السبت، 31 مايو، 2008

طاولة الانتظار

تحديث اخير:عذرا سأغيب عن المدونه لفتره , فلن انزل اي بوستات جديده الفتره القادمه وايضا قد لا اتابع المدونات الصديقه الا في اضيق الحدود ...مع خالص تحياتي للجميع

رغم ان القصه دي من اوائل القصص اللي نزلتها في اول المدونه , بس هي حقيقي اخر حاجه كتبتها بالفعل وهي يمكن قصيره شوبه , بس حاولت ان اغير اسلوبي في الكتابه شويه , واتمني اعرف رايكم فيها





يقال إن الحب موعد مع قدر ننتظره لكنه لا يحدد لنا موعد , ويطول انتظارنا له طويلا , فيوجعنا الانتظار , ويهاجمنا صقيع الملل , فما اصعب إن تنتظر شخص تجهله في ميعاد لم يحدد بعد , وفي لحظة سئم تجده يطرق بابك في لهفة ..


لا اعلم لماذا طرقت بابي بعد إن كنت سئمت من الانتظار, هل كانت مثلي تبحث عن الحب عبثا في طرقات الاحلام الضائعة ,ام انها امراة تحترف لعبة الحب وتتقن ادواره ببراعة يصعب معها ان تصدق وساوس حذرك في انها تمثل ..


علي مائدة الانتظاركان الوقت يمر بي ثقيلا مرهقا , لقد الححت عليها ان تحضر , واقسمت انها لن تتخلف لكنها قبل إن تغلق الهاتف تركت بذرة الشك وهي تقول برنة ساخرة اعرفها تماما في صوتها إن لم يحدث شئ خارج ارادتي ..

هي دائما تمارس معي لعبة الاحتمالات , فتحدد مواعيد لن تحضرها , وتحضر دون اي موعد..


تتبدد كسراب حين اكون في امس الاحتياج اليها , ثم تفاجئني بحضور ملبد بالأعذار عندما اكون اعتدت علي رحيلها..

ارقب الباب في لهفة وغضب , افكر في العبارات التي ساقولها ...

فما ان تدخل وتجلس امامي علي الطاولة حتي أثور في وجهها , وانا اقول لها اني سئمت من كل اكاذيبها , وانا لم اعد لعبة تتسلي بها متي ارادت ..


تشرب ايه حضرتك


كوبين من عصير البرتقال


لاحظت دهشته وهو ينظر للمقعد الخالي امامي


مما جعلني اشعر بغبائي وانا اطلب لها عصير البرتقال طلبها المفضل كلما حضرنا الي هنا مما جعلني استدرك ..


احضر فنجان من القهوة الان..


اعيد النظر الي الساعة , باقي علي الموعد ربع ساعة , احساس بالملل يجتاحني , انظر الي الجوال , افتش عن اخر رسائلها ...

"انا احبك حتي الالم , يا من تسكن ملامحك في اوردتي وفي نبضي ,لو حاولت إن انساك يا عمري عبثا فكيف امحوك من قدري "


اجدني ابتسم ابتسامة تفيض بالاعجاب والسخرية .. كم هي بارعة هذه المرأة في عالم الكلمات !!


النادل يضع فنجان القهوة امامي في هدوء وينصرف , ارقب بخار الماء المتصاعد من الفنجان في بلاهة , كان هناك صمت مريب في المكان , وكأن جميع الموجودين قد تأمروا مع الصمت من خلال الهمسات المكتومة الصوت ..


اخذ اول رشفة من القهوة لاحس بمرارة شديدة في حلقي , يبدو إن النادل قد بدوت له من حالتي المزاجية المضطربة اني اريدها بلا سكر , او ربما إن تلك المرارة لا دخل لها بالقهوة ,فهي نابعة من اعماقي ..


دقة الساعة تعلن الثامنة , لقد حان الموعد هي لم تجئ بعد , اشعر بغضب مكتوم في صدري , اعلن في وعيد لنفسي , سانصرف بعد خمس دقائق , ولسوف انساها للابد ..


اشعر بجفاف حلقي , ازدرد قليل من الماء ..


رعشة تسري في جسدي ,احس ببرودة رغم إن الجو في المطعم المكيف دافئ لدرجة الاحساس بالحر..


انتبه لرنة الجوال تنبئني بوصول رسالة , اطالعها في لهفة وعصبية , اصك علي اسناني وانا اقرأها " اعتذر يا حبيبي عن الحضور لظرف طارئ ساحكيه لك عندما اكلمك قريبا "


اشعر بغضب لم اشعر به من قبل في حياتي , وبحركة انفعالية اقوم بانتزاع شريحة الجوال في طريقي للالقاء بها في كوب الماء لانهي اخر شئ يمكن إن يربطني بها ..


فجأة تتوقف يدي في الهواء اذ المحها تدخل من باب المطعم وعلي وجهها ابتسامة طفولية ماكرة ..

هناك 57 تعليقًا:

و القادم....أجمل يقول...

بجد مش عارفه اقولك ايه
و الله انا ابتسمت في الاخر

رااااائع راااااااائع
بعد مخلاص حسيت فعلا بثورته
و تمرده علي حبه ليها
تكون هي أكثر دهاء و تحضر

ما شاء الله عليك
بجد القصة جميلة جدا
و الكلمات و الصور قوية اوي

دمت مبدعا
:)

Heba يقول...

انت متميز بجد

شدتني لحد الأخر وأنا عايزة أعرف هيعمل ايه

وفجائتني بموقف الحبيبة

اسلوبك رائع وكلماتك مختارة بعناية واحساسك عالي

المدونة فعلا متميزة

تحياتي

الفارس الملثم يقول...

ما شاء الله عليك
بجد القصة جميلة جدا
و الكلمات و الصور قوية اوي


الله يخليكي ده بس من ذوقك

منورة المدونة بجد

الفارس الملثم يقول...

اسلوبك رائع وكلماتك مختارة بعناية واحساسك عالي

المدونة فعلا متميزة


الف شكر يا هبة علي تشريفك مدونتي

وانتظر تواجدك دوما

norahaty يقول...

لسلام عليكم ورحمة الله وبركاته
محمد***
رائعة....رائعة .......رائعة......
رائعة.....رائعة واكثرمن رائعة
عذرى انى لم اكن اعلم العنوان من قبل
بل وعذرى انى لم اكن قد دخلت او علمت (جيدآ)ما هى عالم المدونات
سلامى وتحياتى ياصديقى الامين .
norahaty

الفارس الملثم يقول...

norahaty.......

بجد انا سعيد جدا برايك ده يا دكتوره , واتمني ان اسلوب القصه يكون يكون عجبك بجد ..

دايما كده يارب منوراني

تحياتي وتقديري
محمد

سنووايت يقول...

الحب..
هي تلك الأداة الخفية التي تجعل من الرجل طفلا صغيرا.

هي..
بأسلحتها الفتاكة الغاية في الرقة والعذوبة تستطيع اذابة الثلج بل وتحويله الي ماء "يغلي" احيانا.

الانتظار..
هو تلك الساعة التي تتحرك عقاربها بين حنايا قلوبنا لتحسب لحظات انتظارنا بنبضات هذه القلوب.

دوما تنجح في اختيار النهاية بتفنن غالبا يحمل مفاجأة سارة أو صدمة قاتلة , والمفاجأة هنا كانت سارة ليس فقط لبطل القصة بل لكل من يقرؤها.
احييك علي اختيارك كلماتك بعناية ظاهرة , ووصف رائع للأحداث وردود الأفعال وخاصة مشاعر البطل التي نقلتها في حبكة جميلة والتي تعبت مع حواء وألاعيبها الماكرة الجذابة في الوقت ذاته .
****************

إغضبْ كما تشاءُ..
واجرحْ أحاسيسي كما تشاءُ
حطّم أواني الزّهرِ والمرايا
هدّدْ بحبِّ امرأةٍ سوايا..
فكلُّ ما تفعلهُ سواءُ..
كلُّ ما تقولهُ سواءُ..
فأنتَ كالأطفالِ يا حبيبي
نحبّهمْ.. مهما لنا أساؤوا..

إغضبْ!
فأنتَ رائعٌ حقاً متى تثورُ

إغضب!
فلولا الموجُ ما تكوَّنت بحورُ..
كنْ عاصفاً.. كُنْ ممطراً..
فإنَّ قلبي دائماً غفورُ

إغضب!
فلنْ أجيبَ بالتحدّي
فأنتَ طفلٌ عابثٌ..
يملؤهُ الغرورُ..
وكيفَ من صغارها..
تنتقمُ الطيورُ؟

نزار قباني

المخبر العام يقول...

الصراحة جميلة

ممكن أكتبها للمأمور في التقرير اللي جاي

هوا بيحب الحاجات دي

shaimaa samir يقول...

ليييييييييييييييه
بتنزل قصص اثناء الامتحانات
عايزة تركيز ووقت
مممممممممممممممممممممممممممم

هرجع ااقرا الكلام ده كله تانى
(ايموشن بيعيط)

خير

دعواتكو

مجداوية يقول...

السلام عليكم

ياااه انا فاتنى كتير من الابداع اخى الكريم

لماذا دائما تحب أن تؤكد ان هذه الابداعات ليست تجارب خاصة بك !!!!؟؟؟

اعتقد انك سمعت اغنية كاظم الساهر أكرهها ؟؟
هناك فى فن التخطيط والتعامل مع الطرف الآخر نظرية غنتها قبل كده ليلى مراد وتطبقها كثيرات من النساء
وهى بالعامية متدلقيش عليه عشان يعرف قيمتك
تصلح كثيرا ايضا مع كثير من الرجال وهى نظرية ضائبة ولكن بتفشل جدا مع القلة النادرة من الرجال الذين يتعاملون بالصدق والتلقائية

ولكن حتى مع هؤلاء بيظل هناك خيط خفى يربطهم بهذا التلاعب بالمشاعر وهذا البعد القريب
لعب على اوتار النفس البشرية التى دائما تتطلع الى ما لا تملكه وتزهد فى الذى بين يديهاحتى وان غلا ثمنه وندر وجوده

هى ليست ماكرة
هى مايسترو فائق المهارة يلعب على هذا الوتر
وستنجح وسيصفق لها الجمهور واولهم صاحب الوتر
هكذا هى الدنيا

شهد الكلمات يقول...

تملي القديم بيكون له طابع خاص
و بيكون هو الغالي الحبيب علي القلب حتي لو كتبت احسن منه ميييييييييت مرة اول مرة كتابة حلوة يا محمد جدا و مفقوعة جدا من الانسة اللي بتلعب بمشاعر الحبيب ده ماسموش حب ده لوع و لعب بالاعصاب

norahaty يقول...

السلام عليكم ورحمة الله وبركاته
محمد**
مثلما كانت يوم14/فبراير
وكيفما اصبحت فى16/فبراير
حتى صارت فى31/مايو
فى جميع ايامها واحوالها وحالتها
ممتازة ...ممتازة....ممتازة...ممتازة
(ما تحاول ما حنغير راينا ابدآآآآآآ)

آخر العنقود يقول...

بصراحة بقى يامحمد انا كنت هزعل قوى لو النهاية كانت غير كده
انا طول القصة حاسة انى مضايقة جدا على احساس هذا المحب ولانى اكتر حاجة بكرهها هيا الانتظار... ومن تصورك الدائم للحبيبة"ان جاز التعبير عنها بذلك" بالبرود والتلاعب واللامبالاة

اللى بيعمل كده مش بيبقى بيحب ولا عرف حاجة عن الحب

واكيد بيبان الفرق فى الاحساس بالمشاعر

وكما تقول لك الاخت مجداوية انها تجارب خاصة بك ...الى انى احيانا اشعر بأنها روح الكاتب ومدى احساسه بكل هذه التلاعبات الحياتية الواقعية
"مع اننا ممكن نقول بردوا انها شخصية"لو ركزنا لانها كلها على نفس النمط والوتيرة
:)))
بس منتظرين قصة تكون فيها امل وحب صادق شوية يامحمد ..بجد هتفرق ويمكن تغيير جوانا ونصدقها عشان نقدر نعيشها
وبلاش الظلم والقسوة دايما كده على المحبة كده احنا هنشك ونكره نفسنا
ههههههههههه
تحياتى ليك
وفى انتظار كلماتك دائما

monaliza يقول...

هى عجبتنى لدرجة انى كرهت البطلة فهى محترفة فى اللعب بأعصاب من امامها

ayman badr يقول...

ايه كمية الشر اللى فى البطلة دى يا محمد بجد القصة جميلة جدا وتستاهل تعيد نشرها
تحياتى

GiGi يقول...

الله عليك يافارس ياملثم
فعلا انه دهاء المراه الذى يجذب لها كل من حولها
الغريب ان المجتمع يحب هذا النوع
لا اعرف هل انت تحب هذا النوع بس حقيقي قصه جميله

الفارس الملثم يقول...

سنووايت ..

لا يوجد اصعب من الانتظار خاصة لانسان يحترف فن اخلاف المواعيد

لا يمكن لوم امراة تحترف اللعب بالمشاعر بقدر لومنا لمن سمح لها بان تعبث بقلبه

فانا عادة لا الوم الطاغيه بقدر لومي لشعبه الذي قبل الخنوع

انا سعيد جدا برايك وردك الممتع , وطبعا قصيده رائعه وكان غناء اصاله لها لا يقل روعه

تحياتي وتقديري
محمد

الفارس الملثم يقول...

المخبر العام..

ههههههههه

اكتبها يا باشا ولا يهمنا , بس هو مين المامور ده ؟؟؟؟؟؟؟؟

تحياتي وتقديري
محمد

الفارس الملثم يقول...

shaimaa samir..

ههههههههههه

خلاص مستنيكي لما تخلصي , واعرف رايك في كل اللي فات , انتي وعدتي اهو مممممممم

ربنا يوفقك ان شاء الله في الامتحانات

تحياتي وتقديري
محمد

الفارس الملثم يقول...

مجداوية..

هههههههههههه

ولماذا تصري انها تجربه شخصيه هههههه

بداية نورتيني بعد غيبه يا سيده مجداويه وان شاء الله تكوني بخير وفي اتم صحه , ومستنين قصصك اللي انتي قلتي عليها مممممممم

انتي علي فكره قلتي اللي اقصده , فبنات حواء يحترفون هذه اللعبه خاصة ان احسسن بحب الرجل لهم

ولا اعرف لماذا لا نكون صرحاء مع انفسنا سواء للرجل او للمراه , لماذا لعبة القط والفار..

هل الانسان الصادق في مشاعره الصريح بعواطفه انسان احمق ؟؟؟؟؟؟؟؟

تحياتي وتقديري
محمد

الفارس الملثم يقول...

شهد الكلمات..

هي زي ما قلت يا شهد , رغم اني نزلته زمان في اول المدونه بس هي اخر قصه كتبتها , واتمني تكون عجبتك

بالتاكيد من يعبث بمشاعر الاخرين , انسان يحترف لعبة الحب ولكن لم يعرف الحب حقا

تحياتي وتقديري
محمد

الفارس الملثم يقول...

norahaty..

هههههههههه

ربنا يخليكي , كده بقي اطمن انك مش اتغيري رايك

تحياتي وتقديري
محمد

الفارس الملثم يقول...

آخر العنقود....

مكنش العشم يا اماني تتفقي مع السيده مجداويه ضدي ممممممم


اشعر بأنها روح الكاتب ومدى احساسه بكل هذه التلاعبات الحياتية

ايوه هو ده يا اماني , انا عادة ببتعد عن حياتي الشخصيه في كتاباتي بس مقدرش انكر ان روح القصص ينبع من افكاري وقناعاتي

اتزنقيني وتقليلي ليه تفكيرك بياخد الشكل ده ؟؟؟

يمكن لاني زي ما بتقول الاغنيه مفيش قصة حب بتستمر زي ما بدات , دايما في لوعه وعذاب ووجع قلب ..

مره انسانه اعرفها قلتلي ان مفيش حب دلوقتي يمكن كان زمان , وانا شايف ان كتير من قصص الحب بتتحول لسراب ..

مش قسوه علي المحبين بس ده واقع بنعيشه ..

ممكن نقول الحب اختبار صعب اكترنا بيفشل فيه سواء اتحملنا بعض اسباب الفشل او كلها ؟؟؟؟؟؟؟

منورني بجد يا اماني

تحياتي وتقديري
محمد

الفارس الملثم يقول...

monaliza...

المهم تكون القصه عجبتك , نورتيني يا موناليزا

تحياتي وتقديري
محمد

الفارس الملثم يقول...

ayman badr..

انا سعيد انها عجبتك يا ايمن , منورني دايما كده يا باشا

تحياتي وتقديري
محمد

الفارس الملثم يقول...

GiGi..

ههههههههههههه

لا اكيد ميعجبنيش النوع ده , واللي يعجبه اسلوب المراوغه ده يبقي يستاهل انه يتلعب بمشاعره ..

المهم تكون عجبتك , نورتي يا جيجي

تحياتي وتقديري
محمد

منى يقول...

ماكره حقا لدرجه انه لا يستطيع الفكاك منها
توعده وتتركه
وقبل ان يعى تعود من جديد
كى لا تسمح له بالنسيان

يبدو انها تقبض على خيوط مشاعره بكل ثقه
ويبدو انه سعيد بذلك رغم اظهاره العكس
ربما
تحياتى

بنات صاحبة الجلالة يقول...

محمد انت فعلا انسان مبدع بحق

القصة حلوة جدا جدا نهايتها حلوة اوي عجبني قوتها وقوة تاثير هذه الحبيبة عليه جعلته ينتظرها طول هذا الوقت بس بطل القصة عصبي شوي كان عايزها تجي في المعياد المطلوب

سلمت اناملك ايها الفارس الملثم حقا رووووعه

لك خالص التحية

karim يقول...

طاوله الانتظار سئمت من انتظارى
فكثير ما سكبت عليها افكارى
كلما بكيت عيونى التى تنتظرك ولا تراكى
فاض بى عطفى على حالى
فثار غضبى و اشتعل انكارى
فدفعت طاولتى و حررت انتظارى
واقفا رافعا وجهى لأجدها امامى



تحياتى

الفارس الملثم يقول...

منى..

ده بالظبط اللي قصدته فهي تمارس معه فن المراوغه بمهاره , فهي تسيطر علي مشاعره بذكاء ودهاء , وان كنت اختلف معك في انه سعيد بذلك , موراني دايما يا مني

تحياتي وتقديري
محمد

الفارس الملثم يقول...

بنات صاحبة الجلالة..

الله يخليكي , انا حقيقي سعيد جدا برايك ده , ودايما كده منوراني


تحياتي وتقديري
محمد

الفارس الملثم يقول...

karim..

فثار غضبى و اشتعل انكارى
فدفعت طاولتى و حررت انتظارى

كلمات جميله اوي ومعبره يا كريم , منورني دايما يا باشا

تحياتي وتقديري
محمد

Rania يقول...

جميله القصة قوى يا محمد
و الاجمل تصرف الحبيبه فى الاخر
بس بجد ساعات بتكون لعبه الاحتمالات دى رخمة و بتطفى اى حاجة حلوة ممكن تكون جوة
و بتحس بضعفك
زى ما حصل فى الاخر
ساعات بتكون السخرية من مشاعر الطرف التانى حاجة تحرق الدمو الاكتر انها ممكن تقتل

تحياتى

ليله بكى فيها القمر يقول...

السلام عليكم
بجد بجد قصصك جميله اوى و طريقتك روعه
بس تصدق بحب الواحده اللى تطلع عين الواحد
ههههههههه بهزر

الفارس الملثم يقول...

Rania..

بداية نورتي المدونه يا رانيا , وانا ملاحظ انك بقالك فتره منزلتيش حاجه جديده في مدونتك ؟؟

طبعا اسلوب الاحتمالات واللعب بمشاعر الاخرين تدل علي شخصيه بلا مشاعر , الحب بالنسبة لها مجرد وسيله للتسليه

نورتي بجد

تحياتي وتقديري
محمد

الفارس الملثم يقول...

ليله بكى فيها القمر..

ربنا يخليكي وانا سعيد جدا برايك ده

هههههههههه
ماشي ياستي

تحياتي وتقديري
محمد

ayman badr يقول...

هو كل شوية واحد يقول انا هقفل ومش هرش قدام باب المدونة بجد قصة اسلوبها حلوة وآليةالسرد فيها جذابة ورائعة
يا عم لو هتاخد اجازة متطولش علينا بس تحياتى يا محمد

مجداوية يقول...

السلام عليكم
يا سبحان الله
جئت لألقى السلام فوجدتك مختفى
على العموم أنت تعلم مقدار احترامى لك وتقديرى وسوف أحرص على متابعتك

أراك على خير أخى الكريم الفارس المبدع محمد

عميق شكرى وامتنانى واحترامى ودعائى الدائم لك بالخير

والسلام عليكم ورحمة الله

حمامة يقول...

هههههههههه

عسسسسسسسسسسسسسل

---

فما اصعب إن تنتظر شخص تجهله في ميعاد لم يحدد بعد

عجبتى الجملة دى اوى
عارف على الرغم انه صعب
بس احساس جميل وممتع جدا


الأسلوب هايل يا محمد
واضح جداً تطور الأسلوب للأحسن كتييييير
اعتقد دى افضل قصة ف الاسلوب قرتهالك
والأحداث متناسقة ومفيش حاجة طغت على حاجة
بجد هايلة ومتكاملة

تسلم ايدك بجد استمتعت بالقراية جداً

:)

سنووايت يقول...

لعل السبب خير يا فارس القصة
اتمني لك التوفيق والعودة بخير ان شاء الله

نوره الخشن يقول...

كنت مخنوقة وزهقانة وماليش نفس الحاجة قولت مفيش غير الفارس الملثم هو الوحيد اللي لو روحت عنده هيدخلني فعالم تاني .. وبالفعل

اولاً اسلوبك جميييييل جدا ومش كل مرة هقعد اقوولك مميزاتك انت عارف اعجابي بحروفك شكلو ايه منغير ما اقول.

ثانياً اكتر شئ اكرهه بالدنيا الانتظار وكمان لما الانتظار يتبعه انتظار تاني بيكون شئ صعب جدا
الواحد من يوم مايتولد بيفضل ينتظر ينتظر يعني هو دلوقتي لئاها في طريق حياته المفروض انها تكون معونة ليه مش خليه ينتظر لحد مايوصل انو يتجنن وييطلب من الراجل كوبيتين برتقال ده كان ناقص يقوله شجرة واتنين ليمون
بكره اوي اللعب بالاعصاب وخاصة في مسألة الحب لأنها بتكون اكتر المشاعر جميلة ولو بجد بيكون الواحد خلاص مقرب على بداية الجنون فمش طالبة يعني تجننه اكتر.تسيبه عالاخر لحد مايطلع فالروح واليأس يخلصه وتجيله والعكس تديله امل فظيع وتعلقه أووووووووف
في ناس كتير بتفتكر ان ده صح اتقل على اللي قصادي عشان اربيه واعلمه الادب او اسيبه منغير اي سبب عشان اتفرج عليه هيجراله ايه من بعدي ها هيمشي ينكش شعره ويكلم نفسه ولا عادي ولا هتفرق معاه .. بس بعد شوية اكيد البني ادم بيمل من الاسلوب ده
في حاجة عيزة اقولها لأي وحدة او واحد بيعمل كده أن الحب كالتنفس والنبض يصيبه اللهاث والتعب اذا ارهق بالهجر والمطالب ثم يتراخى ويتحول الى يأس ففتور.
كنت داخلة عندك مضايقة دلوقتي هخرج متغاظة .. تحياتي لابداعك

GiGi يقول...

مستنيين لسه الجديد ماينفعش فارس التدوين يغيب

مها يقول...

محمد

لعل المانع خيراً بإذن الله ..
حتماً سنفتقد دفء كلماتك ..
والثرثرة معاً تحت المطر ..
فلا تعذبنا كثيراً بالانتظار
على "طاولة الانتظار"!!!!!!!!

دام تواصلنا

شيماء سمير يقول...

الاخ محمد
شعرت بعدم تواجدك
فجئت فوجدتك بالفعل لا تدخل
اسال الله ان تكون بخير
وفى احسن حال

دعواتكم

صحفية روشة يقول...

النهاردة عيد ميلادى تعالو على مدونتى وسمعونى احلى هابى بيرث داى تو يووووووووو

الفارس الملثم يقول...

ayman badr...

تسلم يا ايمن باشا , وشكرا اوي علي سؤالك يا جميل


مجداوية..

الاحترام والتقدير متبادل يا سيده مجداويه , وممتن جدا لسؤالك , ومتطوليش الغيبه عنا


تحياتي وتقديري
محمد

الفارس الملثم يقول...

حمامة..

تسلمي يا حمامه , انا اللي سعيد جدا برايك ده , ودايما كده منوراني

تحياتي وتقديري
محمد

الفارس الملثم يقول...

نوره الخشن.......

ههههههههههه

بجد بجد رايك عجبني جدا وتحليلك اكثر من رائع , واكيد اللي بيحب بجد مش ممكن يتلذذ بتعذيب اللي بيحبه كده ..

انا سعيد جدا بمرورك ورايك يا نوره وربنا يعينك في الامتحانات

تحياتي وتقديري
محمد

الفارس الملثم يقول...

سنووايت..

متشكر اوي لسؤالك يا سنووايت وميرسي لذوقك

GiGi..
متشكر اوي يا جيجي علي سؤالك وعلي ذوقك

مها.. متشكر اوي لسؤالك وزيارتك يا مها , نورتي بجد

الفارس الملثم يقول...

شيماء سمير ..

انا الحمد لله كويس , هو بس شوية اجهاد ذهني , ربنا انتي يعينك في الامتحانات


صحفية روشة

كل سنه وانتي طيبه وتمت الزياره

نوره الخشن يقول...

يلا بئى نزل بوست جديد ولا انت نمت على كده .. عيزة حاجة جديدة اتحفني يامحمد

الفارس الملثم يقول...

نوره الخشن..

انا نزلت بوست جديد اهو يا ستي , يارب يعجبك ومتحدفناش بالطماطم مممممم

تحياتي
محمد

tota يقول...

بجد وانا بقرا القصه دي حسيت اوي بيه كنت شايفاه وهوه متنرفز وهيطق وشوفتها وهيه داخله بتبتسم
بجد راااااااااااااااااااااااائعه
جميله معبره فيها احساس و حسيت اني شايفاها ادامي
استمر

Blue Nile يقول...

بجد القصة قمة في الروعة عجبتني جدااااااا
تعبيرك عن حالة الثورةوالتراجع في لحظة مع قدوم الحبيبة جميل جدا
اصعب اللحظات هي لحظات الانتظار لانك بتنتظر شيئ مجهول قد يحدث او لا
تحياتي ليك

الفارس الملثم يقول...

tota..

انا سعيد جدا ان القصه عجبتك , وان شاء الله تخلصي امتحانات ونشوفك كتير هنا

تحياتي
محمد

الفارس الملثم يقول...

Blue Nile..

انا بجد سعيد برايك جدا , واطرائك لمدونتي المتواضعه

تحياتي
محمد

غير معرف يقول...

福~
「朵
語‧,最一件事,就。好,你西...............................................................................................................................-...相互
,以讓>它使...................

users online