الاثنين، 24 مارس 2008

قصص من سطر واحد "2"



انزوت في ركن الحجرة وهي ترتعش من فرط الاحساس بالخوف مع تعالي الصيحات الغاضبة , والتي ما لبثت إن هدأت مخلفة صوت انين مكتوم ,حينها قررت ان تتمالك كل شجاعتها وتوجهت اليه بينما هو يعتصرلفافة التبغ بين يديه و ينفث الدخان المحبوس في صدره عبر الشرفة المفتوحة , ونادته بصوت مرتجف يحاول إن يتظاهر بالشجاعة " بابا .. انا بكرهك " ثم قامت بالفرار من امامه كجرو مذعور, ليظل هو في مكانه كتمثال من الشمع من فرط الذهول..



احبها بجنون ولم يجد اغلي من قلبه ليهبها اياه لكنها كانت تفضل ان يشتري لها شئ اكثر قيمة..


كان كلما كلمته عن المشاعر والاحاسيس كلمها عن غلاء الاسعار, وكلما كلمته عن الحب كلمها عن مشكلة البطالة , وفي لحظة ثورة عارمة منها قررت مغادرة المكان ليشيعها هو بنظرة دهشة وذهول وعدم فهم..


في لحظة مصارحة نادرة قرر إن يعترف لها بكل خطاياه واثامه طالبا منها الغفران فما كان منها الا ان اعترفت له ايضا بكل ماضيها قبل الزواج حينها فقط قبل يديها وجبينها وغادر المكان ثم ارسل لها ورقة الطلاق ..


كان يحبها بجنون لكه ادرك مع تلك الالام الحادة في معدته بعد تناول عشاؤه الاخير انها كانت تكرهه بجنون


لم تستطع ان تمنع دموعها ان تنهمر من فرط التوجع وهي تصفق له بصورة هيسترية قبل ان تسقط علي الارض وقلبها ينزف من فرط الاحساس بالمهانة , فقد ادركت متاخرا جدا كم كان حقا ممثل بارع وكم كانت هي حقا حمقاء غبية


قرر إن يكتب مذكراته وعندما انتهي من اول صفحة وبدأ يقرأ ما كتبه اصابه الاكتئاب ثم قرر إن ينتحر


منحها نبض قلبه ومنحته هي خنجر في صدره


كان كلما تظاهر بعدم الاكتراث بمشاعرها ازدادت تعلقا به , لكنه اخيرا استسلم امام دموعها واعترف لها بحبه لتبدأ هي بحثها مرة اخري عن عاشق آخر


كان كبرياؤها يمنعها ان تعترف له بحبها بينما كان خشيته من رفض مشاعره من جانبها وفقدانه صداقتها يجعله يؤثر الصمت حتي كان اليوم التي اعطته فيها دعوة عقد قرانها من آخر..

كانت تكرهه بشدة , ولم تجد طريقة لتنتقم منه خيرا من ان تتزوجه..

كان مستلقي علي السرير بينما كل عصب من جسده يرتعش من فرط الالم , وبعين متوسلة كان يحثها لكي تنهي ترددها , لتستجيب اخيرا وتضع المخدة علي وجهه وتضغط بقوة دون اي مقاومة تذكر منه ثم جثت علي ركبتيها وهي تبكي بانين مكتوم..


مد لها يده لكي ينتشلها من من بحر الضياع التي كادت تغرق فيه وعندما تمكن من انقاذها اخيرا وجد نفسه قد غاص حتي ركبتيه في مستنقع الرذيلة ليكتشف الحقيقة المروعة فقد كانت تخدعه فهي تجيد فن الغرق..


استاذنته وهمت بمغادرة المكان خشية إن تخذلها دمعتها التي صارت تترقرق في مقلتيها الان وتسقط امامه فيعلم مدي الالم التي تسبب فيه حديثه عن هذه الذي يهيم بحبها, وفي اللحظة التي استدارت فيها بوجهها في الجهة المقابلة نبتت عن شفتيه ابتسامة الظفر اخيرا


الصمت والسكون والترقب يسيطران علي المكان ثم فجأة دوت صرخة مدوية فقد احرز النادي الاهلي هدف في الدقيقة الأخيرة من المباراة


انه يرفض هذا الاتهام ويشعر انها اهانته بشدة بادعائها انه قبلها علي حين غفلة منها , ولم تهدأ ثورته الا بعد إن اعترفت امام الجميع بكذبها وبينما هي ترتعش اعتذرت له" انا اثفة.." وحينها فقط وافق إن يعودا للعب سويا مرة اخري


هناك 60 تعليقًا:

Moustafa` يقول...

السلام عليكم
انت يا صديقى المتاخم
تفوقت على فنسك ببراعه
تحررت من سطوه القص الكلاسيكى
أطرقت أدمغتنا بكرابيج السطر الواحد
المغيب فى ظلمه سحيقه وسط ضباب لا ينقشع الا بقراءه ثانيه وبتركيز
معامل الغموض على وارتفع جدا فى نصك أو نصوصك هذه
براعتك فى عدم عنونتها
فهى غالبا كنافوره ذات فتحات عده
دائريه ..تصب فى حوض واحد
الحب والمشاعر ..حكم رائعه
بين تنظيم العلاقه بين الرجل والمرأه
الأب والأبنه
الطفل والطفله
مشكله ..بجد
بموت انا فى التضمين الصغنن اللى بيخلى الدماغ تشتغل
ايوه كده ما تستهونشى بدماغ القارئ أبدا
العب يا فنان ..على الغموض
بجد انا اتكيفت قوى من النص ده
حلو قوى قوى
واحلى ما فيه غموضه
تحياتى كتير
وان كت لم أفهم
لم عنوتها ب 2
وأين الاولى من هذه النوعيه النادره المتميزه
سلامى لك كثيرا يا أديب

سنووايت يقول...
أزال المؤلف هذا التعليق.
سنووايت يقول...

هو تقريبا الامتحانات ماثرة علية لاني قريت البوست حوالي 3 مرات علشان أفهم القصة وفي الاخر ركزت في العنوان "قصص من سطر واحد" الفكرة عجبتني جدا , واول قصة عجبتني جدا جدا وكنت وانا بقرا باقي القصص مش واخدة بالي وبأدور علي الأحداث اللي بعد "بابا انا بكرهك" علي فكرة تنفع بداية قصة جامدة جدا

البوست كله رائع بحق , -تصفيق حاد-, واستمتعت جدا بقرائته حتي في المرة الثالثة , نص غير تقليدي وافكاره متنوعة في قيمتها الادبية
دمت مبدعا

شهرزاد يقول...

أسلوبك جديد ،والسطور تحمل بينها معاني كثيرة
أعجبتني للغاية القصةالأولى والقصص تحمل غموضا لذيذا يدفعك لمتابعة القراءة

مجداوية يقول...

بص أيها الفارس
خذها كلمة من متذوقه جيدة جدا وهذا ليس مدحا فى نفسى والعياذ بالله لكنها الحقيقة فقد صدق حدسى وتذوقى ده بنسبة انتخابات الرئاسة عندنا فى مصر يعنى بنسبة 99،9% انت ولدت لتكون أديبا
ابعث قصصك لأحد الناشرين فخسارة أن يتمتع بها جمهور المدونين فقط
كل القصص حكاية لكن أعجبتنى جدا آخر قصة
ما شاء الله أستاذ ورئيس قسم الفرسان الملثمين ,,اسمع كلامى وشوف حد ينشرها وابقى افتكرنى لما تبقى أديب كبير

بطوط حبوب يقول...

انا كل ما بدخل هنا اصاب بذهول
بجد انك اسلوبك هايل
وخصوصا فى القصص ام سطر واحد

Unknown يقول...

السلام عليكم ورحمة الله وبركاته
الفارس الملثم
ثريع ياابو ثريع علثان الثغل والمواعيد والذى منه
حلوة اوى وسهله وبسيطه وووووووو
بس الوقت ما يسمح بالكلام علشان الثغل ثى ما قلتلك
لنا لقاء حين العودة
احجز لى مكان مشش اجى الاقى نفسى الدور ال44 زى مره قبل كده
يالله بقى احسن حاتاخررررررررر
سلام
norahaty.

مها يقول...

إذا كنت ستعطينا هذا المستوى من الإبداع فى كل تدوينة ..يمكننا إذن أن نتحمل الانتظار إلى أن يجيئ الإثنين الجميل

Empress appy يقول...

في لحظة مصارحة نادرة قرر إن يعترف لها بكل خطاياه واثامه طالبا منها الغفران فما كان منها الا ان اعترفت له ايضا بكل ماضيها قبل الزواج حينها فقط قبل يديها وجبينها وغادر المكان ثم ارسل لها ورقة الطلاق ..

عارف ان دى اكتر حاجه صعبه فى الدنيا اولا محدش له انه يحاسب التانى على ماضيه بس لازم يكون فيه احترام متبادل وعدم غلط برضه بس اللى يضايق اننا مبقناش نسامح بعض

Desert cat يقول...

حقيقى ابدعت
بس عجبتنى اوى القصة دى

في لحظة مصارحة نادرة قرر إن يعترف لها بكل خطاياه واثامه طالبا منها الغفران فما كان منها الا ان اعترفت له ايضا بكل ماضيها قبل الزواج حينها فقط قبل يديها وجبينها وغادر المكان ثم ارسل لها ورقة الطلاق ..

اصل هى دى عادة الراجل الشرقى طول ما هو مخدوع وواخد على قفاه مراته ملاك لو اعترفت بماضيها يطلقها .. وعجبى

ka2en Makboot يقول...

السلام عليكم

على فكرة المدونة بتاعتك انا زورتها اكتر من مرة وهى عندى في المفضلة

بس كل مرة مش بعرف اعلق وبلتزم القراءة الصامتة وبمشى

اشكرك علي الافكار الدبوسية اللي بتوخز في عقل القارىء

اوجزت فابدعت في هذه العصارة المركزة

تحيـــاتى

Unknown يقول...

احساس رائع جدا فى كل القصص قد اية كلمات قليلة وصلت معانى كبيرة جدا
ودة بيؤكد الحكمة القائلة خير الكلام ما قل ودل

walaa يقول...

هذا بوست من نوعلا ااخر فعلا مميز
وكلها فصص جميله


الصمت والسكون والترقب يسيطران علي المكان ثم فجأة دوت صرخة مدوية فقد احرز النادي الاهلي هدف في الدقيقة الأخيرة من المباراة
عجبتنى قوى ولاء

د/اجدع بنوته يقول...

هو انت اللى بتكتب الحجات دى

دى تانى مره اقرالك قصص

وبجد مبهووووووره

HeBa يقول...

كل ما أجي أحط رد ما هنا يصيني الخجل

مش ببقى عارفة أقول غير إن أسلوبك أكتر من رائع

بجد أنت ومها صاحبة مدونة المشربية

بلاقي نفسي معاكم دايما في نفس الموقف

معنديش كلمات كافية تعادل ابداعكم

قصص من سطر واحد

أسم على مسمى

سطر واحد يحمل مشاعر مختلفة وحروفه تعبر عن صفحات كاملة من الكتابة وتوضح إن كاتبها صاحب موهبة أدبية لا جدال فيها إلي جانب تمكنه اللغوي وقدرته على العزف بالكلمات

خالص تحياتي وتقديري

Rania Lelah يقول...

كل مرة ازر ههذ المدونه اخرج منها فى حاله ذهول
نعم ذهول من روعة ما تكتب ايها الفارس و لكنك هذه المرة بعيد عن كل ما قلتله لك فى القصص الاخيرة
فقد حقاا ابدعت فى تصويرك و فى سطورك و فى هذه العلاقات المركبة الرائعة حقا

اشكرك

الفارس الملثم يقول...

s@gi...

دكتور مصطفي منورنا كده واول تعليق كمان ممممممممممم

ايه يا عم الغيبة دي كلها , واضح ان البوستات اللي قبل كده مكنتش عجباك , بس انا سعيد ان البوست ده عجبك كده , وكلامك هو تقدير في حد ذاته , وانت تشرفني في اوي وقت ..

مع خالص تحياتي تقديري

الفارس الملثم يقول...

سنووايت..

مممممممممم هو في امتحانات دلوقتي , انتي في طب ولا ايه ..

هو طبعا اسلوب القصص من سطر واحد مش من اختراعي بس انا حاولت استغلاله في تقديم بعض الافكار مع الحرص علي مفاجاة القارئ في بعض الاحيان في نهاية القصة..

بس انا سعيد جدا انها عجبتك بجد , منوراني دايما , وربنا ينجحك بس تجبلنا الحاجة الساقعة..

تحياتي وتقديري

Unknown يقول...

جميلة قوى قصص من سطر واحد مكثفة بطريقة لم تخل ببناء النص أهنيك على براعتك
يا ريت أشوف تعليقك قريب فى مدونتى

الفارس الملثم يقول...

شهرذاد..

حضرتك نورتي المدونة , وانا سعيد ان اسلوب القصص ده عجبك بجد..

مع خالص تحياتي

الفارس الملثم يقول...

مجداوية..

ينفع كده ايه الكلام الجامد ده , افرض صدقت ورحت لاي ناشر دلوقتي وطردني من مكتبه , اقله بقي مجداوية اللي قلتي ههههههههههه

لما ابقي كاتب كبير " في السن طبعا " مش ممكن انساكي بس مدونتك لسه متقفلتش بامر السلطات الديمقراطية ..

مع خالص تحياتي وتقديري يا فندم

الفارس الملثم يقول...

بطوط حبوب..

حقيقي يا محمود لو كانت ده احساسك بجد فانا اكون في قمة سعادتي , وتشجيعك ده بيحفزني دايما في الارتقاء بمستواي للافضل ..

تحياتي وتقديري

الفارس الملثم يقول...

norahaty..

لا طبعا الزيارة دي مش اتتحسب , وانا مستني تجي وتشربي الشاي وتقوليلي رايك بالتفاصيل ..

مستنيكي.........

الفارس الملثم يقول...

مها ..

لا اعتبر ده مدح اكثر مما استحقه من مبدعة مثلك , شرفتيني ونورتي المدونة..

تحياتي وتقديري..

الفارس الملثم يقول...

ابي ..

ممممممممم جيا بدري النهاردة,طبعا زي ما قلتي في ناس عنها الازدواجية دي وبيحاسبوا الناس بصورة مغايرة لمحاسبتهم انفسهم ..

نورتي يا ابي وعاوزينك تجي بدري كده علي طول..

تحياتي وتقديري..

الفارس الملثم يقول...

Desert cat..

القطة المشاغبة دايما , هو كلامك صح طبعا ,بس ايه حكاية علي قفاه دي مممممم..

انا سعيد ان البوست عجبك بجد , نورتي المدونة يا فندم..

مع تحياتي دائما

الفارس الملثم يقول...

كائن مائي..

بداية حضرتك نورتي المدونة , بس طبعا يسعدني اكتر ان حضرتك تشاركيني برايك ,وحتي لو البوست معجبكيش , فنقدك ايفيدني كثيرا ..

انا سعيد جدا ان البوست ده عجبك واتمني الا تنقطع كومنتاتك في مدونتي المتواضعة..

مع خالص تحياتي

الفارس الملثم يقول...

ايويه ..

حضرتك شرفتي المدونة, وانا سعيد ان البوست ده نال استحسانك ..

تحياتي وتقديري

الفارس الملثم يقول...

walaa..

شكلك اهلاوية ولا ايه هههههههه

لا بجد انا سعيد جدا بمرورك وتشريفك لمدونتي المتواضعة , وكون البوست نال استحسانك ..

تحياتي وتقديري

الفارس الملثم يقول...

د/اجدع بنوته..

هههههههه لا والله انا اللي كتبها , يعني اعتبر دي مبالغة منك في الاشادة بكتاباتي المتواضعة..

بجد انا سعيد جدا ان اللي بكتبه بيعجبك حقيقي ودائما بيشرفني حضورك

تحياتي وتقديري

الفارس الملثم يقول...

Heba..

لا انا اللي ببقي خجلان من ردك واطرائك الرائع لما اكتب ,وحقيقي تشجعيك ده بيمنحني اكثر مما استحق لكني دايما بانتظر دعمك المتواصل والرائع هذا ...

مع خالص تحياتي وتقديري..

الفارس الملثم يقول...

Rania..

حقيقي انا سعيد حدا ان البوست عجبك , وتقديرك بالتاكيد اعطاني اكثر مما استحق , ويشرفني دايما مرورك..

تحياتي وتقديري ..

الفارس الملثم يقول...

ayman badr..

حضرتك نورت المدونة , وانا سعيد جدا برايك , وبالتاكيد سازور مدونتك..

مع خالص تحياتي..

Unknown يقول...

السلام عليكم ورحمة الله وبركاته
الفارس الملثم
تحيه وبعد
خلاص ياعم الاسرار انكشفت واتعرفت انت مين!!
كاتب كبيييييييييير اوى(وما كبير الا الله)وراضى ومتواضع ومرتضى بجلوسك وسطنا نحن المدونين البسطاء
او فيه افتراض تانى (اموت انا فى الافتراضات والتحليلات ووضع النتائج والاخذ بها حتى فى بعض القرارات لان قلبى مابيكذب علىّ ابدآ )وهو انك برضه كاتب كبير (وما كبير الا ربنا)باقول كاتب كبير وبتاخد راى عينة من الناس (المدونين )فى الالماس(ايوه الالماس) اللى حتنزله بعد كده للنشر (بفلوس )فى اماكن اخرى غير هنا.
باقى لىّ نقطتين اريد ان اذكرهم
**كان كبرياؤها يمنعها ان تعترف له بحبها بينما كان خشيته من رفض مشاعره من جانبها وفقدانه صداقتها يجعله يؤثر الصمت حتي كان اليوم التي اعطته فيها دعوة عقد قرانه من آخر..**
ذكرتنى باغنيتين
الاولى لنجاة (ساكن قصادى وبحبه)***
الثانيه لفيروز(تبدو كأن لا ترانى وملأ عيينى عينك ومثل فعلك فعلىّ...ويلى من الاحمقين*****اغنيه ياعاقد الحاجبين
*****انا مش سابيه لحضرتك خبر تحجزلى مكان فى الامام نظرى ضعيف وما بشوف من بعيييييد(ربنا يخللى المذاكرة والتليفزيون زمان وكمل عليه الان الكومبيوتر)التعليق ال33 اوبا اومبا !!
ادينى طولت عليكم لما حتقول حرمت وماتيجى هنا تانى.
بس حاقولكم (تعطيم لحضرتك وليس غلطة مطبعية)انا حاجى تانى وتالت وووووو كل يوم اتنين ( ايه الحكمة يعنى)طالما ان مثل هذا الجمال يقال( ايه رايك فى الحته الاخيرة دى)
وتقبل تحياتى
norahaty

اسامة يس يقول...

الله على جمال السطور..

ومضات قوية.. تترك أثرأ في الذاكرة..
حين تفرغ ترتسم على وجهك علامات من التعجب .. ربما الحيرة.. ربما الحزن.. قليل من الفرح .. لا بل كثير من الدهشة...
في القصة الأولى وجدت نفسي اقول كم انت رائع اذ لم أتخيل ان تكون النهاية هكذا..
ومع هدف الأهلي وجدت فلسفة من طعم آخر..
ومع مستجدي الخلاص قلت ايحق لها... ومع المطعون في القلب وذاك الذي أسر لها حتى اذا اسرت له غدر ومع ومع..
هنا وجدت متعه حقيقة...
دمت بكل ود...
خالص تحياتي

منى يقول...

الله
الله
الله
جميل بطريقه فظيعه
بجد ايه ده؟
ماشاء الله
معانى كبيره وكلمات موجزه
تحياتى واحترامى لابداعك

الفارس الملثم يقول...

norahaty..

ههههههههههههه

طيب اقولك ايه علي الكلام الجامد ده , يارب اكون دايما عند حسن ظنك " ومتحدفنيش بعد كده بالطماطم .. ربنا يستر"..

بالنسبة لحكاية الاتنين " ملوش دعوة طبعا بعطلة الحلاقين " انا قلت بس عشان الاقي وقت اكتب , لان بيني وبينك بطلع من المخزون الاستراتيجي اللي عندي من الاول , وبقتش اكتب زي الاول ..

في النهاية ان مش لاقي كلام اقوله علي ردك الرائع ده غير شكراااااا بجد ..

مع خالص تحياتي وتقديري ,وزيارتك بتشرف المدونة دايما

الفارس الملثم يقول...

osama..

حضرتك نورت المدونة زيارتك الاولي هنا واتمني الا تكون الاخيرة ..

انا سعيد جدا ان البوست عجبك بجد واطرائك يمنحني اكثر مما استحق ..

مع خالص تحياتي

الفارس الملثم يقول...

مني ..

حضرتك شرفتيتي بالزيارة , وان طال غيابك منذ المرة الاخيرة , وكلامك حقيقي اسعدني جدا واتمني ان تكون كتابتي المتواضعة عند حسن ظنك دائما ..

مع خالص تحياتي

مجداوية يقول...

أخى الكريم
شوفت ,,جالك كلامى ,,لما أقولك حاجة خدها وانت مغمض خصوصا مسألة التقييم دى ,,شايف تعليقات الزوار ,جبتش حاجة من عندى ,اعمل أول اهداء للكتاب الأول للنشر الى أختى الكبيرة مجداوية اللى شجعتنى أنشر ما أكتب ,,أوكى ومش حاقولك فيفتى فيفتى ولا حاجة كفاية عشرة فى المائة أنا مش طماعة ,,اتاوة يعنى ,, والله بأتكلم جد شوف ناشر ينشرلك كتبك ابعت للراجل اللى بعتتله غادة عبد الرازق بتاع دار الشروق ,اسمع كلامى هو انت حتخسر حاجة أديك معانا ممتعنا بكتاباتك ,,مش حتنازل عن عشرين فى المائة وكلمة تانية حخليهم تلاتين أظن الراجل اسمه سيد على اسأل كده وتوكل على الله

آخر العنقود يقول...

يانهااااااااااااااااار ابيض
انا متأخرة اوى المرة دى يافارس
معلش معلش عديها لى بقى
:)

بص بقى البوست ده وحش خااااااااااالص
اه وحش ايه؟ فى حاجة

ماهوه بقى مش كل مرة هادخل اقول رائع ومبدع وكده يعنى
فقولت اغير
هههههههههههههههههههههه

ماشاء الله عليكانت بجد موهوب
وزى ماقريت ان انت اللى بتكتب ده
انا مع كل اللى بيشجعك على النشر
بجد اسلوبك جميل وبسيط وتكتب فى مواضيع واقعية باسوب جميل

كفاية بقى المرة دى عشان الاقى حاجة اقولها المرة الجايةلانى عارفة انها هتكون اجدم من كده
:)))))))))

ربنا يكرمك ودائما الى الامام
بس اوعى تنسانا بس لما تتشهر ياعم فارس احنا من هنا برده

بجد مدونة مميزة وجميلة

تحياتى ليك ولقلمك المبدع

سلوى يقول...

عارف

كلماتك دي

من كل بستان زهره

جميله فعلا

أحسنت

موناليزا يقول...

دمت كاتبا متميزا ومبدعا
كلهم احلى من بعض

الفارس الملثم يقول...

مجداوية..

ايه ده في اول اول التعليق كانوا عشرة في المية وعلي نهايته ايكون 30 في المية , يعني عقبال الكتاب ما يتنشر ادفع انا من جيبي , لا عشرة في المية كويس بس علي شرط تمسكي حملة الدعاية بتاعت الكتاب ..

انا اكيد حكاية الناشر ده بس هو اللي اختار المدونات من خلال ملاحظته الاقبال الجماهيري علي كتابات البنات التلاتة اللي كانوا اول مدونات تتحول لكتاب مطبوع ..

مين عارف يمكن يحصل بجد في يوم يوم من الايام ..

تحياتي وتقديري يا فندم

الفارس الملثم يقول...

آخر العنقود..

انا عمال اقول اخر العنقود فين , ايه التاخير ده كله , انا قلت يمكن عربيته اتعطلت ادام باب المدونة ولا المرور زحمة ولا حاجة , عموما سماح المرة دي بس مش عاوزين تاخير تاني ..

انا متشكر اوي علي الكلام الجامد ده , بس جبتي التفاؤل ان الجاي اجمل , ربنا يستر وما تحدفنيش بالطماطم بعد كده ..

تحياتي ليكي ولردك الرائع والمشجع دوما

الفارس الملثم يقول...

Salwa..

الف شكر سلوي علي مرورك وعلي رايك الجميل في مدونتي المتواضعة ..

مع خالص تحياتي

الفارس الملثم يقول...

monaliza..

حضرتك شرفتي المدونة بالزيارة, ومتشكر جدا لرايك فيما اكتب

مع خالص تحياتي

مجداوية يقول...

أقولك حاجة أخى الكريم
لوالناشر ده بيقيس قيمة المدونة بأعداد الناس المتابعة ليها يبقى معلش بقى تاجر ومش فاهم صح أنا دخلت مودنات فيها أعداد كتيرة جدا بتعلق لكن المحتوى تافه ولا يستحق التعليق عليه حتى بس حالة الضحك للضحك وبدون محتوى ولا فكر بقت ظاهرة حتى بين المدونات ,وأنا شايفة فى رأيى المتواضع ان ما تكتبه أجمل وأعمق وأقيم وأفيد مما اختاره هذا الناشر للنشر ودى مفارقة أزلية ,,,زى نجاح مثلا أفلام الليمبى واللى على شاكلته واللى حققت ايرادات بالملايين وتوارى الممثلين الكبار فى بيوتهم من غير شغل ,,ولكن لعله خير

الفارس الملثم يقول...

مجداوية..

كلامك يشرفني , وتقديرك فضل اتمني ان اكون استحقه , وممتن جدا لحسن ثقتك في ..

طبعا اتفق معك ان عدد الزوار ليس مقياسا علي الاطلاق لجودة محتوي المدونة , رغم احتياج الكاتب الشديد للتقييم من الاخرين , وربما يكون منتهي املي في الكتابة ان اكتب عمل فني رفيع المستوي من الناحية الادبية , ويستطيع في نفس الوقت ان يعطي متعة في القراءة للكاتب العادي , واتمني ان اكون اخطو خطوات صحيحة في هذا الدرب ..

دام تشجيعك الذي احتاجه كثيرا

تحياتي وتقديري

انين الحزن يقول...

حلو اوي بجد بحس كدا وانا بقرا البوست بتاعك ان شايفه كل حاجه قدامي كدا متخيله كل الا بقراه اسلوبك بجد مالوش حل

بس فيه حاجه كدا علي جنب

هيا قالتله انا اثفه هيا عندها حرف
( ث )ولا انت اللي عندك الحرف وانا ظالماها
انا بهزر معاك


سلامووووووووز ياجميل
وزة

الفارس الملثم يقول...

انين الحزن ,,,

الله يخليكي يا وزة ده بس من ذوقك ..


هيا قالتله انا اثفه هيا عندها حرف
( ث )ولا انت اللي عندك الحرف وانا ظالماها

هههههههههههه

خفة دمك يا بنتي دي مشكلة , لا يا ستي هي اللي عيلة لدغة في السين , يعني وانتي صغيرة مكنتيش بتقولي زيها مممممممممم

سلاموز يا يا وزة

momken يقول...

اسلوبك جميل جدا وسردك هايل

القصه مثيره وتخطف القراء
ولا يستطيع التنحكم فى ان يترك قرائتها

تحياتى

حمامة يقول...

فكرة رووووعة

بجد فنان من الدرجة الأولى
احياناً كتير بتيجى للواحد خاطرة
او فكرة قصة بس مش بيعرف يكملها
القصص دى فكرتنى بيها

بجد ممتاز :)

Unknown يقول...

السلام عليكم ورحمة الله وبركاته
عايزه اقفل الباب ورايا بتاع المدونة دى علشان محدش يدخل بكرة الفجر قبلى ......اعمل ايه؟ حافكر وحاقولك بكرة ان شاء الله.

الفارس الملثم يقول...

momken ...

ده بس من ذوق حضرتك , وانا سعيد ان البوست عجبك , واتمني الا تنقطع الزيارة

مع خالص تحياتي

الفارس الملثم يقول...

حمامة ..

ايه التاخير ده كله , هو الطيران زحمة ولا ايه , طبعا ان سعيد جدا برايك , واتمني الا يتاخر طيرانك الي هنا ..

مع خالص تحياتي

الفارس الملثم يقول...

norahaty..

والناس يقعدوا بره كده , والجيران يشتكوا ينفع كده ممممممممممم

انا منتظرك عموما بس اياك تتاخري وحجزلك مكان ...

تحياتي وتقديري

صبرني يارب يقول...

سلام عليكم
اول مره اكتشف مدونتك مدونه جميله

واتفق معاك كل الاتفاق بان قصة ا لحب من طرف واحد مش بالشكل الى بتصوره الافلام
وانها فعلا بتكون ساعات توق الى عذاب النفس
واحيانااكتر بتكون هبل
انا دايما اقول الحب من غير امل اسمى معاني الهبل .

لان اه احنا قلوبنا مش بايدينا انما كمان احنا الى شايلين قلوبنا.

يعنى مثلا الى بيحب واحده وعارف انه لااااااايمكن تحب او توصل قصتهم لطريق طبيعى وشرعي واجتماعي مقبول لهم وللجميع
هو قبل ما يحبها لابد يكون سعى للحب ده او حتى استسلم له .
لان لو كان اتبع القواعد الشرعيه فى العلاقه بها كان نأى بنفسه من الموال ده

وحلوه اوي القصص الى من سطر واحد
عجبنى فكرتها من حيث انها تصور مواقف معبره جدا ومهمه جدا

شكرا لك على البوست

الفارس الملثم يقول...

صبرني يارب ..

بداية حضرتك نورتي المدونة واتمني الا تكون الاخيرة, وانت متفق معاكي في كل كلامك , ومفيش داعي الواحد يعذب نفسه في حب بلا امل ..

تحياتي وتقديري

Unknown يقول...

فى رحمة الله
إن شــــــاء الله
صديقى الصغير العزيز

users online