الأحد، 3 أغسطس 2008

نشوة السقوط



الشارع يكاد يخلو من اي دبيب للحياة باستثناء بعض خربشات الأظافر لعدد من القطط والكلاب الضالة التي تأمل ان تجد بين أكياس القمامة ما يمكن ان يسد جوعها , وربما أيضا احد المصلين اللذين لم يأبهوا بهذا الركام من الظلام والصقيع التي خلفته الليلة الماضية وقرروا ان ينالوا ثواب صلاة الفجر في المسجد .


بينما كان عمود النور هذا هو الوحيد الذي ظل يؤدي مهمته عبثا مخلفا بقعة ضوء تكاد ان تذوب في وسط هذا البحر من الظلام .وعلي بعد أمتار قليلة بدا ظل شبحين يتمهلان السير في اتجاه بقعة الضوء التي أحدثها عمود النور بينما تصدر عنهما غلالة من الدخان التي هي مزيج من أنفاسهما المشبعة ببخار الماء ودخان لفافة التبغ الغليظة القوام التي تحتضنها أناملهما .


ثم ما لبث أن اسند احدهما ظهره إلي جذع شجرة ضخمة وقد بدت عيونه زائغة مشتتة كطائر أعياه التحليق طويلا وقد ضل طريقه في يوم عاصف حتى انه لم يلحظ رفيقه وهو يتجه لبقعة الضوء ..

حتي تناهي لسمعه وقع مشادة صاخبة اخترقت حاجز الصمت , لينتبه ان رفيقه يتشاجر مع فتاة يبدو انه حاول مضايقتها وان لم تبدو له ملامحها وقد كان جسد صديقه الضخم حائل يحجب عنه الرؤية مما جعله يقترب لتبين ما حدث ...


مع دخوله مجال الضوء تلتقي أعينهما , تتوقف أنفاسه ومعها يتوقف الزمن , لحظات تبدو له كدهر , إنها هي ..


من عينيها يتدفق شلال من الأسئلة , فيض من المشاعر حملتها نظراتها , مشاعر من اللهفة والشفقة وحتى الرثاء , هاله أن رفيقه يقبض علي معصمها بقوة بينما هي تحاول أن تتظاهر برباطة الجأش وهي تحاول عبثا إفلات يديها ..


صبري ..


صرخ في جزع ..


أجفل رفيقه لصرخته وقد التفت إليه وقد ارتسمت علي قسمات وجهه علامات الدهشة, لتجدها هي فرصة لتحرر يديها من قبضته ثم تتجاوزه وهي تسرع الخطي , لاحقها بنظراته وبينما هي تكاد تبتعد عن بقعة الضوء تخيل إنها قبل تغيب تماما قد شيعته بنظرة تترقرق فيها الدموع ...




يعود إليه رفيقه وقد حملت نظرة عينيه التي صارت أكثر احمرارا تعبير الغضب والارتياب ..


وقبل ان يتفوه باي كلمه يتناهي الي سمعهما فجأة صوت سارينة سيارة الشرطة يدوي من بعيد , يهرعان الاثنان دون ادني تفكير حتى يجدان في مدخل احد الأبنية ملاذ لهم




وما أن يسترد أنفاسه حتى تنتابه حالة من الذهول لما صار له مصيره وقد اصبح عابثا يتسكع في درب الضياع دون هدف او معني لحياته


بينما اخذ شريط الذكريات يدور بسرعة أمام عينيه , مشاهد من حياته تطرق عقله بقوة ...


ولد طيب ...فتي طيب ..شاب طيب


طيب ...


دائما ما تلاحقه هذه العبارة , إحساس بالتوجس أصبح يراوده كلما نعته احدهم بها , فعادة ما يتبعها سلسلة من التنازلات من جانبه , لقد صارت مسوغ لسلسلة من الإساءات من جانب الآخرين عليه إن يزدردها في صمت , يجب دائما ان يتسامح ويغفر كل إساءة يتعرض لها مكتفيا بعبارة أسف كان يوقن أحيانا أن صاحبها كان متعمدا أهانته لكنه رغم ذلك لم يحاول يوما ان يتمرد او يثور ...

لكنها هي من تسبب وجودها في حياته في قلب حياته رأسا علي عقب ...


مع مرور ذكراها علي عقله إذ به يغمض عينيه ويطلق تنهيدة عميقة هو يسترجع أدق تفاصيل ملامحها وذكرياته السعيدة والمؤلمة معها ..

تلك العيون التي أحس أنها تحتويه داخلها عندما اكتشف انه مرت دقيقة كاملة وهو يحدق بها عند أول لقاء جمعه بها عندما جاءت تسأل عن شقيقته وهو الشاب الخجول التي كان مجرد نظرة خاطفة منه لفتاة تجعله يتتصبب عرقا ...
و تلك الملامح الطفولية والروح المرحة التي تتسم بالجرأة الشديدة التي نجحت في اختراق جدار الخجل التي ظل طوال عمره يقف خلفه في تحسر وهو يستشعر مرارة الوحدة وافتقاد الأنيس حتى وهو بين الأخوة والأصدقاء ..

لماذا تنظر لي هكذا

فاجأته عبارتها التي تحمل روحها الجريئة المتحدية , الهروب حينها من نظرات عينيها الجريئه كان هو الحل الوحيد التي قرر اتخاذه , لكنه لم يستطع أبدا إن يهرب من قدره التي كانت هي ابرز سطوره ..

ورغم انه فضل تحاشي وجودها كلما جاءت لزيارة شقيقته , , لكن أفكار كثيرة تتعلق بها ظلت تطارده حتى في أحلامه ,عجيب إن يتعلق قلبك بإنسان تقابله لأول مرة ..

حتى ذلك اليوم الذي فوجئ به بطلب شقيقته إن يرافقها حتى محطة الحافلات نظرا لتأخر الوقت ...

إحاسيس متناقضة تتفاعل داخله , مشاعر تجمع بين السعادة والقلق والاضطراب تتلاطمه...

لكنه كان عليه إن يخوض أولي اختباراته مع عالم المرأة وكانت هي الباب الذي شرع في لحظة قدرية أمامه لتحطيم تلك القيود التي تجعله دائما متوجس من الاقتراب من أي أنثي ..


استضافة الملف بواسطة مركزعين الذيب  لتحميل الصور والملفات
كانت ليلة قمرية ترافقها نسمات صيفية عليلة جعلت خصلات شعرها تتطاير معطية جاذبية أضافية لوجهها , لكن ظل الصمت حاجز يصحبهما في طريقهم ..

لكنها ما لبثت أن قطعت هذا الصمت محاولة منحه موضوع للحديث ..

أنت بتكتب شعر, نورا تقول انك شاعر كبير

كانت كلماتها ترن بروح سخرية محببة هي ابرز سمات شخصيتها المرحة ..

مما جعله يبتسم ابتسامة خجولة , بينما يحاول عبثا البحث عن كلمات ليرد بها لكنه أحس فجأة إن كل مفردات اللغة تبخرت من عقله فاحتمي مرة أخري بالصمت ..

محمود أنت تعرف انك خجول أكثر من اللازم ..

أحس وكأنه يواجه باتهام , فقرر التخلي عن صمته ولكن في محاولته دفع التهمة عن نفسه كان يتلعثم بين كلماته ..

انا ...ابدا ...يمكن ..

هنا انبعثت منها ضحكة عالية لم تستطع قمعها مما ذاد من ارتباكه بل واخرج من جيبه منديلا ليجفف العرق الذي اخذ يتصبب منه , فما كان منها إلا إن أطرقت رأسها في خجل وهي تعتذر ..

أنا آسفة ..

تعددت اللقاءات التي جمعت بينهم ليذوب جدار الجليد الذي ظل دهرا من عمره مسجونا خلفه حيث يضطر لكبت مشاعره مكتفيا بما يجد متنفسا له من خلال سكبه علي الورق في شكل خواطر وأشعار...

لكنه دائما ما كان يعذبه ما يلمسه من تناقض مشاعرها تجاهه...

ففي لحظات تصل به إلي قمة السعادة من خلال دفئ المشاعر التي يحس بها عندما تشعره انه قريب جدا منها ...

بينما في لحظات أخري يشعر بفتور قاتل تجعله يشعر كأنه مجرد إنسان تعرفه قابلته بالمصادفة ...

كان عليه إن يلملم شجاعته لكي يواجهها ولكي يعرف مشاعرها الحقيقية تجاهه , لقد كان ردها هو نقطة التحول في حياته , وطالما ظلت عباراتها ترن في ذاكرته حتى اليوم ..

محمود , أنا لا يمكنني أن أنكر إني أشعر تجاهك بمشاعر جميلة ...أنت إنسان طيب ...وحساس ..
ثم صمتت للحظات ...


لكن .. أنا اشعر إن شخصيتك مهتزة ...لا تستطيع انك تكون حاسم في قراراتك , دائما متردد , أحيانا حتى عندما أكون أنا المخطئة وأتسبب في مضايقتك لا تحاول حتى انك تظهر غضبك مني بل وتقوم بالاعتذار بدلا من إن تعاتبني ..
أنا اعلم إني ربما أكون قاسية في صراحتي لكن ...

كان الذهول هو رد فعله الوحيد , إحساس مرير بعدم التصديق ينكأ روحه بعنف , لم يسمع باقي كلماتها , فقد احس ان غيمه في الدموع قد بدات في التخلق في مقلتيه لكنه لم يكن يريد ان تري دموعه وتشعر بضعفه اكثر وهي لم تنتهي من حديثها الموجع التي تتهمه فيه بالضعف , فانصرف من امامها دون يتفوه بكلمه واحده..





,وظل يسأل نفسه ذات السؤال حتي الآن في معرض اتهامه لها وتبرئتها في نفس الوقت .. هل هي كانت قاسيه في صراحتها لدرجة الفظاظه فتركت داخله جرح عميق جعله كالطائر الجريح يتخبط دون اي هدايه لطريق ؟؟؟ ,, ام انها دون قصد اشعلت جذوة اللهب فكانت الشراره التي ارسلها القدر ليثور علي ضعفه .. فقرر ان يتمرد علي كل شئ في طبيعة محمود القديم .. فجعلته كلماتها لاول مره يكتشف الحقيقه التي ظل طويلا يتهرب من مواجهة نفسه بها ..



إن مشكلته ليس انه إنسان طيب كما كان يبرر لنفسه استكانته وضعفه.. لكن مشكلته انه إنسان ضعيف الشخصية عاجز عن اتخاذ أي قرارات مصيرية في حياته , فهو دائما الفتي المطيع الذي لا يملك حق الاعتراض , فعندما كان صغير كان لا يستطيع إن يظهر حتى الامتعاض تجاه الملابس التي كان والديه يقوموا باختيارها له وان لم تعجبه , ثم عندما كبر رضخ لقرار والده بالالتحاق بكلية التجارة لمساعدته في تجارته عندما يتخرج رغم كرهه الشديد للحساب وولعه بالأدب والشعر.. فكانت طبيعة والده الصارمه الحازمه التي تصل لدرجة التسلط والديكتاتوريه لا يقبل ان يناقشه احدا في قراراته سببا في ضعف شخصيته ومع مرور الوقت صارالآخرون دائما يتخذون القرارات بالنيابة عنه بينما هو يستسلم في خنوع ..



قرر إن يعلن تمرده علي كل شئ , علي حياته ...علي ضعفه ... علي حبه لها ...


لكنه الآن يدرك فقط انه حتى كان ضعيفا في قرار تمرده , فبدلا من إن يجعل من لحظة انكساره وهزيمته سبب قوي ليتحدي الحياة ليجعل من نفسه شخص جدير بالاحترام , ترك نفسه يهوي في مستنقع الحياة , لقد بدأ بتدمير نفسه دون إن يدري فبينما كان يسقط كانت لذة النشوة الزائفة تعطيه إحساس انه تحرر من كل قيوده التي كانت تكبله , فكان اشبه بفرخ طائر صغير تصور في قدرته علي الطيران وهو يقفز من قمة الجبل وقد جعلته النشوة التي تصاحب رحلة السقوط يتخيل انه يحلق بينما كان في الحقيقه يهوي رافضا اي تنبيه يواجهه بتلك الحقيقه ...


فعندما قابلها مصادفة بعد ذلك وحاولت أن تعتذر له وفي كلمات اقرب للرجاء اعترفت له إنها تحبه وأنها تشعر بالندم عن الجرح التي تسبب فيه حديثها الأخير معه وانها كانت تتصور ان كلماتها ستساعده ان يتغلب علي ضعفه وان يتعامل مع الحياه بجرأه اكبر وأنها تتمني إن يعود محمود ذلك الشخص الذي أحبته وأدركت بعد رحيله بمدي افتقاده في حياتها ..


لكنه يصيح في وجهها ويعلن لها انه أصبح يكرهها ... انه أصبح يكرهها بنفس القدر الذي كان يحبها به , كان انفعاله لحظة من لحظات الجنون او ربما الهذيان الذي صار رفيقه في دربه ...درب الانحدار الي الهاوية ...


انتبه محمود علي احتراق في قبضة يده من اثر انقباض يده بحركة لإرادية علي لفاقة التبغ نتيجة انفعاله الناتج عن استحضار تلك الذكريات الأليمة أمامه ...

استضافة الملف بواسطة مركزعين الذيب  لتحميل الصور والملفات

حينئذ نظر محمود للأفق كان ضوء الشمس قد بدأ يكتسح ركام الظلام والبرد التي خلفته الليلة الماضية , كان إحساسه بشروق الشمس هذا الصباح مختلفا تماما , كان يشعر إن شعاعها الدافئ يغسل روحه , تولدت لديه رغبة عارمة إن يبكي مثلما لم يبكي من قبل ...


ثم ما لبث إن نهض متخذا طريقه مبتعدا بينما تطارده صيحات صديقه تطلب منه التمهل لكي ينتظره ..
لكنه يواصل طريقه دون إن يلتفت للوراء ...

هناك 97 تعليقًا:

سارة علي يقول...

ااااااااااااااااول تعليق هروح بس اجيب النسكافية بتاعى من المطبخ واجى اقرا براحتى انا بحجز وبسجل حضورى

سارة علي يقول...

خلينا بقى ناخد القصة حتة حتة نناقشها ::::: اول شىء عجبتنى التشبيهات انت متميز اوى يا محمد فى دمج الصور بحيث متتزاحمش التشبيهات ودة نقطة انا مفتقداها فى كتابتى يلا بحسدك عليها هههههههههههههه متقلقش مش هنق عليك
تانى حاجة :: دايما بحس ان البطل فى قصصك ضعيف ؟ البطلة اقوى ... اقوى فى مشاعرها ... اقوى فى شخصيتها ... البطل غالبا ضعيف الشخصية ..... اومريض .... او قوى وعاوز يبان ضعيف
تفتكر عشان البطلة تحب البطل لازم يكون ضعيف ؟؟؟؟؟ المشكلةان حب محمود لنورا خلاة يتصرف بطريقة تخلى نورا تفتكر انوا ضعيف .... نورا مساعدتش محمود انوا يخرج مشاعرة الحقيقة نحيتها ... نورا مشافتش فى محمود غير صورة الولد الخجول ومعرفتها باختة مدياها باك جراوند عن حياتة انوا مجرد انسان سهل التحكم فية
بس عارف معتقدش ان نورا حبت محمود .... هى لما حست انوا ماشى فى سكة غلط حبت تقولة كدة يمكن يرجع زى ما كان
النقد بقى : انا حسيت التشبيهات اينعم مش مزدحمة بس كتيرة على احداث القصة ... مش عارفة لية
تانى شىء عجبنى البعد الانسانى وشرحك لشخص محمود والتحولات فى حياتة
كفايةكدة هههههههههه رخمت عليك
تحياتى

السماء الداميه يقول...

كويس انى التانى

بص يا محمد انا اكتر واحد حاسس بمحمود ده


علشان يمكن نفس الموقف حصل معايا بس كان

فى بعض الاختلافات شوية المهم انك عبرت



بطريقة جميلة وبجد انت بيزيد تطورك كل


مرة عن اللى قبلها وان شاء الله تزداد



اكثر فاكثر وبجد عجبنى التشبيهات اللى


انت استخدمتها بجد بتخلى الواحد يتمزج


وهو بيقراها .......

انا مستنى رايك فى البوست الجديد بتاعى


رايك يهمنى

yoyo يقول...

صباحك سكر يا محمد
اقولك ايه بس تسلم ايدك صحيح بتغيب تغيب وتنزل بالاجمل والابدع

اولا القصة كتير عجبتنى اوى
مشاء الله عليك يعنى (اللهم لا حسد اهوا ) هههههههههه استخدامك هايل فى التشبيهات بجد تشبيهات ورسم الصور للمشاهد والشخصيات هايل بتدخلنى فى حالة من التعايش ع الاحداث وكمان مع الشخصيات نفسهم

مش عارفة ليه حاسة ان محمود مش قدر انه يظهر حبه او يحافظ عليه بالشكل الصح جايز دا ضعف من الشخصية واعتقد انك عملت خلفية عن تصرفاته وعن حياته فبالتالى الشخص السهل التحكم فيه اللى هوضغيف يعنى مش بيقدر انه يحافظ على اى من اهتماماته او حتى طموحاته
وبعدين ايه التحيز دا يعنى هو البطل يا حرام كدا على طول ضعيف واحنا الللى وحشين وشريرين ههههههههههههه ينفع كدا يعنى ربنا مش بيحب الظلم

بجد بوست هايل ومن صاحب القلم المبدع
تحياتى
يويو

عالم ماريونت يقول...

التعليق الخامس مش وحش برضة
قصتك هايلة اوي وخلتني اركز لغاية الاخر مع اني ساعات كتير بدور على المختصر المفيد عشان الاستيجماتيزم بعيد عنك
بس كنت عايز اقولك ان التطويل برضة مش في صالح القصة
غير كدة شخصياتك محكمة وانفعلاتك وصلت صح ولغتك رقيقة وبسيطة وبعيده عن الافتعال
دايما بالتوفيق وانشاء الله للامام دايما
تحياتي

محمد فاروق الشاذلى يقول...

صديقى العزيز / صباح الجمال
القصة كالعادة جميلة جداً ومليئة بالمشاعر والأحاسيس، لكن إذا سمحت لى ببعض الملاحظات فأنا لست من هؤلاء المجاملين وإنما حرصاً منى على إرتفاع مستواك الدائم أردت أن أوجه بعض الملاحظات:
أولاً: قلت فى القصة "وقرروا ان ينالوا ((صواب)) صلاة الفجر في المسجد" وكلمة صواب هنا تعنى صحة الشيء ومن المفروض أن تكون ((ثواب))أى الحسنات.
ثانياً: ذكرت أيضاً "فهو دائما الفتي المطيع ((التي)) لا يملك حق الاعتراض" وكلمة التى هنا من المفروض أن تكون ((الذى)) لأنها تعود على مذكر وليس مؤنث.
ثالثاً: ذكرت كذلك "وأنها تشعر بالندم عن الجرح ((التي)) تسبب فيه حديثها الأخير" وهى نفس الملاحظة السابقة.
وأخيراً: ما هو السبب الذى جعل نورا تمشى فى الشارع فى هذا الوقت المتأخر جداً من الليل ؟؟

تلك كانت ملاحظاتى التى لم تؤثر فى جمال القصة وحلاوتها وأرجو أن تتقبلها منى بصدر رحب.

وشكراً لتحملك لتعليقى

مها يقول...

محمد

دائماً أجد نفسى بين سطور قصصك المسكونة بالألم والشجن وصدق الحروف

تحياتى

سنووايت يقول...

اول شيء لاحظته في القصة دي بالذات الاهتمام بوصف البيئة الحيطة , والتفاصيل الكتير اللي ساعدت في رسم صورة حقيقية أمامنا للموقف كاملا
تميزت هنا يا محمد في الوصف

الحاجة التانية اللي لاحظتها ان البطل هو المظلوم الضعيف والبطلة هي الجانية كمعظم قصصك , بس انا لاحظت عندي بردو اني باعمل العكس يعني دايما بيكون عندي البطل هو الجاني :)

الفكرة جميلة وان لم تكن جديدة , ولكن ليه وصفته بالضعيف , الشخص الانطوائي الخجول دي طبيعته مش ضعف منه ولكن طبيعته بتفرض عليه دا , واعتقد ان مع مرور الايام شخصيته بتنضج اكتر وبيكتسب مهارات التعامل مع البشر ويمكن كانت معرفته بيها سبب في تحول مايء لشخصيته وتمرده علي طبيعته اللي تسببت له في الالم دا

--
تناولت الفكرة باسلوب شيق جدا
وعجبتني جدا النهاية
بداية جديدة وأمل جديد
انسان جديد يتدراك اخطائه السابقة ويعطي قلبه لمن تستحق

أبدعت يا محمد في القصة دي

نـــــور يقول...

محمد
****
مبسوطه قوى ان بعد غيابك فترة عن تنزيل بوستات اعلق على واحد جديد فى اول رجوعى كده !!!

اولا لازم احييك على انك دايما بتتغلب على احساس الملل والكره اللى بيجيلى من البوستات الطويلة بس عندك بصراحه دايما ببص على النص واتخض وبعدين مش بحس بيه الا وهو بيخلص ...اه والله

ثانيا بقى انا ملاحظه عندك ان بطلات قصصك بيبقوا شخصيتهم قوية وجبارين شويه والابطال بيبقوا هاديين وطيبين وخجولين قوى ياترى الحكاية مقصوده ولا ده اللى بيخرج منك كده دون قصد؟

ثالثا بقى لاحظت انك بتضرب المثل باسم نورا وكمان قصتك فيها نفس الاسم
ياترى دى كمان مقصودة ولا لا ؟ ها ؟ - وش بيغمز - هههههههه

الاسماء اللى فى قصتك مع بعضها كده غريبة بالنسبالى ومش هقدر اقول ليه ؟

عموما بحييك ياقمر وربنا يديم عليك جمال كلماتك وروحك

فارس بلا جواد يقول...

محمد
ازيك يا باشا

بجد
مشفتش حد بيكتب قصص زيك
حلو جدا
تشبيهات والفاظ وكلمات
حتى كمان اختيارك للزمن
بجد حلو قوى
ودايما مطلع محمود ضعيف
ههههههههههههه
بهزر طبعا
دمت بالف خير يا جميل

تحياتى

منى يقول...

تفتكر نيتها الطيبه لما لفتت نظره
لمشكله التردد والسلبيه عنده
مش كفايه عشان يسامحها؟
اعتقد انها اكيد مكنتش تقصد تزعله
بس يمكن عايزه تنبهه
يمكن شايفاه بيخسر كتير
وبيتجرح كتير بحبت تفوقه

اكيد لو كانت تعرف ان النهايه هتبقى كده كانت سكتت خالص

بس ليه هو اتجه لكده ؟
وليه معظمهم بيبقوا كده؟
هو لازم النقيض
اما ملاك او شيطان
انه طيب ، وبيسامح دى مش مشكله
لكن انه يسكت لحد ما احلامه تضيع
هى دى المشكله

تفتكر لما السيجاره حرقت ايده
ممكن يرجع محمود الطيب تانى بس من غير تردد؟؟
تحياتى

دعوة للأمل يقول...

القصة جميلة اوى و فيها احساس و تشدك لحد الاخر تحياتى لك و دمت مبدع

شهد الكلمات يقول...

عجبني اوي وصف خربشة القطط و الكلاب و وصف الفجر كان جميل بجد

و عجبتني جملة
فكان اشبه بفرخ طائر صغير تصور في قدرته علي الطيران وهو يقفز من قمة الجبل وقد جعلته النشوة التي تصاحب رحلة السقوط يتخيل انه يحلق بينما كان في الحقيقه يهوي رافضا اي تنبيه يواجهه بتلك الحقيقه ...

جميلة اوي

قلمك المرة دي بجد جامد جامد من هنا للسنة الجاية
اية يا عم الحلاوة دي
القصة حلوة و السرد ممتاز و وصف ضياع البطل جميل جدا

بس هو في حاجة هو اية اللي نزلها الفجر هي بتشتغل ممرضة ولا رقاصة ولا اية بالضبط
بصراحة انا في اول القصة افتكرتها انحرفت بعد ما سبيته لكن ما اتضحش كدة
طب كانت بتعمل اية بتصلي دي ولا اية؟؟؟؟؟؟؟؟

تسلم ايدك

تحياتي

زى الهوا يقول...

قصة جميلة جدا , ووفقت فى اختيار بدايتها , والتوفيق كان اكتر فى النهاية كمان , ووصفك للطبيعة راااااااااااائع , والتشبيهات عجبتنى جدا

kochia يقول...

تصويرك جميل
تشبيهاتك فيها ابداع
وصفك للجو وللحالة اللي بدات فيها القصة مميزة اوي

القصة نفسها بقي
ايه يا تري مدي البعد الواقعي لقصتك دي
هل هي ممكن تححصل فعلا
ذلك النوع من العلاقة
وتلك النهاية

النهاية الادبية الوصفية برده جميلة جدا

تحياتي

الفارس الملثم يقول...

سارة علي..

ايه ده يا ساره عاوزاني اخلي البطل مفتري علي البطله ممممممممممم

بصي هو انا بحاول اقدم نمات مختلفه للشخصيات , مش بتعمد انها تكون ضعيفه , وخلي بالك ان الضعف موجود كل واحد مهما تظاهر بعكس كده ..

عموما اخلي الابطال الجايين عيال جامده ومفتريه بس اياك متقليش ان بجي علي البطلات ههههههههههه

طيب رحتي تجيبي نسكافيه مش تعزمي علينا ممممممممم

نورتي يا ساره

الفارس الملثم يقول...

السماء الداميه..

حضرتك اللي نورتني يا باشا , وانا سعيد انك حسيت اني قدرت اوصل شخصيه وتركيبتها للقارئ , اسعدني مرورك ورايك جدا

تحياتي دائما

الفارس الملثم يقول...

yoyo..

ربنا يخليكي يا ايه , ده بس من ذوقك

والله مش بحاول اتحامل علي الستات ولا حاجه , علي العكس انا حاولت ابين ان يمكن هي كانت بتحبه فعلا وحاولت تغيره للاحسن فعلا

نورتي يا ايه بجد

الفارس الملثم يقول...

يوميات نائمة في الأرياف..

انا سعيد جدا بمرورك وان القصه عجبتك بجد , انا برده مش بحبذ القصص الطويله لان الاملال بيبقي وارد فيها بصوره اكبر , لكن الدراما بتاعت القصه بتجبر الكاتب علي الاطاله , ولو كنتي فعلا محستيس بملل , فده نجاح كنت بتمناه

نورتيني بجد

الفارس الملثم يقول...

قلب مصرى..

مفيش تتقيل ولا حاجه يا باشا , علي العكس انا بشكرك جدا علي ملاحظتك وانا فعلا عدلت الاخطاء النحويه دي لما قريت ردك , وانا ساعات كتير فعلا مش براجع الاخطاء دي قبل ما نزل البوست ,وبالنسبه للخطأ بتاع ثواب فعم كيبورد هو المحقوق ممممممممم

بالنسبه لحكاية خروجها فانا مقلتش ان الوقت بالليل انا قلت الفجر , وفي بنات ومنهم كمان طلبه بيخرجوا بدري كده عشان كلياتهم بعيده اوي فلازم يخرجوا قبل الشمس ما تشرق , وانا كان ليا جيران ظروفهم كده برده

نورتني بجد يا قلب باشا

الفارس الملثم يقول...

مها..

نورتيني يا مها , وشهادتك دي اعتز بها كثيرا لكونها من كاتبه مبدعه مثلك

تحياتي دائما

الفارس الملثم يقول...

سنووايت


انا يمكن زي ما قلت في ردي لساره , انا متعمدتش ان البطل يكون مظلوم في اغلب قصصي بس لو ده شعورك فعلا فهو امر يجب الانتباه اليه

ان سعيد جدا ان القصه عجبتك لانك كاتبه متميزه فعلا ودايما بنتظر رايك

نورتي يا سنووايت

الفارس الملثم يقول...

Habiba.......

هههههههههههههههه

بداية انا مبسوط جدا انك رجعت للتدوين وانرجع نشوف تعليقاتك العسل دي ..

يبدو ان البنات كلها شايفه اني بجيب الابطال بتاعتي غلابه مممممممممم عم فرويد بيسمي ده اسقاط لا شعوري هههههههههههه

لا لازم اشوف ايه حكاية الموضوع ده مممممممممم

انا يمكن اسم نورا عجبني بس مفيش اسباب تانيه هههههههههههههههه

بجد سعيد بتعليقك يا حبيبه

الفارس الملثم يقول...

فارس بلا جواد..

ربنا يخليك يا فارس ده بس من ذوقك يا جميل

لو مش عجبك نسمي البطل محمود قول بس نغيره هههههههههه

نورتني يا باشا

الفارس الملثم يقول...

منى..

حقيقي يا مني دي مشكله بنشوفها فعلا , شخصيات بتتحول من النقيض للنقيض ,اكيد الانسان عشان يقدر يتعامل مع الاخرين لازم يوازن في مشاعره , لا يكون ملاك ولا شيطان يكون انسان يعمل الخير ووارد يعمل الشر لكنه بيتوب ويطلب الغفران علي اخطائه

نورتي بجد يا مني

الفارس الملثم يقول...

دعوة للأمل ..

ربنا يخليكي , انا سعيد ان القصه بجد عجبتك

منوراني دايما

الفارس الملثم يقول...

شهد الكلمات.....

هههههههههههههههههههه

والله دمك زي العسل يا شهد , ايون رقاصه وبترقص علي راي مسرحيه شاهد مشفش حاجه, واتخلي البنت تنحرف كمان ههههههههههههه

بصي انا رديت علي النقطه دي في ردي علي قلب مصري

بالنسبه لحكاية خروجها في بنات ومنهم كمان طلبه بيخرجوا بدري كده عشان كلياتهم بعيده اوي فلازم يخرجوا قبل الشمس ما تشرق , وانا كان ليا جيران ظروفهم كده برده

انا متشكر علي الكلام الجامد ده ودايما منوره المدونه بردودك العسل دي

تحياتي دائما

الفارس الملثم يقول...

زى الهوا..

انا سعيد جدا برايك , وان القصه تكون عجبتك فعلا ومتشكر علي كلامك الجميل ده

نورتيني بجد

الفارس الملثم يقول...

kochia..

انا متشكر علي كلامك الجميل ده يا كوشيا , وفعلا سعيد جدا برايك

متهيالي ان النمط بتاع محمود ده موجود كتير في الحياه

نورتي بجد يا كوشيا

محمد فاروق الشاذلى يقول...

يا باشا أنا متشكر على إهتمامك بالرد وكمان متشكر على توضيح حكاية خروجها بدرى قوى كده وإن كان من الممكن منعاً للشك ((زى شهد كده ما عملت)) إنك كنت توضح فى جملة واحدة سبب خروجها فمثلاً لما صاحبة مسكها فتقول ((تقع أوراق محاضراتها على الأرض وتعجز عن جمعها بسبب قبضة يده التى تحيط معصمها)) فنهم إنها خارجة بدرى للجامعة، لحسن الشيطان مسك دماغ الناس وهاتك يا زن على حكاية خروجها الفجر دى ههههههههههههه.
معلش طولت عليك، لكن والله بسعد بالمرور على مدونتك جداً وشكراً إن استحملتنى.

HeBa يقول...

طبعا كل الناس اللي قبلي عملت الواجب وزيادة

مشكلة الرد متأخر في موضوع أن كل اللي هتبقى عايز تقوله اتقال

بس أنا ليا تعليق بسيط

يمكن محمود فعلا شخص متردد وشخصيته ضعيفة ومبيخدش قرارات حاسمة في حياته

بس الكلام اللي قالته نورا عن أنه مبيخدش منها موقف ويصالحها ويعتذر لها حتى لو كانت غلطانة

هي اعتبرت ده ضعف وأنا مش شيفاه كده أوي

أنا شخصيا بعمل كده مع أصحابي ومش شايفة ده ضعف فيا ولا حاجة

يعني ساعات علشان المواضيع متكبرش او يحصل خلاف أو لأن الواحد بيكون خايف على زعل اللي بيحبهم بيعمل كده بس أكيد مش علشان هو ضعيف ولكن علشان هو بيراعي خاطر الناس دول

محمود بطل القصة فيه زيه شباب كتير وبنات كمان بيكون أهاليهم بيتحكموا بشكل كبير في حياتهم

الفكرة اللي اتكلمت عنها مهمة فعلا يا محمد

لأن فعلا تحكم الأهل بيخلي الأولاد ساعات يبقوا ضعاف الشخصية ومحاولة تمردهم على الوضع ده بتنتهي زي ما حصل مع محمود

بس عجبني أن أنت خليت اللي حصل ده زي مرحلة انتقالية هيتعلم بعدها ازاي يأخد قرارات صح تفيده وتفيد مستقبله

تحياتي ودمت مبدعا

نـــــور يقول...

ايه يامحمد ده
مين فرويد ده؟ ده ابن خالتك ولا ايه؟
وكماتن بيتكلم علينا ليه وبيجيب فى سيرتنا؟ اخس على كده ...اخس
وكمان بيقول اسقاط شعورى ؟
يعنى ايه اصلا وربنا مااعرف
المهم
من حسن حظى ياافندم انك بتحب اسم نورا ...... انت اللى منور ياقمر
سلااااام

السهم المكسور يقول...

أنا اشعر ان شخصيتك مهتزه ...
لا تستطيع ان تكون حاسم في قراراتك.

هي دي فعلا بداية اليأس والضياع لاي واحد في مكانه

البوست رائع

وما زال اسلوبك في السرد جميل

بس انا بقول لو هي بتحبه ماكنتش تجرحه كده


وانا لو في مكانه كنت هاتأثر اكتر

دمت اكثر ابداعا

Cold air يقول...

السلام عليكم

ازيك يا محمد و القصة المرة دي مضمونها غاية في الجمال و الروعة و بجد إستخدامك للطبيعة و الصور و التشبيهات كان رائع كالعاده و بالنسبة لأبطال القصة فكان نفسي تحدد الأعمار عشان أشوف ادامي فترة البعد
و أحاول أقرر علي اساسها

أه صحيح في مشكلة كبيرة و قعت فيها و انت بتكتب قصتك و للأسف مبيقعش فيها المبتدئين و مكنتش منتظر منك كده
لأنك مستخدمتش اللفظ المناسب في جملة معيه هي دي
........
أنا اشعر إن شخصيتك مهتزة ...لا تستطيع انك تكون حاسم في قراراتك
........
أنا بعتقد انك لو استخدمت كلمة حازم بدل من حاسم هتكون أحسن و أرق و ألطف و أظرف و أسعد و أشرف و محمد و بابا و ماما و كل الأهل و الأقارب

^_^ هه ^_^ هه ^_^

بس أنا لاحظت انك صححت الخطأ ده بعدين في جملة
.......
فكانت طبيعة والده الصارمه الحازمه
......
أيوه كده شايف المعني دقيق ازاي ^_^

مع تحياتي

الملاك يقول...

السلام عليكم ورحمة الله وبركاته
أخى الفارس أولا أحب أحيك على هذه القصه الرائعه فى محتواها وبجد الرساله الى انت عايز توصلها من خلالها واضحه جدا
أنا يمكن مليش فى النقد قوى بس بهتم جدا بمضومن الحاجه الى بقراها والرساله الى الكاتب بيبقى عايز يوصلها من خلال أعماله
انا الى استفده من القصه دى أن الانسان لما يتجرح واو حد يحاول يكسرة لازم يكون ده حافز له يدفعه للامام مش للسقوط
وللاسف أن البطل مقدرش يفهم كلام البطله كويس وبدل ما يثبتلها ان الخجل والهدوء وقلة الخبره فى الحياة مش ضعف لا اثبتلها فعلا انه ضعيف جدا
بس تعرف انا فرحت جدا بنهايه القصه الى أعلنت عن بداية انشاء جديد فهم معنى الضعف والقوة لانى مياله للنهايات السعيده أكتر بكتييييييييييييير من الحزينه
أخى تقبل فائق أحترامى وتقديرى
دمتم برعاية الله

عالم ماريونت يقول...

لا يا محمد انا مقلتش اني مليت خالص بالعكس انا قلت اني اصلا مش متعودة اقرا كتير كدة على الكمبيوتر عشان النظر وحكم السن برضة
ومع ذلك قصتك بجد شدتني وخلتني جبتها للاخر ودققت في الصور والتشبيهات والشخصيات وكل الكلام ده
فعلا عجبتني ولو مكنتش عجبتني مفيش حاجة تجبرني اني مقولش العكس
انت بتكتب هايل اوي ماشاء الله عليك استمر وربنا يوفقك
ودايما هكون في انتظار قصص تانية تتعب نظري تاني وتالت
رنا

الفارس الملثم يقول...

قلب مصرى

هههههههههههههههههههههه

ايون والشيطان شاطر , ماهي شهد حتي فكرت انها انحرفت هههههههههه

يا قلب باشا انت تنورني دايما , علي العكس ملاحظاتك افادتني جدا

مع خالص تحياتي

الفارس الملثم يقول...

Heba..

ازيك يا هبه , ايه اخبارك , حتي لو متاخره يا ستي فمجرد مرورك بيسعدني جدا ..

طبعا كونك بتتصرفي كده مع صحابك فده تصرف نبيل جدا منك لكن طبعا في ناس بتفهم النبل ده علي انه ضعف

بسعد دايما بمرورك وردودك المميزه يا هبه

نورتي بجد

الفارس الملثم يقول...

Habiba..

ايه ده انتي بجد اسمك نورا ولا ايه ..

علي فكره انا ليا بنت عم اسمها نورا برده بس هو فعلا من الاسماء اللي بحبها ..

امال اسم حبيبه ده اسم الشهره ولا ايه ممممممممممممممم

الفارس الملثم يقول...

السهم المكسور

انا سعيد جدا ان القصه عجبتك يا سهم , عندك حق فعلا ان كان اسلوبها في كثير من الفظاظه وجارح حتي لو كان هدفها نبيل

منورني دايما يا باشا

HANY YASSIN يقول...

السلام عليكم اخ محمد

دائما ما تلاحقه هذه العبارة , إحساس بالتوجس أصبح يراوده كلما نعته احدهم بها , فعادة ما يتبعها سلسلة من التنازلات من جانبه , لقد صارت مسوغ لسلسلة من الإساءات من جانب الآخرين عليه

للاسف انت على صواب هذه هي الحقيقة

تناولك للشخصية ومراحلها كان اكثر من رائع دون تطويل او مط

نصك يحمل معاني كثيرة عن طبيعية التفكير الشيطاني الذي يسود المجتمع
حياك الله
هاني يس

GiGi world يقول...

حلو قوي اللى رد وقال ليه نورا ماشيهلوقتى فى الشارع ياترى ليه
هذا السؤال نطرحه فى حديييييييييييييييييييث المتيييييييييييييييييينه المدينه يعني
المهمليا ملاحظه ربنا يخليك ابعد عن حكايه السجاير دي هى الحكايه ناقصه مش دايما اي قصه لازماعرف ان البيه بيشرب زفت بلاش تبقى اللى بتروج للحاجه دي
بس بجد قصه تحفه كالعاده
وياريت تقول لمحمود عليا بعد اذنك
بجد هو حد طيب جداااااااااااااااااااااااااااااااااااااااااااااااااااااااااااااااااااااا
بس فعلا شكلك انت اللى طيب وياريت حاول فعلا تكون كده بس فى نفس الوقت تكون شخصيه قويه

الفارس الملثم يقول...

Cold air..

بداية انا سعيد جدا ان القصه عجبتك ومتشكر جدا علي كلامك الجميل ده

بس يا راجل الهيصه دي كلها عشان عاوز اسمك يكون موجود ههههههههه

مش عارف يا حازم انا محستش ان في اختلاف كبير بين المعنيين وانا بكتب ويمكن يكون عندك حق فعلا

ببقي سعيد جدا بتعليقاتك يا حازم

نورتني يا باشا

الفارس الملثم يقول...

الملاك..

اهلا يا ملاك ,انا سعيد جدا ان القصه عجبتك ,وان محتواها ومضمونها عجبك بجد ..

وفعلا احيانا بنعمل تصرفات انفعاليه بنتصور فيها اننا اقوياء لكن هي في حقيقة الامر قمة

الضعف

حقيقي نورتيني بمرورك وتعليقك المتميز

الفارس الملثم يقول...

يوميات نائمة في الأرياف ..

انا فهمت فعلا قصدك وبجد سعدت انك محستيس بملل لان ده شئ بقلقني لما بكتب قصه خاصه لو طويله

بس ايه حكاية السن دي ,يبقي انا علي كده طلعت علي المعاش بقي ههههههههه

بجد سعدت جدا بمرورك وتعليقك

الفارس الملثم يقول...

HANY YASSIN..

ازيك يا هاني ..

انا بجد سعدت جدا بمرورك وتعليقك الجميل والممميز ده وكون القصه عجبتك حقيقي

نورت بجد يا باشا

الفارس الملثم يقول...

GiGi..

هههههههههههههه

اهلا اهلا يا جيجي

اول سؤال انا جاوبته مرتين في ردي علي قلب مصري وفي ردي علي شهد الكلمات ,ارجعي كام تعليق لورا هههههههههه

علي فكره انا كمان قصدت انها مش سجاير عاديه مممممممممم

بس ده لازم يا جيجي لاني بكلم عن شاب في مرحلة الضياع ,تفتكري مثلا ايكون ايه سلوكه ورغم كده انا اكتفيت بعباره لفافة تبغ غليظه القوام كاشارة تتفهم من خلال خيال القارئ

بسعد بجد دايما بمرورك وتعليقك يا جيجي

saragebaly يقول...

الفارس الملثم

ابدعت جدا هذه المرة

وفي نظري احسن من كل مرة

لا تعليق ...!!

تحياتي لقلمك المبدع وفكرك الواسع

دمت بكل الخير
سارة

نـــــور يقول...

بما انى بعزك فعلا فهقولك الحكاية
انا فعلا اسمى نورا وده توب سكرت فى التدوين واسم حبيبه ده اسم عزيز على قلبى جدااااا وبحب اتنادى بيه ومش بينادينى بيه غير ماما ونبينا حبيبتى وعلشان كده بموت فيه وهو جاى من وصفى بانى حنونه يعنى
اما باقى الناس بيقولولى يانور بس وده بجد بحبه
وبعدين بنت عمك اسمها نورا؟؟!!!
اتاريك بتضرب بيه المثل وبتحبه ياخويا ها؟؟ - وش بيغمز -
يالا ياسيدى ربنا ييسرلك
دمت بخير وخليها فى سرك بقى

الفارس الملثم يقول...

saragebaly..

ربنا يخليكي يا ساره , ان سعدت جدا ان القصه عجبتك

نورتي بجد

غير معرف يقول...

هههههههههههههههه

ربنا يخليكي يا حبيبه ,انا طبعا مش اقول الاسم التاني لانه سر وانا مش فتان ممممممم

لا يا ستي ولا غمز ولا حاجه ههههههههههه بنت عمي دي اكبرمني ومجوزه وعندها بنوتات زي العسل كمان ...

واسم حبيبه برده جميل وربنا يخليكي لباباكي ومامتك ولكل اللي بيحبوكي

إنتظارات شاهقة يقول...

دوما نحتاج نقاط تحول ايجابية فى حياتنا
و كثيرا تتوقف ايجابية التحول تبعا لتناولنا لتلك النقطة

فمن الممكن ان نصعد ومن الممكن ان نهبط

حتى نقاط التحول السوداء القاتمة والحزينة يمكنها ان تحول من يواجهها الى شخص متميز يملؤة الامل والنجاح والمثابرة

دوما تعقلنا يتيح لنا الكثير من التقدم

اما هى لم تخطأ حينما نعتتة بالمهزوز
فهو بالفعل كان مهزوز ولو لا ذلك ما وصل لحالتة السيئة

ولكنى ارى نقطة التحول الايجابية هنا لحظة قابلها تلك الليلة الاخيرة

نظر لحالة بتمعن اكثر ليعلم اين وصل
ليعود لبداية يستحقها


الاسلوب رائع كالعادة
والصور اكثر من رائعة

دام قلمك

Heart Rose يقول...

متى نزلت القصه .. ما شفتها للان

حقيقه بعد كل هذه التعليقات .. لا اعتقد ان تعليقي سيضفي شيئا .. الا ان اتعبك بالرد على تعليقي الذي سأكتبه الان


قصه ذات طعم اخر فهي ليست على نمط قصصك السابقه.. من نوع اخر .. ابدعت اختلافها و تسلسلت فيها
و لكنك مع ذلك لم تتخلى عن فكرة حبه الاول
و رؤيتها صدفة اعادت له الذكريات
رونق الحب الاول لا يختفي من قصصك و يضيف عليها جمال طابعك الخاص

((محمود , أنا لا يمكنني أن أنكر إني أشعر تجاهك بمشاعر جميلة ...أنت إنسان طيب ...وحساس ..
ثم صمتت للحظات ...

لكن .. أنا اشعر إن شخصيتك مهتزة ...لا تستطيع انك تكون حاسم في قراراتك , دائما متردد , أحيانا حتى عندما أكون أنا المخطئة وأتسبب في مضايقتك لا تحاول حتى انك تظهر غضبك مني بل وتقوم بالاعتذار بدلا من إن تعاتبني ..)) برأيي ان لها كل الحق فيما قالته .. و اتفق معها .. لكنها ان كانت تعرفه حقا .. كانت ستوجه له الكلام و لكن برقه اكثر مراعاة له و لحساسيته المعقوله ازاء ضعفه .. لتخلف اقل وطئه ممكنه دون ان تجرحه .. و انما فقط لتلفت انتباهه (ليست الا مداخله تخيليه)

سقوطه كان مؤلما .. الهاويه كانت ملجأأً له .. و به شعر بوحدتة و سوء السقطه .. التي اوجعته اكثر حتى من مسبب هذه السقطه

من حسن الحظ .. ان هنالك أمل في الحياة .. ما دمنا نتنفس

و ان طريق الرجوع للصواب دوما مفتوح .. و ان كان وعرا

استمتعت بالنص ..

كاتب مبدع انت يا محمد

كنت و لا تزال ماهرأً في تمثيل الاحاسيس و تجسيمها و صبها على الورق

فنقرأها نحن و تصل الى قلوبنا لتداعب مشاعرنا فـنتأثر بها ..

رائع جدا

انتظر بفاااااااااارغ الصبر قصتك التاليه .. او اي كان ما تكتبه يمناك
ادام الله ثرثرتك تحت المطر
و دمت مطرا

آخر العنقود يقول...

احم احم
طيب انا هحاول اعلق بردوا بعد كل الكلام الجميل اللى اتقال ده

بصراحة بقى انا قريت البوست ده يوم ما نزل بس فعلا عجزت انى اعلق عليه وعلى جمال معناه وهدفه وواقعيته

كتير قوى يامحمد بنكون عاوزين نعالج ضشئ معين او على الاقل نستفسر ونعرف ايه سبب الحالة دى
فللاسف بنلاقى نفسنا بدل ما بنعالجها او بدل ما نحاول نفهمها
نبوظها على الاخر
يعنى ممكن تكون نورا دى قصدها فعلا توجهه ونفسها يكون الافضل
وممكن بردوا تكون شايفاه ضعف شخصية وده مجرد توجيه منها وبس
بس الاكييييد ان اسلوب العرض نفسه هوه اللى غلط حتى ولو حست بعد كده انها فعلا بتحبه وغلطت فى حقه
لكن اكبر غلطة عملتها انها فعلا قالت فكرتها بالاسلوب ده وعالجته باسلوب غلط
وهوه ااعتقد ان رد فعله ده طبيعى جداااااا خصوصا لو كان ده مش طبيعته اصلا وكان مجرد تعامل خاص منه ليها
يبقى هيا وقتها اللى مش قدرت تفهمه او انها تفرق بين محمود وبين الشخص اللى بيحبها

يااااارب اكون قدرت اوصل فكرتى او انى اكون قدرت اضيف جديد لانى طبعا عارفة انى متاخرة
بس اعمل ايه طبببببعا مش ينفع ابدا اعدي بوست ومش اعلق عليه
ومش محتاج انى اقول ان ماشاء الله عليك فى اسولب عرضك وافكارك الواقعية اللى بجد موجودة حوالينا وبدأنا نشوفها كتير

دمت مبدعا ومتميزا
تحياتى وتقديري

momken يقول...

اه محمود

اعتقد ان كلنا محمود
والجميع متعاطف مع محمود لانه يحمل بعض من الشخصيه الحقيقيه لنا جميعا

جميل او البوست ده
تسلم ايدك
تحياتى

نونو يقول...

بجد تشبيهاتك حلوة وعجبتنى جداااااا
ربنا معاك فية جدييد دائماا
دومت مبدعاااااا

سارة علي يقول...

محمد
انا غيرت التمبيلت تانى عجبنى واحد وغيرت كل حاجة وظبطت الخط بتاعة
عاوزين نعمل كونترول للنشر عشان كل بوست ياخد حقة فى القراية
بقولك كمان لوتعرف تعملنا لوجو للمدونة يا ريت عاوزين لوجو يناسب نور الجنة
قولى رايك فى المدونة
تحياتى

Rania Lelah يقول...

ديما وصفك التفصيلى للبيئة المحيطة بيخلى القصه رائعه الجمال لانها بتاخدنا الى عالم القصه نفسها و بنعيش اكننا فى نفس المكان

ابدعت كالعاده صديقى

الفارس الملثم يقول...

احلام اليقظة..

بالفعل يا احلام نقطة التحول منعطف خطير في حياة الكثيرين , قد تحول حياة البعض من النقيض للنقيض ..

لكن تكون طبيعة الشخصيه مؤثر حاسم في التحول

انا سعيد جدا برايك يا احلام , ومنوراني كده دايما

الفارس الملثم يقول...

Heart Rose..

حقيقه بعد كل هذه التعليقات .. لا اعتقد ان تعليقي سيضفي شيئا .. الا ان اتعبك بالرد على تعليقي الذي سأكتبه الان

يا سلام , بداية انا انتظر ردك بشغف لانه يحمل طبيعة احساسك المرهف ودائما يكون رؤيتك للقصه من زاويه خاصه استكشفها معك ..

حقيقي كلماتك دوما تمنحني اكثر مما استحق لكني احتاجها لاتاكد ان مستواي في تحسن ام لا ..

نورتي بجد يا روز ودام وجودك مطرا

الفارس الملثم يقول...

آخر العنقود..

بس اعمل ايه طبببببعا مش ينفع ابدا اعدي بوست ومش اعلق عليه


مممممممممم انتي كنتي بتشاوري عقلك متعلقيش كمان, مش التاخير بس

حقيقي يا اماني انتي من اوائل الناس اللي بنتظر رايها باهتمام , وميفعش متعلقيش سواء القصه عجبتك او معجبتكيش ,يمكن بقول مينفعش لان التواصل بين مدونتي ومدونتك اوجد صداقه غير تقليديه علي مستوي المشاركه بالراي والتعليق اتمني ان تستمر ..

دام وجودك وتواصلك يا اماني

الفارس الملثم يقول...

momken..

كلامك صح فعلا , وانا سعيد جدا ان القصه عجبتك

نورتني يا باشا

الفارس الملثم يقول...

نونو..

حضرتك اللي نورتيني , وانا سعيد بجد ان القصه عجبتك

نورتيني يا نونو

الفارس الملثم يقول...

سارة علي..

انا رديت هناك في مدونتك التانيه يوميات سوسه ...

الفارس الملثم يقول...

Rania..

ربنا يخليكي يا رانيا , دايما ببقي سعيد بمرورك وان اعرف رايك فيما اكتب

نورتي بجد

شق القمر يقول...

الله الله الله
بسم الله ما شاء الله
أنا قلت ياااه دا كله
بس مجرد أن بدات ما أردت لها أن تنتهى
كم جميل أسلوبك
وكم هى مؤلمة قصتك
وكم لمست طرفا من الواقع أيضا رأيته فى بعض من قابلت
أعاتب عليه جنونه
وأعاتب عليها تمسكها بحبها رغم أنها تعلم أنها لا تستطيع أن تغير طباعا ترسخت بإنسان إلا وستترك غصة فى نفس هذا الإنسان
بقالى كتير مش جيت هنا
لكن الدخول فى عالمك يمتعنى شخصيا ولا يعفينى الخروج
تسلم على اخراجك بديع موهبتك هنا
وعدم اكتنازها لنفسك كما يفعل الكثير
شكرا جزيلاااااا :)

الفارس الملثم يقول...

شق القمر..

حقيقي انا سعيد جدا بكلامك وان القصه فعلا عجبتك , وانا من خلال زيارتي لمدونتك وجدت انك كاتبه مميزه جدا,لذا فرايك اعتز به كثيرا

نورتي بجد

نـــــور يقول...

اخس عليك يامحمد
انت قافل التعليقات على البوست الجديد ليه؟
طب لو انت منقطع عن التدوين ده من حقك حتى لو كان ضد رغبتنا انما ليه تحرمنا من اننا نتكلم معاك
عموما يارب تبقى بخير دايما وماتطولش الغياب
دمت بكل خير

Blue Nile يقول...

ازيك يا محمد
انا بعتذر عشان مقرتش البوست الاخير لظروفي الصعبة والله
اعتقد انا الوحيدة اللي هبقى مبسوطة لانك هتاخد اجازة عشان مينزلش بوست تاني وانا ومش موجودة والله زعلت اوي ان البوست فاتني
عالعموم ترجع بالسلامة عشان تمتعنا بقصصك الرائعة

شهد الكلمات يقول...

بما انك مش فاتح خاصية التعليق ع البوست الاخير فانا اتصرفت و ها علق هنا مافيش مشكلة عندي خالص انا رخمة هههههههه

اية يا باشا اهم حاجة تكون ما فيش مشكلة عندك و تكون بخير

و طبعا اضيق تعليقات ع المدونات لازم تكون مدونتي نطة في وسطيهم هة ممممممممممم

يالا اجازة سعيدة

تحياتي

مجداوية يقول...

السلام عليكم
يعنى اذا حضرت الملائكة ذهبت الملائكة التانيين الأحسن من الأولانيين

هى عدوى ولا ايه ؟؟ بس انت كده صح لازم الواحد يوقف العجلة ويبص على اللى فات ويفكر فى الجاى عين العقل بس مطولش الأجازة ورتب أوراقك بما يرضي الله أولا وبما يرضيك والناس خليهم آخر بند

ترجع بالسلامة أيها الفارس المبدع
وسلام الله عليك ورحمته وبركاته

نـــــور يقول...

محمد ياجميل عايزة اقولك ان ماليش دعوة انا نزلت بوست جديد وهو التاج اللى انت اهديته ليا
حتى لو كنت فى اجازه من التدوين مش هسمحلك انك ماتعلقش عليه ماشى ؟ مممممممممممممم
يلا مستنياك

سلام

HeBa يقول...

أتمنى أن سبب التوقف يكون خير وميكونش فيه مشاكل أو حاجة وحشة لا قدر الله

يارب تكون أجازة مؤقتة سعيدة

ونشوف بوستات حلوة ومتميزة هنا من تاني

مها يقول...

محمد

غالباً قرار التوقف عن التدوين لفترة بيكون مرتبط ب...........


دامت أيامك سعيدة ومبهجة ومسكونة بالحب والأمل والتفاؤل

فارس بلا جواد يقول...

أزيك يا محمد يا رب تكون بخير
وان شاء الله ترجع بسرعة ومعاك الجديد من ابداعك
بالنسبة للقصة بصراحة عجبتني جدا .. برغم من اختلاف وجهات النظر حول شخصية البطل هل هو ضعيف أو مهزوز أو أنطوائي .. لكن اسلوب العرض كان ممتاز جدا وحسيت انك وصلت ليا معني في الاخر وتركت كل شخص يشوف البطل بوجهة نظره
عجبني انك بدأت بالمشهد اللي في الأول ثم اعتمدت علي الفلاش باك وتذكر البطل لاحداث الماضي .. وانا بالاحظ انك بتستخدم الأسلوب ده أكتر من مرة بس كنت موفق فيه جدا
دام ابداعك وتحياتي

منى يقول...

اخى
كيف حالك؟
ادعو الله ان تكون بخير
الم تنتهى الاجازه بعد؟؟؟
تحياتى

بنات صاحبة الجلالة يقول...

بصراحة قصة هايلة تسلم ايديك يامحمد بيعجبني اكتر حاجة الصور اللي بتنزلها مع كل بوست متماشية مع البوست بشكل خرافي بس تفتكر محمود قرر فعلا انه يرفض الخضوع ويعلن اعتماده علي نفسه في اي قرار ولا كان مجرد حالة وقتية تعبيرا عن غضبه فقط

وبعدين اية يابني صحيح طولت الغياب كدا لية ابقا طمنا عليك ايها الفارس الرائع وكل سنة وانت بخير يارب

تحياتنا

الفارس الملثم يقول...

Habiba..

ازيك يا حبيبه

متشكر اوي لسؤالك , ودايما كده منوراني

تحياتي دائما

الفارس الملثم يقول...

Blue Nile..

ازيك يا بلو , الف سلامه عليكي , ان شاء الله تكوني احسن دلوقتي

مع خالص تحياتي

الفارس الملثم يقول...

شهد الكلمات..

ازيك يا شهد

طبعا دي عشرة مدونات وعيش وملح وتعليقات

متشكر اوي لسؤالك يا شهد ودايما كده منوراني

الفارس الملثم يقول...

مجداوية..

اهلا اهلا بالسيده مجداويه , وانا بقول ايه النور ده كله ..

متشكر اوي لسؤالك واتمني تكون بخير وفي احسن صحه

تحياتي وتقديري

الفارس الملثم يقول...

Heba..

لا مفيش اي شئ سئ ان شاء الله , الحمدلله علي كل حال ..

انا متشكر اوي لسؤالك وذوقك واتمني انتي كمان تكوني في احسن حال

تحياتي دائما

الفارس الملثم يقول...

مها ..

مرتبطه بايه المعني في قلب الشاعر ممممممممممممممممم

متشكر اوي لسؤالك وذوقك يا مها

مع خالص تحياتي

الفارس الملثم يقول...

فارس بلا جواد..

ربنا يخليك يا فارس . ده بس من ذوقك

وانا سعيد جدا بسؤالك وايضا ان القصه عجبتك

دايما كده منورني يا باشا

الفارس الملثم يقول...

منى ..

ازيك يا مني , اتمني تكون بخير دايما

يعني هو انا رجعت اتابع المدونات تاني بس لسه مفكرتش انزل بوست جديد اليومين
دول

متشكر اوي لسؤالك يا مني

الفارس الملثم يقول...

بنات صاحبة الجلالة..

ايه تحياتنا يعني ده تعليق جماعي ممممممم

يعني انا اتكلم بصيغة المخاطب الجمع زي ما خدنا في المدرسه ههههههههه

انا بجد سعيد ان القصه عجبتك ومتشكر اوي لذوقك وسؤالك

تحياتي ومودتي

مها يقول...

مش مهم مرتبطة بإيه..
المهم إنك تحت المطر أخيراً
خدنا جنبك بقا......

الفارس الملثم يقول...

مها..

اهلا بيكي يا مها تحت المطر , بس ابقي البسي المعطف بتاعك عشان المدونه بتسقع بالليل

HeBa يقول...

حمد الله على السلامة

الفارس الملثم يقول...

Heba.

متشكر اوي لذوقك يا هبه

كل سنه وانتي طيبه

Unknown يقول...

السلام عليكم ورحمة الله وبركاته
وصباح الخير والفل عليك
يامحمد ياصاحبى
ومعلش ان انا بكتب هنا
لانك قافل التعليق
فى اخر بوست بس برضه
احنا ناس (تلمين شوية)
لفنا من الشباك
كل يوم وسنه وانت
طيب يارب ويهدى
لك الحال كله
يامحمد
ياصاحبى

الفارس الملثم يقول...

norahaty ..

ازيك يا دكتوره عامله ايه , طبعا انتي تنوريني في اي وقت , ومتكر اوي لسؤالك

كل سنه وانتي طيبه

تحياتي دائما

Unknown يقول...

السلام عليكم ورحمة الله وبركاته
انا اللى متشكرة يامحمد
كلامك ونصايحك وصداقتك
واللى بعتز بيهم كلهم
وبحمد ربنا انى عرفت النت
والكومبو لاجل عرفت ناس
كويسين مثلك
يامحمد
ياصاحبى

Unknown يقول...
أزال المؤلف هذا التعليق.
الفارس الملثم يقول...

norahaty..

ربنا يخليكي يا دكتوره , وده اكيد برده نفسي شعوري , وانتي صديقه بعزها وبحترمها كثيرا

تحياتي وتقديري

عبــــــــــث يقول...

الفارس الملثم

رائع ما خطه قلمك

لوحة فنية شاملة للتشبيهات والشخصيات المتفاعلة مع الاحداث

أسلوب وسرد قصصي لا يسعني أن أصفه برائع ، فهو أروع من الروعة ذاتها

أفكار وأحداث واقعية تنم عن تجربة في الحياة لا باس بها

أعجبني استخدامك لكثير من العبارات التي تدل على غموض الحدث واقعيته كذلك

ملاحظة : لاحظت ومن خلال قراءة ما تكتب تكرارك لكلمة عبـــث ، عبثي ، العابثة ، فشدني ذلك لانك وكما ترى ، اسمي عبــــث

تحيتي لك

تقبل مروري

عبث

الفارس المثالي يقول...

شركة المثالية للتنظيف
شركة المثالية للتنظيف بالدمام
شركة المثالية للتنظيف بالخبر
شركة المثالية للتنظيف بالقطيف
شركة المثالية للتنظيف بالجبيل
شركة المثالية للتنظيف بالاحساء

المثالية للتنظيف سيهات
المثالية للتنظيف الاحساء
شركة المثالية للتنظيف الاحساء

users online