدا ماشاء الله واذا كانت دى اولى محاولاتك امال فين محاولات دلوقت؟؟؟!!!!!!!!
بس اكتر كلام شدنى "فإذا كنت انا الطائر والسفينة
فكوني أنت العش والمرفأ" جميل اوى بجد يامحمد


والتانيه اعوذ بالله ياراجل هو الل يحب بالشكل اللى فوق ده يكره بالشكل اللى تحت ده؟!!!!!!!!
مااعتقدش
وبعدين مش كل الحب الصادق هباء زى ماانت بتقول يامحمد واذا ربنا انعم عليك بيه يبقى لازم تحافظ عليه

ورينا بقى محاولات اليومين دول
مستنيينك
دمت بخير
عيد سعييييييييييييد تانى :)

kochia يقول...

كل سنة وانت طيب
وطبعا المعايدة اي وقت شغالة
المهم تيجي

بالنسبة بقي للخواطر هم افكارهم حلوة اوي بس الشعر فيها فعلا مكسور
بس افكار حساسة ورومانسية

بس انا قريت لك قصص مش اشعار
هو انت كاتب اشعار وانا مش واخدة بالي ؟؟

تحياتي

منى يقول...

لاء متخافش مفيش تحديف كحك ولا حاجه
بس يبدو ان موضوع الاجندات دى منتشر اوى الحمد لله ان انقذت اجندتى من الضياع فى اخر لحظه

اما بالنسيه للبوست
الخاطره الاولى تحمل مفردات السما والبحر
بحر..شطئان..صخور..مرفا..امواج..الطائر..العش
فيبدو منها احلام تلك المرحله العمريه من الرغبه فى الانطلاق حتى وان كنت تبحث بكلماتك عن المرفا


اما التانيه ففيها لامبالاه تلملم كرامه جرحها الغدر

يبدو ان المعانى العميقه عندك من بدرى
كل سنه وانت طيب

كيارا يقول...

اول تجربه ايه بس وكحك ايه بجد رااااااااااائع ان دي اول تجربه لالالالا موهوب بجد

------
ندخل بقي الكلام
---------
فانا طير جفاه الزمن بالأحزان
وغرقت في بحر عينيك بلا شطأن
أصارع أمواج الذكري والنسيان

----------

الللللللللللللله بجد تشبيهات روعه انت شبهت عنيها بالبحر لا وبتغرق فيه
وبتصارع الامواج كمان لالالالالا بجد روعه
-------
عن حضن امرأة يحتويني
عن لمسة حب تسري في شراييني
عن مرفأ قلب ترسو فيه سفينتي

---------
لالالا مش ينفع الكلام ده بجد تشبيهات جامده جدا
----------

نيجي للتانيه
--------

الخنجر لم يعد في صدري
لا تلمسي الجرح لعله يشفي

--------
ياااااااااااه صعب اوي الكلام ده لالالالالا بجد كلام يقتل
----------
والحب الصادق كله هباء

----------

مش معاك في ده خالص عمر الحب الصادق ماكان هباء ....
---------
الله ينوووووووور :)

فارس بلا جواد يقول...

إذا كانت اول تجربة بهذا المستوي فبالتأكيد أنت كنت مخطأ حينما أهملت في حق الشعر وأعطيت كل أهتمامك للقصص
رغم اعترافي ببراعتك الأدبية في كتابة القصة لكني أري انك ربما ظلمت الشاعر الذي بداخلك
الخاطرتين علي مستوي جيد وهما يذاكراني بمعظم البدايات التي كان يسيطر عليها الأحساس أكثر من الأهتمام بجزالة اللفظ وعمق الصور
ولكن الشيئ الملاحظ أنك كنت معارض للقافية والوزن حتي منذ بداياتك .. فربما البعض يحاول كتابة شعر عمودي في البداية قبل ان يتجه للشعر الحر ولكن يبدو أنك كنت واضع طريق محدد لأسلوبك في الكتابة

تصحيح لغوي
فتلك امور ثانوية فلا تهتمين
لا تهتمي .. لا الناهية تجزم المضارع

ولكن اذا كانت البدايات اقتصرت علي خطأ لغوي واحد فقط فأنت بطل .. لأنني أحيانا عندما أقرأ بعض بداياتي أصاب بالأغماء

كل عام وانت بخير

yoyo يقول...

لما دى تكون اولى محاولاتك الشعرية بمنتهى الجمال بالشكل دا امال القادم هيكون ايه ؟؟؟ اها ما خفى كان اعظم

انت عارف ان بحب كتابتك فى القصص وطريقتك فى السرد اد ايه بس كمان الواضح انك استمتعت بكتابتك الشعرية كمان
تشبيهاتك حلوة اوى على حد كلامك كاولى محاولاتك الشعرية طيب نكتب احنا ايه بقى لما كدا من اولها هههههههههههه

لا تسأليني عن العنوان
فانا مثلي بلا عنوان
فانا طير جفاه الزمن بالأحزان
وغرقت في بحر عينيك بلا شطأن

تشبيهك للحبيب انه طائر يعنى محتاج لعش دافئ يرتاح فيها والاجمل انك ان العيون تكون بحر لا تشبيه جميل بجد


عن حضن امرأة يحتويني
عن لمسة حب تسري في شراييني
عن مرفأ قلب ترسو فيه سفينتي
فلم أجد القلب او المرسي

روعة المقطع دا فكرنى بكلمات نزار فى اغنية كاظم ( زيدينى عشقا)


بعد كمية الحب والمشاعر الجميلة دى دخلتى فى مشاعر خيانة وغدر ماشى يا محمد

فتلك امور ثانوية فلا تهتمين
فالعاشق والمعشوق سواء
والقاتل والمقتول سواء
والحب الصادق كله هباء
انا لا الومك سيدتي فاللوم عتاب
والعتاب لون من الحب وانا لن يعد لي قلب فكيف احب

مش عارفة اقولك ايه بجد
العتاب لون من الوان الحب
احنا مش بنعاتب اللى بنحبهم و يالمنا المهم

هو فين بقى العك دا انا مش لقيت غير مشاعر جميلة وتشبيهات رائعة من صاحب قلم اروع ولو سمحت صحى الشاعر اللى جواك ومش تحرمنا من جمال احاسيسه

كل سنة وانت بالف خير
عيد سعيد يارب عليك

دمت بكل خير
تحياتى
يويو

آخر العنقود يقول...

بقى دى اول كتاباتك وتجاربك
طب انا مش هعلق وهعديها المرة دى
:))

شفت اغلب اللى علق عجبهم التانية
عشان فيها نكد وفراق
انا قربت اتعقد
:)))

فإذا كنت انا الطائر والسفينة
فكوني أنت العش والمرفأ

حلو اوى المعنى والمضمون ده بجد

انا لا الومك سيدتي فاللوم عتاب
والعتاب لون من الحب وانا لن يعد لي قلب فكيف احب

يااااااااا فعلا العتاب ده بيكون لشخص بتحبه وباقي عليه
اختصرت الموضوع فى كلمات رائعة

وكل سنة وانت طيب وعيد سعيد
ومش تتقل فى الكحك
:)))
دمت متميزا ومبدعا

Heba يقول...

أنا مش عارفة الفارق الزمني بين المحاولتين

بس المحاولة التانية فيها اختلاف عن الأولى

حسيت فيها أنك ملكت أدواتك بشكل أكبر

وبقيت بتوظف الكلمات والتشبيهات بشكل أفضل

ده ما ينفيش أن المحاولة الأولى فيها مفردات وتشبيهات حلوة جدا

بس زي ما قلت التانية فيها تطور أكبر وتحس انها أقرب لأسلوبك الحالي

لا يفوتني الاشادة بانتقاء للأفكار منذ البداية

فالفكرة هي حجر الأساس لأي عمل أدبي

فأي خاطرة أو قصة أو شعر هو محاولة للتعبير عن فكرة معينة في رأس كاتبها وقلبه

وأنت دايما أفكارك جديدة ومتميزة

كل سنة وأنت طيب وإلى الأمام دائما

مدينه الملائكه يقول...

بجد انت مبدع يا محمد مش متخيله اني دي اول ابدعاتك
انا حتي مش قادره احدد جزء معين شدني لانها كلها بجد شدتني جدا رقيقه جدا رومنسيه جدا بس بردو عجبني جدا الجزء الي عجب حبيبه فعلا بيلمس القلب اوي

فإذا كنت انا الطائر والسفينة
فكوني أنت العش والمرفأ
فما احن وارق الي القلب من الراحه بين احضان الحبيب فهو كما المرفا والعش والواحه للظمأن للراحه

جميله بجد



الجزء التانيه بقي

صعب اوي بس صدقني القلب مهما قسي وقاسي بردو فيه نبض وحب والا كان زمان قلوبنا ماتت ومتنا معها

اكتر جزء صعب جدا ده
والحب الصادق كله هباء
انا لا الومك سيدتي فاللوم عتاب
والعتاب لون من الحب وانا لن يعد لي قلب فكيف احب
صعب فعلا بجد قاسي اوي بس الي يخون ويجرح قلب حبه ميستهلش غير كدا


جميله ابدعاتك يا محمد وفي تقدم مستمر باذن الله

مي

يوميات نائمة في الأرياف يقول...

اية يا محمد متخفش اصلا معدش فاضل كحك عندنا الحمد لله
بس حتى لو فاضل محاولاتك لا بأس بها وجميل جدا بالنسبة لطالب ثانوي
انا لا الومك سيدتي
فاللوم عتاب
والعتاب لون من الحب
وانا لم يعد لي قلب
فكيف احب"
جميلة جدا جدا
اكيد انت بتعاتب بس الناس اللي بتبقى عليهم
للاسف في ناس مش بتقدر حتى تعاتبهم مع انك بتحبهم وعشان كدة بتلاقي نفسك مش قادر تكلمهم
كل سنة وانت طيب

قلب مصرى يقول...

لا تنزعج كثيرا يا صديقى فكل بداية عادة ما تكون غير واضحة المعالم ولا تدرى إلى أى طريق ستذهب بك لكن هذه البداية تحمل بداخلها بذور الطريق الصحيح وهى كمحاولات أولية لابأس بها المهم أن تعرف أخطاء البداية وتحاول معالجتها.

بنت الماضي يقول...

أ.محمد
اول مقرأت الخواطر دي فرحت اوي اوي بحب جدا البدايات بحب خطوتنا لما ترسم احساس يمكن مش جوانا بس بنحاول نقول انا فنانه انا شاعره وبعرف اقول
بحب احساسنا واحنا بنحاول نشب ونوصل لحدود اكبر من حدودنا الصغيره
احساسك كان حلو بجد ماشاء الله عليك
لو شفت شخابيطي هتحدفوني ببيض مش بكحك :)
عيدك فرحة يارب

mohamed ghalia يقول...

كل سنة وحضرتك بخير
كلمات أكثر من رائعة
خواطر ذات أحاسيس جميلة
بالتوفيق
تقبل تحياتى وإعجابى بالمدونة

حمامة يقول...

فإذا كنت انا الطائر والسفينة
فكوني أنت العش والمرفأ


انا لا الومك سيدتي فاللوم عتاب
والعتاب لون من الحب وانا لن يعد لي قلب فكيف احب


حلوين بالنسبة لأول مرة طبعاً

عجبونى التشبيهين دول اوى

كل سنة وانت طيب :)

الملاك يقول...

السلام عليكم ورحمة الله وبركاته
اخى الفارس الملثم بجد انا اتفاجئت انك بتكتب خواطر رائعه كده انا كنت فاكراك بتكتب قصص بس وكان نفسى قوى انك تحاول تكتب فى كل الوان الادب لانى عارفه انت مبدع اد ايه

بجد والله خواطر اكثر من رائعه تحمل معانى مختلفه يمكن لمثلى ان تكتب بكل معنى منها بوست كامل

على فكرة انت كده اثبت انك ممكن تكتب وتبدع فى جميع الوان الادب المختلفه وانا بقى هستنا بعد كده تنوع رائع منك ولن اقبل ان تقتصر فقط على كتابة القصص رغم انك مبدع فيها لان بجد ماينفعش تحرمنا من ابداعاتك الادبيه المختلفه فتخيل معى ان كانت هذه الخواطر الرائعه هى اول محاولاتك فكيف ستكون ان كتبتها الان

اخى فى انتظار جديدك دائما
تقبل ارق تحياتى واعذبها
دمت برعاية الله

شهد الكلمات يقول...

لا يا عم انا تعبت في عمايل الكحك مش هاحدفك بيها خسارة
ههههههههههههههههههه

لا و الله بجد يا محمد حلوة عجبتني جدا الاولى دخلت دماغي بصراحة

و انا مع فارس بلا جواد ادي اهتمام شوية بالموهبة دي

معلش اتاخرت في التعليق عشان كنت مسافرة و لسة راجعة

كل سنة و انت طيب

تحياتي

الفارس الملثم يقول...

ازيك يا مي دانا قلت انتي تهتي في المواصلات هههههههههه

الفارس الملثم يقول...

سنووايت

هي الخاطرتين دول كتبتهم من سنتين كده بس هما يعتيروا اول محاوله مكتمله ولم تفقد من عكعكاتي الشعريه ههههههه

نورتي بجد يا سنووايت

الفارس الملثم يقول...

Heart Rose

ربنا يخليكي يا روز , دايما ده حرجاني بذوقك , وانا مبسوط جدا اني اشوف تعليقاتك الجميله دي بعد طول غياب

بالنسبه لروز لتعليقك التاني , هو مش المقصود انها اختيار ثانوي , لكن احيانا الانسان يبتعد عن من يحبه لظروف ما وحينها يفتقد هذا الحضن والدفء الذي كان يشعر من خلاله بمعني الحياه فيكون العوده لانه ادرك انه لن يجد السعاده الا معها

نورتي بجد يا روز

الفارس الملثم يقول...

habiba

هههههههههههه

بقي كده لا كحك ولا شعر ماشي خليكي فكراها , تتردلك علي العيد الكبير

بداية انا سعيد جدا انها عجبتك بجد , بس انتي مش واخده بالك ان الراجل بعد ماحب وطلع عينه حبيبته ادته مقلب هههههههههه

طبعا يا حبيبه لازم يكون في تنوع في حالات حب , يعني في اللي بيحب من طرف واحد وفي اللي حبيبه خانه وفي اللي سعيد وطبعا ده بقي قليل اليومين دول فالحب بقي مليان وجع قلب مممممممم

نورتي بجد يا حبيبه

الفارس الملثم يقول...

kochia

بداية منوراني جدا يا كوتشيا

والله بكتب خواطر وممكن تمشي شعر كمان , بس انتي ارجعي لارشيف المدونه وانتي اتلاقي اشعار وخواطر وبعض قصاصات خواطر

الفارس الملثم يقول...

منى

لا مفيش مرحله عمريه ولاحاجه يا مني هههههههههه دول هما اصلا مكتوبين بتاع سنتين بس هي تعتبر اولي محاولات مكتمله لكتابة الشعر ونفس الحال علي فكره بالنسبه لكتابة القصص , اصل انا بعد مرحله ثانوي مبقتش اكتب حاجه , يبدو كان عندي احباط ادبي ممممممممم

نورتي بجد يا مني

kemet يقول...

السلام عليكم ورحمة الله وبركاته
قرأت البوست ولذيذ انك تدور في دفاترك القديمة فكرة الخاطرة الاولي عجبتني لو حاولت تكتب ع الفكرة تاني اظن هاتطلع حاجة جامده

اما لي تعليق ع البوست اللي فات يعني جيت متأخر بس كنت مأجزة في رمضان كل يوم وانت بخير

البوست فوق الممتاز الفكرة قد تكون مكررة بس معروضه بشكل رائع عارف زس مسلسلات الراديو القديمة تسمع وكأنك تري بس البوست تقرأ وكأنك تري

تحياتي
الي اللقاء

الفارس الملثم يقول...

كيارا

ربنا يخليكي والله ده بس من ذوقك

وبجد دايما بشوف تعليقات جميله اوي ومليانه ذوق

طبعا الحب الصادق بيبقي هباء عند القلوب اللي اتعودت الكذب والخيانه

نورتي بجد

الفارس الملثم يقول...

فارس بلا جواد

ايون طبعا اذا حضر الماء بطل التيمم, واكيد رايك مهم جدا ليا

بص هو هي كتابة الخواطر بالنسبه ليا تعبير عن حالات وجدانيه بحاول اجسدها وعاده بحس ان الوزن والقافيه قيد علي خيالي وانا يمكن مشكلتي مع الخواطر والشعر اني اوقات اكتب سطرين تلاته وبعد كده اصاب بفتور وعدم حماس لتكملتها ويبدو ان الالهام بتاع الشعر بتاعي صحته علي قده بينام مني علي طول هههههههههه

نورت بجد يا فارس

الفارس الملثم يقول...

yoyo

هههههههههههه

طيب انا اقول ايه بعد الكلام الجامد ده , والله انتي بس اللي كلك ذوق

ايون اصحي الشاعر شويه وبعده كده تقليلي لا نيمه تاني احسن ههههههههههه

ربنا يخليكي يا يويو ومنوره بجد

الفارس الملثم يقول...

آخر العنقود

ما احنا يا اماني اهو بنحاول نرضي جميع الاذواق هههههههههه

انا سعيد بجد انها عجبتك , ومتخفيش انا اصلا مليش تقل علي الكحك

نورتي بجد يا اماني

الفارس الملثم يقول...

heba

ازيك يا هبه , ايه الاختفاء التدويني ده , مبقناش نشوف ليكي حاجه جديده ده كسل ولا ايه

انا سعيد بجد ان الخاطرتين عجبوكي وحقيقي بنتظر تعليقك دوما خاصة انك تقريبا من اوائل الناس اللي زاروا مدونتي وشجعوني

منوراني دايما يا هبه

الفارس الملثم يقول...

مدينه الملائكه

يا هلا بمي كلاكيت تاني مره , انا قلت انتي زوغتي من التعليق وكنت ابعت ناس يدوروا عليكي ,انتي فكره دخول المدونه بالساهل ولا ايه هههههههههههه

ايون لازم يعجبك اللي يعجب حبيبه مانتم صحاب بقي مممممممممم

بجد انا سعيد جدا بكلامك الجامد ده عن الخاطرتين وهو طبعا من ذوقك بس

عندك حق حتي لو انجرحنا اوي ايفضل في نبض حتي لو خافت اوي , ويمكن ربنا يبعتلنا اللي يعيد للقلب نبضه واحساس الحياه فيه كما كان

نورتي بجد

الفارس الملثم يقول...

يوميات نائمة في الأرياف

الحمدلله ان الكحك خلص من عندكم شكلك كنتي بتشاوري عقلك ممممممممممم

لا مش دي بتاعت ثانوي ,شفتي شكل الكحك ماثر عليكي ههههههههههه, ماحنا قلنا بتاع ثانوي ذهب مع الريح , ده بقالها بتاع سنتين اصل انا الفتره اللي قبلها ايام الجامعه وبعدها كان عندي فتور ناحية الكتابه لغاية لما رجعت للكتابه مع دخولي لعالم المنتديات

نورتيني بجد يا رنا

الفارس الملثم يقول...

قلب مصرى

بالتاكيد عادة بتكون البدايات تحمل الكثير من الاخطاء التي نحرص علي تلافيها فيما بعد

نورتني يا باشا

الفارس الملثم يقول...

بنت الماضي

ههههههههههههه

وريني انتي بس ونوعدك انكتفي بالطماطم

نورتيني بجد

الفارس الملثم يقول...

mohamed ghalia

ربنا يخليك , ده بس من ذوقك

نورتني يا باشا

الفارس الملثم يقول...

حمامة

ازيك يا حمامه , اتمني بجد يكونوا عجبوكي

منوراني دايما

الفارس الملثم يقول...

الملاك

اختي العزيزه ملاك صاحبة مدرسة الذوق والتعليقات الرائعه

بجد انتي من الناس اللي بنتظر تعليقاتهم بشغف ويشرفني حقيقي ان اللي بكتبه ينال اعجابك

يارب دايما كده منوراني

تحياتي وتقديري

الفارس الملثم يقول...

شهد الكلمات

هههههههههه

يا سلام يعني انتي بس مستخسره الكحك ,طيب خليكي فكراها

ايون تاخيراتك كترت يا ست شهد مممممممم ماشي نعديها المره دي

اتمني تكوني قضيتي اجازة عيد سعيده

نورتي بجد يا شهد

الفارس الملثم يقول...

kemet

ان سعيد جدا ان البوست اللي فات عجبك حتي وان جه متاخر واتمني دايما تشرفيني بالزياره والتعليق

نورتيني بجد

norahaty يقول...

السلانم عليكم ورحمة الله وبركاته
محمد الفارس الملثم
بدايات تدل على العبقريات!!
(حلوة الحته دى ؟؟)نتكلم جد بقى:
اجمل حتة زى ما قالت سنو وايت
( فالعاشق والمعشوق سواء
والقاتل والمقتول سواء
والحب الصادق كله هباء
انا لا الومك سيدتي فاللوم عتاب
والعتاب لون من الحب وانا
لن يعد لي قلب فكيف احب)
فعلا بيتين او ثلاثة (حكاية)لوحدهم!!!وماتخافش مش حنحدف بالكحك !!
عندنا بقسماط ....ينفع؟؟؟

بنات صاحبة الجلالة يقول...

محمد الفارس الرومانسي

وربنا هسميك كدا بدل الملثم قول انك بتغزي العين عنك ال هنحدفك بالكحك ال وطمعان كمان في شوية الكحك اللي حيلتنا هههههههههههه

بجد والله بدون مجاملة روعه وتستحق تصفيق حاد

اكتر جزئية عجبتني

لا تبكي من اجلي
ادخري دموعك سيدتي فكم من عاشقين غيري
لا تخافي لم يعد جرحي يدمي

انا معنديش دمع ادخرها اعمل اية انا اشحت دموع اقول دموع لله" هههههههههه

خواطر هايلة وتسلم ايديك

بالرغم من النت فصل عندي ومعنديش حرارة واعدة بكتب التعليق من السيبر اللي بعيد عن بيتنا بس حلاوة الكلمات دفعتني للتعليق حقا انت فنان رائع

الله يوفقك يارب ويصلحك الحال

خالص تحياتي وتقديري

الفارس الملثم يقول...

norahaty

ربنا يخليكي يا دكتوره ده بس من ذوقك

لا خلي البقسماط اجي عندك في المدونه واشرب بيهم شاي هههههههههه

نورتيني بجد

الفارس الملثم يقول...

بنات صاحبة الجلالة

هههههههههههههههه

ربنا يخليكي والله ده بس من ذوقك , بيني وبينك انا كنت بتلكك عشان الم الكحك من المعجبين ههههههههههه

انا برده قلت ايه سبب التاخير ده , قلت من تاثير الكحك بقي ممممممم . ربنا يهدي النت عشان متتاخريش علينا بزيارتك وتعليقاتك الجميله دي

نورتي بجد يا ريمو

غير معرف يقول...

福~
「朵
語‧,最一件事,就。好,你西...............................................................................................................................-...相互
,以讓>它使...................

المثالي جروب يقول...



شركة المثالية للتنظيف
شركة المثالية للتنظيف بالدمام
شركة المثالية للتنظيف بالخبر
شركة المثالية للتنظيف بالجبيل
شركة المثالية للتنظيف بالقطيف
شركة المثالية للتنظيف بالاحساء

شركة مكافحة حشرات بالجبيل
شركة رش مبيدات بالجبيل
شركة تسليك مجاري بالجبيل
شركة كشف تسربات المياه بالجبيل

المثالي جروب يقول...



شركة تنظيف منازل بالجبيل
شركة تنظيف بالجبيل
شركة تنظيف بيوت بالجبيل

شركة تنظيف مجالس بالجبيل
شركة تنظيف شقق بالجبيل
شركة تنظيف فلل بالجبيل

شركة تنظيف خزانات بالجبيل
شركة تنظيف مسابح بالجبيل

المثالي جروب يقول...



شركة تنظيف منازل بالاحساء
شركة تنظيف بالاحساء

شركة تنظيف مجالس بالاحساء
شركة تنظيف فلل بالاحساء
شركة تنظيف شقق بالاحساء

شركة نقل عفش بالاحساء
شركة نقل عفش بالجبيل

المثالي جروب يقول...



شركة تنظيف منازل بالقطيف
شركة تنظيف بالقطيف

شركة تنظيف منازل بالخبر
شركة تنظيف بالخبر

شركة تنظيف خزانات بالاحساء
شركة تنظيف مسابح بالاحساء
شركة تسليك مجاري بالاحساء
شركة شفط بيارات بالاحساء
شركة كشف تسربات المياه بالاحساء

شركة شفط بيارات بالجبيل
شركة مكافحة فئران بالجبيل

المثالي جروب يقول...


شركة كشف تسربات المياه بالخبر
شركة مكافحة النمل الابيض بالخبر
شركة تنظيف بالخبر
شركة تنظيف شقق بالخبر
شركة تسليك مجاري بالخبر

شركة المثالية لتنظيف يقول...

كل هذه العوامل تؤكد لنا أن هناك تسربا في مكان ما، والحل الأمثل هو الاتصال ب شركة كشف تسربات المياه بالرياض بدون تكسير نحن الأفضل في حل جميع المشكلات التي تتعلق بتسربات المياه، حيث تمتلك أحدث الأجهزة المتقدمة للتسربات شركة مكافحة النمل الابيض بالدمام
شركة مكافحة النمل الابيض بالخبر

jaki يقول...

عزيزنا العميل هل تبحث عن شركة نظافة تقدم لك كافة الخدمات التنظيفية بكامل الكفاءة والجوده ؟ هل تبحث عن شركة تقوم بتنظيف شقتك او فلتك او مجلسك ؟
هل تبحث عن شركة تقدم لك خدمات تنظيف الموكيت والسجاد والوجهات الزجاجية وغيرها ؟
اذا فانت علي موعد مع شركة النظافة المثالية والتى تقدم لك خدماتها بجودة متناهية النظير واسعار لن تجد لها مثيل في اي شركة اخري
تهتم شركة النظافة المثالية بكسب ثقة عملائها الكرام والعمل علي تلبية كافة احتياجاتهم بالشكل المرضي والمقنع
اتصل بنا عزيزنا العميل ولا تتردد في الاستعانة بشركتنا
مايميز شركة ا لنظافة المثالية
الخدمة
تهتم الشركة بتقديم خدمة علي اعلي مستوى كما ان خدماتها لا تقتصر فقط علي اعمال النظافة فقط بل تمتد لتشمل خدمات العزل والمكافحة وغيرها
الكفاءة
تتميز الشركة بالكفاءة والجودة في اداء العمل
الخبرة
الشركة لديها خبره واسعة وباع طويل في مجال التنظيف
فريق العمل المتكامل
الشركة لديها فريق عمل مميز ومتكامل من المخصصين والفنيين والعماله المدربة
الاسعار
تقدم الشركة خدماتها بأسعار مناسبه وفي متناول جميع العملاء
المعدات
تستخدم الشركة المعدات والالات الحديثة والمتطورة في التنظيف
رد فعل العميل
تهتم الشركة بمعرفة رد فعل العميل عن الخدمة المقدمة من قبل الشركة
مجتمع العمل
تهتم الشركة بدراسة مجتمع العمل ومعرفة ماينقصه من متطلبات
الشكاوى
تهتم الشركة بتلقي شكاوى العملاء والعمل علي فحصها جيدا
المقترحات
تتلقي الشركة مقترحات العملاء الكرام وتعمل علي تنفيذها بقدر المستطاع
افضل شركات عزل حراري بالقطيف
تقدم الشركة خدمة كشف تسربات المياه الداخلية او الخارجية الظاهرة والعمل علي اصلاحها والتخلص من كافة مشلات الروائح الكريهه وارتفاع فاتورة المياه وظهور بقع الرطوبة في الاسقف او الجدران او علي الحوائط
كما نقوم بالعديد من الخدمات التى قد تساعدك لحياة كريمة مثل
افضل شركات عزل مائي بالقطيف
افضل شركات عزل فوم بالقطيف
افضل شركات عوازل بالقطيف
افضل شركات تخزين اثاث بالقطيف


users online