الثلاثاء، 7 أكتوبر 2008

احبك

اولي محاولاتي لكتابة الخاطره النثريه

لا يهم من امتلك جرأة البوح بها اولا ..لكن العالم بعدها صار شئ اخر



لست اعلم لماذا فجأه غادرتني كل معاجم الكلمات فصرت كطفلا يتلعثم يستجدي من امه بضع حروف ينطقها , يرجوها ان تساعده لازاحة اثقال الصمت التي ترزح تحتها انفاسه

احبك

صرت ارددها بفرح طفل نجح اخيرا ان يتهجي اولي ابجديات العشق.. فصارت نبضاتي تتلعثم هي الاخري , وقلبي يرتعش ينتفض في نشوه وخوف لا محدود عليك فمعك تعلمت كيف اخاف علي احدا اكثر مني .. فانتي كزهرة الصباح اضعف وانقي واطهر من ان تحتمل انواء تبدل الفصول وتبدل القلوب







احبك

اربعة حروف لكن عجز كل فلاسفة العالم ان يفهموها وعجز كل السحره في كل ارجاء الدنيا ان يفكوا طلاسمها , تعويذة بالسعاده او باللعنه الابديه , صارت الان احجيتي التي اخشي ان تتوقف نبضاتي ان لم تهمس بها شفتاكي الي




احبك

نعم كانت لحظه بوحي بعد ان انهارت كل دفاعاتي فتهاوت جدران القلعه دون حتي طلقه بعد ان استسلم حارس القلعه مع ادراكه ان حتي الصمود امام بوح صمتك درب من العبث


هناك 61 تعليقًا:

غير معرف يقول...

.سوا انا اللى قلت أو انت
المهم انها اتقالت

بحبك

بنت الماضي يقول...

جيت ارد بصراحه قريت اول رد قلت مليش مكان هنا خالص ولا لأي حد اصلا غيرها
بس رجعت تاني وقلت بجد لازم اعلق
واقولك كلمه "بحبك" لو اتقالت باي شكل لازم هنصدقها معرفش ليه انا ديما معتقده بكده؟؟!
ربنا يحفظهالك ويبعد عنكم الشر :)

kochia يقول...

استمتعت اوي وانا بقراها
بجد
اذن .. وبما انها قيلت .. فلتحافظ عليها

كـــيــــــــارا يقول...

انا جه بسجل حضور

وهمشي في سكون


فعلا زي ماقالت بنت الماضي مفيش حد له مكان هنا

لكن مش همشي قبل اما ادعيلكم ان ربنا مش يحرمكم من بعض

تحياتي

شق القمر يقول...

الله الله الله

ايه الجمال دا كله ما شاء الله
ليس غريبا عليك

ما شاء الله

*****

ملاحظة

تفادى أخطاءك النحوية
فلا تجعل الحب يفعل بك ذلك :))

GiGi world يقول...

انت رائع دايما رائع اذا كانت هى دي حدودتك فيارب يسعدكم ويارب نسمع احلى خبرقريب انت جمال قوي ماشاء الله
ويكرم كل اتنين مش عايزين من الدنيا غير بيت صغير وبابا مقفول عليهم
تحياتي يافارس لم يعد ملثم وانما اقتحم كل اسوار القلعه بعشقه وحبه بدون ان يخفى من هو

نـــــور يقول...

ياخبر
انا جاية متأخر المرادى اوى
التعليق السابع:(

كلماتك رقيقه اوى اوى يامحمد بجد وفضلت اقول الله عالحب اللى بالشكل ده لو كان موجود اصلا
بس الحمد لله طلع فيه حدوته بجد
ربنا يحفظ اللى بينكم يارب
ويجمع بينكم على خير

شفت كل شيجن انكشفن وبان :)
ربنا يباركلك

إنتظارات شاهقة يقول...

الله الله
اولا الكلمات رائعة
ناعمة ورقيقة وصادقة كمان

احمدك يا رب
كدة اقدر اطمن عليك قبل ما اموت

ربنا يسعدك

احترامى

فارس بلا جواد يقول...

"أحبك"
أربعة حروف فعلا ولكنها قادرة علي فعل المعجزات
أروع شيئ هو ان تهدي الاربعة احرف لشخص فيردهم إليك
اعتقد الوقت مش مناسب خالص اني اقولك الاسلوب والالفاظ والصور
كفاية بس الاحساس
ربنا يوفقك ونسمع اخبار سعيدة قريبا
تحياتي

مها يقول...

لا يهم من امتلك جرأة البوح بها اولا ..لكن العالم بعدها صار شئ اخر

======
أقر واعترف بأنك مبدع بدرجة فارس فى صياغة "مقدمات" الثرثرة تحت المطر..


ما يبهرنى أكثر أنك سواء كتبت عن ارتعاشات القلب البريئة فى أول الحب..
أو أحزان القلب العميقة فى أخر الحب..
فأنت فى كلتا الحالتين تكتب دائماً بطزاجة فريدة لا نملك أمامها إلا أن نصدقك حتى الوريد!!

محمد فاروق الشاذلى يقول...

لو كنت مكانك لمنعت التعليقات على هذه التدوينة
فمشاعر الحب الصادقة الرقيقة تلك أرقى من أن يعلق عليها أحد.
ربنا يسعدك ويكرمك ويجمعكم فى سعادة طول العمر. (الدعاء ده لأنى حاسس قوى إن دى مش خاطرة كاتب إنما هى حقيقية... صح؟)

صاحب المضيفة يقول...

أحبك

كلمة أزلية المعنى والهوى تظل تموج بداخلنا ليوم الدين


بوركت لنظمك الرقيق

yoyo يقول...

بجد ما اروع ما كتبت " أحبك " كلمة ليست كل الكلمات
كلمة لها معفول السحر

وما اروع ان تكون مسموعة ومحسوسة من الطرفين فتلك هى قمة السعادة

لم استطع ان اخرج من عالمك انت وحدوتك دون ان اعلق ولو ان الوقت والزمان اصبح ملك لكما ولكن ليس لا قول سوى ادام اللله احساسك المرهف

ربنا يسعدك ويسعد قلبك يارب
وأتمنى كباقى الزملاء سماع خبر سعيد قريب ان شاء الله

تحياتى
يويو

Rania Lelah يقول...

رائع ايها الفارس الهمام
رائعه هى كلمه احبك
و اكثر روعه احساسها الظاهر عليك و على حبيبتك

تحياتى لقلمك المبدع

حمامة يقول...

فانتي كزهرة الصباح اضعف وانقي واطهر من ان تحتمل انواء تبدل الفصول وتبدل القلوب


الله على التشبيه ده
فعلاً لما بنحب بنخاف
على حبايبنا على حبنا على نفسنا لنتوجع
الحب والخوف مرتبطين ببعض

ربنا يسعدك لو انت حبيت صحيح :)

شهد الكلمات يقول...

مممممممممممممممم
شمة ريحة مأذون هههههههههههههههه

ربنا يتمم بخير و ادعيلنا و انت في الحالة دي ربنا يرزقنا ;)

الله يسهلوا يا عم
لك تاج عندي في حكاوي القهاوي

تحياتي

حبيبة الروح يقول...

كمنجه واتنين لمون وشجره هنا
ههههههههههههههههه
شويه جد بقي
بجد رومنسيه حالمه
وحب ومشاعر جارفه
ربنا يسعدك ويسعدها بحبكم لبعض
وسلملي علي الحدوته ويا رب يفضل الحب ويكمل لاجمل زواج باذن الله
بس تعزمني بدل ما انت عارف

مي

الفارس الملثم يقول...

حدوتة الفارس

بحبك

بوح خاص بين القلوب عبر لغة النبضات لا يدركه الا من يحب حقا

الفارس الملثم يقول...

بنت الماضي

الاهم من اننا نقولها اننا نحسها بجد جوانا وحتي الصمت وقتها قادر ان يوصل الرساله للقلب الاخر

نورتي بحد

الفارس الملثم يقول...

kochia

بالتاكيد القلب لا يمكن يضيعها بين ان سكنت في اعماقه

مع خالص تحياتي

الفارس الملثم يقول...

كيارا

نورتيني يا كيارا بجد , وانا بدعي معاكي ان ربنا يجمع بين كل قلبين يربطهما رابط الحب

الفارس الملثم يقول...

شق القمر

ربنا يخليكي , ده بس من ذوقك

نورتيني بجد

الفارس الملثم يقول...

GiGi

الله يخليكي ده بس من ذوقك يا جيجي

اه من فارس قد اجتاز اسوار ليجد نفسه سجين لاسوار من نوع اخر

نورتي بجد

الفارس الملثم يقول...

habiba

ربنا يخليكي يا حبيبه ده بس من ذوقك

اكيد في حب مادام القلوب لسه بتنبض وجواها مشاعر واحاسيس

نورتي بجد يا حبيبه

الفارس الملثم يقول...

احلام اليقظة

تسلمي يا احلام اتمني تكون عجبتك بجد

موت ليه بس ربنا يخليكي لخطيبك زي ما قريت في تعليقك

نورتي بجد

الفارس الملثم يقول...

فارس بلا جواد

بالتاكيد يا فارس رائع ان نقولها والاروع ان نسمعها ممن نحبه

بس انا طبعا كنت اتمني اعرف رايك النقدي خاصه انها اولي محاولاتي لكتابة خاطره نثريه

منورني بجد يا فارس

الفارس الملثم يقول...

مها

بجد انا سعيد جدا برايك يا مها وهو راي يحمل لي قيمه خاصه حيث قلم مرهف ومبدع مثلك

نورتي بجد

الفارس الملثم يقول...

قلب مصرى

ممممممممممم

المعني في قلب الشاعر ووجدانه وصار يعجز عن بيانه

نورت بجد يا قلب باشا

الفارس الملثم يقول...

صاحب المضيفة

بالتاكيد كلمه تعطي لحياتنا طعم خاص ويجعلنا نتحمل ما نعانيه فيها

نورتني يا باشا

الفارس الملثم يقول...

yoyo

بالتاكيد يا يويو هي كلمه تحمل سحر خاص تنفذ بين القلوب وتحرك المشاعر والاحاسيس وتمنح لحياتنا معني وقيمه وهدف

اتمني تكون الخاطره عجبتك بجد وما ورا الخاطره في قلب الشاعر ممممممممممم

نورتي بجد يا يويو

الفارس الملثم يقول...

rania

بالتاكيد رائعه كلمة احبك لكن الاروع ان نحسها في قلوبنا حقا

نورتي بجد يا رانيا

الفارس الملثم يقول...

حمامة

ايوه بمقدار الحب يكون الخوف علي من نحب

مممممممممم قلب الشاعر اعلم

نورتيني بجد يا حمامه

الفارس الملثم يقول...

شهد الكلمات

ههههههههههههه

انتي وصلتيها للماذون بالسرعه دي , ماشي انا معنديش مانع بس حق الماذون عليكي ههههههههه

نورتي بجد يا شهد

الفارس الملثم يقول...

مدينه الملائكه

بصي انا اروح المطعم اللي جمب بيتنا وابعتلك الفاتوره ههههههههههه


كمان انا مش بحب الليمون اصله بيفكرنا بايام الامتحانات , اصل والدتي كانت وقتها تعملي شوب الليمون ده عشان اهدي اعصابي فجتلي عقده منه هههههههههههه

نورتي بجد يا مي

HeBa يقول...

طيب أنا مش هعلق على كلماتك الرقيقة المرة دي

بس هقولكم

ربنا يحفظكم ويجمعكم بينكم في الخير

ويحقق لكم كل أمانيكم

الازهرى يقول...

صديقى العزيز


ليس المهم ان تقولها ولكن المهم ان تحسها
فالحب ليس كلمات نقولها ولكنه لغة اسمى من كل ما يمكن ان يقال


تحياتى

ناعومى يقول...

والله ايها الفارس العاشق
رغم انى كنت زمان مقتنعه بقدسيه كلمه بحبك
وبسحرها ومؤمنه جدا بيه
الا ان وجهه نظرى صراحه اتغيرت بعد ماشوفت تجارب ناس ومنكرش عيشت انا نفسى تجربه المشاعر اللى بتتوهم بالكلمه وبتصدقها علشان تبقى الكلمه دى الخنجر اللىب يقضى عليك
بجد ربنا يحفظكم ويسعدكم وتكون بحبك حقيقه من قلوبكم

اول مره اجى هنا واعتقد انى حتابع
الخاطره النثريه تحفه جدا فى اسلوبها

Esraa Hamed يقول...

يارب يباركلكوا و يسعدكوا دائما ان شاء الله


دمت متألقا

بنات صاحبة الجلالة يقول...

الفارس الرومانسي

كل مرة ادخل اعد فترة مذبهلة من جمال الكلمات حقيقي يامحمد حلوة اوي والله العظيم عجبني وصفك للحب بانه تعويذة بالسعاده او باللعنه الابديه صحيح لعنة صعب تتخلص منها احيانا الحب بيكون نعمه واحيانا نقمة احساس الواحد اللي بيجي يقول حبيبه انه بيحبه لاول مرة احساس ممزوج بالقلق والخوف يمكن يكون خوف من رد الفعل

بص يامحمد فلوس السيبر عليك المرة دي ويارب النت ميطولش احسن السيبر اللي انا اعده فيه كله فلبيين واعدين يرغوا بسرعة وانا مش فاهمة حاجة وعاملة اضحك وخلاص ههههههههههههه

تسلم ايديك ايها الفنان الرائع

خالص تحياتي

saragebaly يقول...

الفارس الملثم

اعتذر جدا عن تأخيري في الرد

بعد الكلام اللي في البوست مفيش اي كلام ممكن يتقال

غير

ربنا يجفظلك حبك ويديمه عليك ويسعد قلبك

سارة

mohamed ghalia يقول...
أزال المؤلف هذا التعليق.
mohamed ghalia يقول...

بسم الله ما شاء الله عليك
إحساسك عالى قوى بكلمة الحب
ربنا يزيدك
تقبل تحياتى

GiGi world يقول...

احلى اسوار يافارس لم بعد ملثم

هنــــــــد جمال Hind Jamal يقول...

هذه اولى زيارتي لهذه المدونة ..
الانطباع الاول رائعةتنسيق وترتيب جميل..مع كلمات كتبت لتلامس شغاف القلب..
سلمت الانامل التي متعتني بمشاهدة وقراءة ماينسيني ولو قليلا صخب الحياة..وهمومها..

Radwa يقول...


لو دى فعلا اول محاولاتك فابشرك بمستقبل باهر
تحياتى لحبك
...................
سندريلا

Unknown يقول...

السلام عليكم ورحمة الله وبركاته
فمعك تعلمت
كيف اخاف
علي احدا
اكثر مني
جميلة!!!!

آخر العنقود يقول...

بوح خاص بين القلوب عبر لغة النبضات لا يدركه الا من يحب حقا

لا تعليق بعد ماقيل ايها الفارس الملثم
دمت مبدعا
ودام حبكما وحفظكما الله وبلغ بالخير أمانيكم
اللهم آمين

الفارس الملثم يقول...

Heba

ربنا يخليكي يا هبه , منوراني دايما

الفارس الملثم يقول...

الازهرى

بالتاكيد يا صديق ,الحب احساس ومشاعر تسمو بعا ارواحنا قبل ان تكون كلمه تنطق عبثا

نورت يا باشا

الفارس الملثم يقول...

ناعومى

انا سعيد جدا بزيارتك وان الخاطره فعلا اعجبتك

طبعا كلامك صح ,فسحر الكلمه قد يبعدنا عن عالم الواقع ونغرق في احلام جميله نكتشف بعد ذلك انها محض سراب لكن اكيد ده مش في كل حالات الحب

حضرتك نورتي بجد

الفارس الملثم يقول...

Esraa Hamed

سعدت بتواجدك وزيارتك , نورتيني

تحياتي

الفارس الملثم يقول...

بنات صاحبة الجلالة

ربنا يخليكي يا ريمو , دايما كده حرجاني بذوقك

طبعا انتي تامري حق السيبر والمشاريب كمان علي حسابنا ههههههههههه

بجد ببقي سعيد جدا لما بقرا تعليقك

نورتي بجد

الفارس الملثم يقول...

saragebaly

ربنا يخليكي يا ساره , بجد نورتيني بزيارتك وتعليقك

الفارس الملثم يقول...

mohamed ghalia

ربنا يخليك يا محمد , ده من ذوقك بس

نورتني يا باشا

الفارس الملثم يقول...

GiGi

مازال ملثم يا جيجي , فهو مازال ملثم حتي علي نفسه ذاتها

الفارس الملثم يقول...

ابتسامة الموناليزا

ربنا يخليكي ده بس من ذوقك حضرتك , انا اللي سعيد جدا بزيارتك وتعليقك

نورتي بجد

الفارس الملثم يقول...

sendrlla

سعدت جدا برايك , وحضرتك نورتيني بالزياره

الفارس الملثم يقول...

norahaty

حضرتك منوراني دايما بزيارتك وتعليقك يا دكتوره

تحياتي وتقديري

الفارس الملثم يقول...

آخر العنقود

ربنا يخليكي يا اماني , ده بس من ذوقك

دايما ببقي سعيد جدا بزياراتك وتعليقك

نورتي بجد

منى يقول...

انا اتاخرت جداااااا
للاسف شفت البوست قبل كده بس ملحقتش اعلق
ربنا يسامح اللى كان السبب
انا لى رجاء جايه متاخره وبطلب كمان معلش استحملونى
نفسى اسمع خبر سعيد نفسى افرح يا ريت تكونوا انتم السبب فى الفرحه دى
بضم صوتوا للى بيقولوا هاتوا المؤذن
الحقوا افرحوا قبل ما يلغوا الفرح
تحياتى وامنياتى ودعواتى

الفارس الملثم يقول...

منى

مين ده بقي اللي كان السبب ممممممممممم

هي وصلت للماذون كمان , بصي يا مني اكيد كلنا بنتمني ولو نحصل علي لحظات من السعاده تخفف من الحزن اللي بقي جوا قلوبنا ..

لكن السعاده زيها زي الحب والموت والالم اشياء قدريه مش احنا اللي بنحدد وقتها او حتي نغير من المكتوب فيها لينا ..

ان شاء الله احنا اللي نسمع خبر سعيد عندك قريب واحنا يا ستي اللي علينا الحاجه الساقعه كمان هههههههه

تحياتي دائما

users online