الأحد، 7 سبتمبر 2008

النهارده ممممممممممم

النهارده من 28 سنه حدث شئ تاريخي , هو اينعم لسه محدش سجله في الوثائق التاريخيه لتاريخ مصر , بس دي اتكون ان شاء الله مهمة الاجيال القادمه , شكلكم لسه مش واخدين بالكم مممممممم , النهارده يا جماعه من 28 سنه اتولدت يييييييييييييييييييي , في ناس بتحدف طوب , ليه بس دانا كنت عزمكم علي بوفيه جامد اتفضلوا ومحدش يفكر يعترض , باب المدونه خلاص اتقفل

From rain 2


From rain 2


From rain 2


انا عارف دي حلويات شرقيه بس احنا في رمضان , والواحد قال توفيرا للنفقات الم القطايف والجلاش والكنافه اللي عند الجيران واعمل بيها الحفله والجيش بيقلك اتصرف ...

استنوا بقي في كلمتين نكد لازم انكد بيها علييكم , انا عادة عمري ما اهتميت اني احتفل بعيد ميلادي يمكن لان والدي من اصول ريفيه والحاجات دي مش معروفه عندهم اصلا , وانا برده بشوف انه يوم ميستحقش الاحتفال بيه , ليه بقي , طبعا السبب في قلب الشاعر ...

في حاجه اخيره احب اقولها , مهما كان بعضنا مش بيهتم بالاحتفال باليوم ده , لكن كلمة كل سنه وانت طيب من حد تحس انها طالعه من قلبه بتبقي ليها تاثير رائع جواك لا يمكن وصفه

السنه دي مفيش شئ اختلف في حياتي غير اني عرفت حد جميل اوي اوي ووصلتني منه اجمل رساله حد بعتهالي , عشان كده بقوله شكرا اوي اوي

هناك 86 تعليقًا:

نـــــور يقول...

انا اول تعليق
ياسلام
كل م ادخل المدونه واقول محمد سايب التراب عالمدونه كده ليه؟؟

اتاريه محضرلنا مفاجأه !!!!!!!!

مش اى مفاجاه
دى عيد ميلادك
مبسطه انى اكون اول حد ييقولك من البلوجاريه كل سنه انت طيب يااجمل فارس فى الدنيا

هنيالك الحد الجميل ياعمنا - وش بيغمز-

طب مش كنت تقولنا من زمان علشان نفرح معاك

ربنا يسعد قلبك يامحمد يارب

كل سنه وانت بكل خير ومعانا يافارس ياهمام
ياعسل

نـــــور يقول...

اه
نسيت اقولك
عقبال 100 سنه وانت معانا يارب

سنووايت يقول...

كل سنة وانت طيب وبخير وجميل اوي انه جاي السنة دي في رمضان
ويارب السنة دي تبقي اجمل من اللي قبلها وتكون كلها مفاجأت حلوة من القدر
مش هاقولك عقبال مليون سنة بس عقبال مليون لحظة سعيدة تعيشها بجد من قلبك في حياتك

فارس بلا جواد يقول...

كل سنه وانت طيب
تحياتى

yoyo يقول...

كل سنة وانت طيب يا محمد

يارب عقبال 100 مليون سنة يارب

والسنة الجاية ان شاء الله تحقق كل الا تتمناه ان شاء الله

طبعا دا يوم تاريخى بقى يل سلام على التواضع بتاعك يا اخى مش عاوز تقول انه مسجل فى التاريخ دا كلام فى اخر صفحة على ايدك الشمين كدا هههههههههههههههه

كل سنة وانت طيب وبالف خير يارب

وبالنسبة للعزومة اهى تمشى حلويات شرقية شرقية ما علينا

الله يسهله يا عم (حد جميل اوى اوى ) مش بحسد مش تخاف بقر بس مع شوية نق صغننين كدا على الماشى ههههههههههههههههههه

كل سنة وانت طيب ويارب دايما منور مدونتك ومنور كل المدونات

تحياتى
يويو

الملاك يقول...

السلام عليكم ورحمة الله وبركاته
أخى الفارس الملثم كل عام وانت بخير وسعاده وتحيا فى رضى الله وقربه

بجد انا زعلانه قوى من نفسى لانى لم ألاحظ هذا البوست الا منذ قليل على الرغم من وضعى لرابط المدونه حتى اتفادى ما حدث من قبل ويعلم الله ان هذا بسبب أنشغالى فقط هذه الايام بمدونة نور الجنه فانا الان أمر بمدونتى فقط لادخل نور الجنه فنادرا ما ألاحظ فيها شئ جديد ولكن عندما نويت وضع موضوع عندى اليوم كنت قد تردد فى وضعه كثيرا لاحظت بوستك هذا الذى يعلم الله كم سعد به وبهذه المناسبه الرائعه

أخى اتمنى من الله أن يطيل عمرك فى ظل رضاه وحبه وان يستخدمك دائما لصالح أمتنا الحبيبه
بارك الله فيك أخى ولك وعليك

دمت برعاية الله وحفظه

مها يقول...

HaPpY BiRtHdAy To YoU

كل سنة وانت طيب
كل سنة وكل احلامك وامنياتك متحققة

شق القمر يقول...

في حاجه اخيره احب اقولها , مهما كان بعضنا مش بيهتم بالاحتفال باليوم ده , لكن كلمة كل سنه وانت طيب من حد تحس انها طالعه من قلبه بتبقي ليها تاثير رائع جواك لا يمكن وصفه



كل سنة وحضرتك طييييييييب
وبألف خير وعافية وسعادة


جميل جدا انه فى شهر كريم
ربنا يجعله من أسعد أيام حضرتك


ادعيلى أخلص امتحانات خلونا نتابع جميل ابداعاتكم
الواحد خلاااااااااص

الحمد لله
المهم ان كل الحلويات بالقشدة
عز الطلب فى الأيام دى الصراحة

لكن ايه سر القشدة عند حضرتك ؟؟

:))

أكيد هو الأصل الريفى

وحشتنا القشدة عندنا فى الريف والله
:))

عام سعيد جديد مبارك عليك وكل أهلك :)

محمد فاروق الشاذلى يقول...

كل سنة وانت طيب يا محمد وعقبال ما نقول مبروك الجواز بس أوعى تنسى تعزمنا.

د/اجدع بنوته يقول...

كل سنه وانت طيب

العمر كله ف سعاده وعباده يارب

بس 28 دول كتير اوى

هههههههههههههههه

كنت فكراك اصغر م كده بمراحل

يلا ربنا يقويك يارب والسنه الجايه

مش تعرف حد بس

تعرف حدود كويسين جدا

فارس بلا جواد يقول...

كل سنة وانت طيب يا محمد
بس ليه التكاليف دي كلها .. الكنافة شكلها يجنن بجد بس معلش بقي الواحد صايم .. هابقي ادخل تاني بعد الفطار بس يا رب الحق حاجه
معاك حق فعلا .. لما تسمع جملة كل سنة وانت طيب بيكون ليها تأثير جميل في النفس .. واجمل مشاركة لما تكون من زوار مدونتك اللي بيحبوا يتابعوك دايما ويقروا اعمالك
ان شاء الله السنة الجاية يكون الحد جميل اللي قولت عليه ده بيحتفل معاك مش بيبعت رسالة بس

منى يقول...

كل سنه وانت طيب فى ميعادها المره دى
وبمناسبه الكرم الحاتمى فى عيد ميلادك
ممكن اسال سؤال
اصلى بصراحه عندى فضول لغوى فظيع
حرف الالف اللى بتستعمله بدل هاء المستقبل
زى كلمه انعرف بدل هنعرف مثلا
اصلها ايه او اى بلد يعنى ؟كنت فاكراها صعيدى
بس يبدو غلط

خلاص عمك جوجل سجل اليوم ده رسميا ابسط بقى
تحياتى

Unknown يقول...

كل لحظة وانت بالف خير يامحمد كده الفخبر خلانى نسيت الاصول ودخلت كده من غير احم ولا استئذان
احم احم احم احم
كل لحظة وانت بألف خير
يامحمد يامحمد يامحمد يامحمد
ياصاحبى ياصاحبى ياصاحبى ياصاحبى
ويارب ربنا يعطيك على قد قلبك
الطيب يامحمد ويريح بالك ويخليلك كل احبابك الماضيين والمضارعيين والمسقبليين
والحمد لله ان انت ما قلتش لنا قبلها كده ما جبناش لا تورته ولا دياولوا بس
انا عايزة اعرف ايه العثمانليه دى
فاكهة دى يامحمد؟
كل كل كل كل كل كل كل كل
لحظة وانت بالف الف الف خير

شهد الكلمات يقول...

اية ده انت بتغيظنا يعني ولا اية عشان صايمين ماشي يا بني ادمين

كل سنة و انت طيب يا محمد و عقبال مليون سنة

بس هو مين اللي بعتلك الرسالة مممممممم

تحياتي

غير معرف يقول...

الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف
مــــــــــــــبـــــــروكـــــــ


رمضان و ميلادك و يوم احد
و بشهر تسعه كمان
لالالالالالالا
المفرووووض نعملك ذبايح و عزايم و حفله و سهره للصبح
بس لانك فاجاتني فهذي الكيكه المتواضعه هو اللي قدرت اعمله

http://lifeisonebigstage.files.wordpress.com/2008/06/cheese-cake.jpg

^_^

كل عام و انت بخير
عقبال 100 سنة مليئه بالفرح و الانجازات و تحقيق الامنيات و تكون كاتب أد الدنيا
كل عام و انت الى الله اقرب


الله يحفظك

** على فكره انا زعلانه

بنات صاحبة الجلالة يقول...

كل سنة وانت طيب يامحمد ايها الفارس الرومانسي عقبال لما تكمل مائة سنة وبعدين اية الحلويات دي مفيهش ولا واحدة فيهم باكلها انا عايزة اكلير لو سمحت تقولي مفيش في رمضان مليش دعوة دا أول عيد ميلاد واحنا معاك رخامه بقا والبتاع العلثمانية بيني وبينك انا قريتها في الاول عسليةهههههههه كل سنة وانت علي طاعه الله وبرضاك لربك وبرك باهلك

اخر حاجة بقا مين اللي بعتلك رسالة وبتقوله شكرا اوي اوي احم احم حب فضول صحفي بس مش اكتر ههههههههه

ربنا يحلي ايامك

وبعدين صحيح علشان انت أكبر بسنتين تقولي ياطنط هههههههههه

خالص تحياتي

اختك الصغنونة

ريمو قلب الاسد قصدي التورتة

سلاموز

kochia يقول...

كل سنة وانت طيب
علي فكرة سن 28 ده سن مميز اوي
تحس كدة انك خرجت من مرحلة وداخل علي مرحلة
اتمني انك تكون منظم حياتك وتسعد بيها ان شاء الله

تحياتي

Unknown يقول...

الاستاذ المبجل الفارس الملثم
ايه الاخبار و عامل ايه
معلش يقالى فتره مش متابعك بس ولاهى غصب عنى
و عايز اقولك و من قلبى كل سنه و انتا طيب و سفره دايمه

تحياتى....كريم

عالم ماريونت يقول...

اية الكرم ده كلة؟
مقدرش على الحلويات دي كلها
كل سنة وانت طيب
ويارب الحد اللي قلت علية ده يكون من نصيبك السنة الجاية
وتحتفلو سوا بعيد ميلادك
وتحقق كل اللي تتمناه
اختك رنا

عبــــــــــث يقول...

الفارس الملثم

كل عام وأنت بألف خير يا رب وعقبال 120 سنه

بيكفوك ولا بدك كمان

على حسابك

دي مش أول زيارة لمدونتك ، أنا تركت تعليق أبديت فيه إعجابي الشديد بالمدونة في البوست السابق " موعد مع القدر "

حقا مدونه لا تكفيها كلمة رانعة بل هي أروع من ذلك

كن بخير

تقبل مروري

مودتي

عبـــث

Blue Nile يقول...

كل سنة وانت طيب وبخير
وربنا يحققلك كل اللي تتمناه يارب
وعقبال 100 سنة

blue-wave يقول...

كل سنه وانت طيب يا باشا
والنبى حته من الكنافه اللى فوق دى
ممكن؟

غير معرف يقول...

كل سنه وانت طيب يامحمد
مفيش حاجه حادقه كله
مسكر كده أكل أنا ايه
دلوقتي..؟؟
صحيح
مين الحد الجميل ده..؟؟

Unknown يقول...

كل سنة وانت بالف خير
وان شاء الله تكون سنة جميلة تحقق فيها كل ما تمنيتة

HANY YASSIN يقول...

كل سنة وانت طيب
يبختك عيد ميلادك في رمضان
عقبالي
ان شاء الله تتم 29 وانت محقق كل اللى تتمناه
ربنا معاك
هاني يس

آخر العنقود يقول...

كل سنة سنة وانت على خير وطاعة
ويارب السنة دى تكون سنة اجمل ليك وعليك ولكل حبايبك وتحقق فيها كل ماتتمنى وزيادة
كل التقدير والاحترام

غير معرف يقول...

كل عام وانت الى الله اقرب
نفس يوم ميلاد اخى
بس لازم تنوى ان يكون فى حاجة مختلفة السنة دى
باذن الله

كل التحية

Unknown يقول...

كل سنة وأنت طيب يامحمد وعقبال 29 سنة
انا اعتذر عن الغياب الطويل ده وان شاء الله فى شوية تغيرات فى حياتى ووقفات هعملها اليومين دول
بجد بحب مدونتك وكتاباتك وقصصك جدا جدا وبرشحها لاى حد عاوز يقرأ قصص قصيرة بجد
تحياتى وكل سنة وأنت طيب مرة تانية

arsenalwy يقول...

كل سنة وانت طيب يافارس

حلو لما تكون اول زيارة ليا فى مناسبة زى دى

HeBa يقول...

كل سنة وأنت طيب يا محمد

وإن شاء الله السنة الجاية تكون سنة سعيدة عليك وتحقق فيها كل اللي بتتمناه

عيد ميلاد سعيد

إنتظارات شاهقة يقول...

كل سنة وانت بألف خير
عيد ميلاد سعيد
happy birthday
ويا رب السنة الجاية تحقق كل احلامك

واحلى حاجة حصلت من 28 سنة ان ربنا رزق اسرتك بيك
وكمان رزق عالم التدوين بيك

ربنا يسعدك

دومت بخير

الفارس الملثم يقول...

Habiba ..

ربنا يخليكي يا حبيبه وده العشم برده.اتمني تكون الحلويات عجبتك , بس هي فين بقي الهديه بتاعتي ممممممممممممم

نورتي بجد يا حبيبه

الفارس الملثم يقول...

سنووايت.

ربنا يخليكي يا سنووايت ومتشكر اوي لكلامك الجميل

نورتي بجد

الفارس الملثم يقول...

فارس بلا جواد

وانت طيب يا فارس

نورتني

الفارس الملثم يقول...

yoyo ..

هههههههههههه

ربنا يخليكي يا يويو .. اوعي تكون الحلويات مش عجباكي مممممممم

ايه ده هي وصلت للنق مكنش العشم ,طبعا برده مش اقولك الحد الجميل ده مين هههههههههه

نورتيني بجد

الفارس الملثم يقول...

الملاك..

ربنا يخليكي يا ملاك , دايما حرجاني بذوقك , انا متشكر اوي لكلامك الجميل ده ..

نورتيني بجد

الفارس الملثم يقول...

مها..

وانتي طيبه يا مها . ودايما كده منوراني

مع خالص تحياتي

الفارس الملثم يقول...

شق القمر

هههههههههههههه

ربنا يخليكي , انتي عندك اي اعتراض علي القشده ولا ايه

ربنا يعينك علي الامتحانات .بس هو في امتحانات اليومين دول ممممممممم

نورتيني بجد يا شق القمر

الفارس الملثم يقول...

قلب مصرى..

ربنا يخليك يا قلب باشا , ما هو ده العشم برده

منورني دايما

صاحب المضيفة يقول...

كل عام وانت لى الله اقرب وعلى طاعته ادوم


كل عام وانت بخير وعافية وسعادة في الدارين يارب



تحياتي

الفارس الملثم يقول...

د/اجدع بنوته..

يا سلام , ماشي يا ستي , اهي كلها سنتين ونطلع معاش هههههههههههه

نورتيني يا فندم ويكتر الحدود الجميله في حياتك

الفارس الملثم يقول...

فارس بلا جواد..

ربنا يخليك يا فارس , متقلقش احنا شيلنك نصيبك

نورتني بجد يا فارس

الفارس الملثم يقول...

منى..

ههههههههه يا سلام يا ست مني ..مانا برده عندي عرق صعيدي , تبقي ادورلك عن اصل الكلمه واقولك

منوراني دايما يا مني

الفارس الملثم يقول...

norahaty

ربنا يخليكي يا دكتوره ,كفايه انك نورتيني ,بس طبعا مستني الهديه ممممممممم, بيني وبينك انا معرفش العثمنليه دي ايه برده ههههههههههه

دايما منوراني يا دكتوره وان شاء الله تكوني في خير صحه وفي احسن حال

الفارس الملثم يقول...

شهد الكلمات..

ربنا يخليكي يا شهد , لا حضرتك ممكن تيجي بعد الفطار وانشيلك منابك متقلقيش

نورتيني يا شهد

الفارس الملثم يقول...

روز..

ربنا يخليكي يا روز , والف شكر علي الكيكه الجميله دي .. بس صح انتي زعلانه من ايه .. علي فكره انا كنت شيلك نصيبك من الحلويات ,انا مش ممكن انساكي

نورتي بجد يا روز

الفارس الملثم يقول...

بنات صاحبة الجلالة...

ههههههههههه ايه ده مش عجبك الحلويات الجميله دي , انا اينعم معرفش ايه العثمنليه دي بس شكلها عجبني ..

يا سلام يعني انا اكبر منك واقللك يا طنط , معقداني بسنك ده , هو من الاسرار الصحفيه ولا ايه ..

قليلي سنك كام بالظبط وانا برده مش اقولك مين الحد الجميل ده ههههههههه

نورتي بجد يا ريمو

الفارس الملثم يقول...

kochia..

اشمعنا 28 يعني , ولا فرقت معانا خالص هههههههههه

نورتي بجد يا كوتشيا

الفارس الملثم يقول...

karim..

ربنا يخليك يا كريم , ربنا يعينك يا باشا , ومتشكر اوي لذوقك

نورتني يا جميل

الفارس الملثم يقول...

يوميات نائمة في الأرياف ..

ربنا يخليكي يا رنا , بس عشان متقوليش علينا بخلا ..

نورتيني بجد

الفارس الملثم يقول...

عبــــــــــث..

ربنا يخليكي يا عبث ومتشكر اوي لذوقك وعقبال عيدك 150 يا ستي بس اعزمينا ههههههههه



نورتي بجد

الفارس الملثم يقول...

Blue Nile

ربنا يخليكي يا بلو , منوراني دايما

الفارس الملثم يقول...

blue-wave.

اتفضل يا عمرو باشا , ماحنا كنا شيلهنلك

نورتني يا باشا

الفارس الملثم يقول...

دينا يسري ..

انتي جايه تنكفيني في المدونه كمان ممممممممم, خلاص تعالي علي السحور وانا اعزمك علي كشري مصري بس انتي اللي اتدفعي الحساب طبعا هههههههه

نورتي يا دينا

الفارس الملثم يقول...

ايوية ,,

ربنا يخليكي يا ايويه وكل سنه وانتي طيبه

نورتي بجد

الفارس الملثم يقول...

HANY YASSIN ..

ربنا يخليك يا هاني , كل سنه وانت طيب يا باشا


نورت بجد

الفارس الملثم يقول...

آخر العنقود ..

ربنا يخليكي يا اماني , وتبقي سنه اجمل واكثر سعاده ليكي

نورتيني بجد

الفارس الملثم يقول...

شيماء سمير ..


ربنا يخليكي يا شيماء, كل سنه واخوكي طيب , هو عنده كام سنه دلوقتي

منوراني دايما يا شيماء

الفارس الملثم يقول...

ayman badr ..

ربنا يعينك يا ايمكن , ومتشكر اوي لذوقك يا باشا

نورتني بجد

الفارس الملثم يقول...

arsenalwy ..

كل سنه وانت كمان طيب , سعدت جدا بزيارتك

نورتني يا باشا

الفارس الملثم يقول...

Heba ..

ربنا يخليكي يا هبه , منوراني دايما بالزياره

الفارس الملثم يقول...

احلام اليقظة ,,

ربنا يخليكي يا احلام , ده بس من ذوقك

نورتيني بجد

الفارس الملثم يقول...

صاحب المضيفة ..

ربنا يخليك يا باشا , ربنا يرزقنا واياك الصلاح في الدنيا والمغفره بعد الموت

نورتني بجد

Unknown يقول...

اية رأيك تشرفنا بالتواجد معنا يوم السبت؟ 13/9 هنتقابل فى مستشفى ابو الريش الساعه 3 عصرا للتبرع للاطفال
؟؟؟
وباقى التفاصيل عندى بالمدونة

Unknown يقول...

السلام عليكم ورحمة الله وبركاته
ايه يامحمد لسه قاعد مع الحاجات الحلوة بتاعتك والصوانى اللذيذة اللى ماهان عليك تدينا منها حته(ياباىّ ياأخى!! )عامل عيد ميلاد وجيبنا نتفرج بس ؟
طب ندوق على الاقل العثملية دى (هى ايه دى يامحمد بصحيح؟)
منتظرين منك ابداع وابداع وابداع
بعد كل السكريات اللى اخدتها دى

حمامة يقول...

يااااااااا
انا متأخرة موت
بس معلش بقى الظروف
والله وحشتنى المدونة بتاعتك والتدوين كله
بيقولوا الاحتفال بعيد الميلاد لا يجوز شرعاً
بس زى ما قولت كلمة كل سنة وانت طيب دى برضه ليها أثر ف النفس
على الرغم برضه ان فكرة الاحتفال بيه غلط المفروض نزعل ان عمرنا نقص سنة

ورغم كل ده انا بحرص جداً ان اقول لاى حد اعرفه الجملة دى قبل الميعاد باسبوع مثلاً علشان اكون اول واحده

صدقنى لو كنت اعرفك كنت ظبطتك :D

محمد
كل سنة وانت طيب وعقبال ميت سنة
تقضيهم ف طاعة ربنا واهلك
وتحقق فيهم كل اللى بتتمناه
ويرزقك بالزوجة الصالحة والذرية الصالحة

:)

GiGi world يقول...

كل سنه وانت طيب انا كمان 10 9 يعني مستنه كل سنه وانتى كيبه انا كمان
ربنا يكرمك وتبقى احلى سنه فى حياتك ويسعدك يارب وفرحك دايما انت حقيقى انسان رائع وجميل وتستاهل الخير وربنا هيكرمك كرم جامد ان شاء الله
تحياتى للفارس الملثم اللى ملثم جمال شخصيته عننا

الآء يقول...

يااااااه
والله وعشت لما شوفتك راجل وملو هدومك
ربنا يخليك لياوافرح بيك ويطول في عمري لحد ما أشوفك في الكوشه D:

بجد كل سنه وانت طيب

بنت الماضي يقول...

السلام عليكم
اولا كل سنه وحضرتك طيب
ثانيا مدونه جميله اوي وقصصك تشد بجد انا اول مره ازورها ومش هتكون الاخيره اكيد
احتراماتي لقلمك المميز

رحيـــــــــــــــــــــــل يقول...

كل عام وانت بالف خير يارب

وكتير البوست حلو بجد

تقبل مروري

رحيل

Unknown يقول...

كل سنة وانت طيب
ويا رب تحقق كل ما تتمنى
ووورمضان كريم

كـــيــــــــارا يقول...

كل سنه وانت طيب

هابي بيرث تو يو

سنه حلوه ياجميل


بغني اهو عارف تقول صوتي وحش ازعل اوي

يارب كل ايامك تكون سعيده

تحياتي

كيارا

الفارس الملثم يقول...

norahaty ..

هو انا قلت متكلش يعني ,اينعم محدش فيكم جاب ولا حتي باكو شيكولاته وهو داخل هديه بس احنا عالم كريمه يعني واللي عاوز يدوق يدوق هههههههه

نورتيني يا دكتوره زما يحرمناش من زياراتك , بس انا ليا عندك هديه برده مممممممممممم

تحياتي دائما

الفارس الملثم يقول...

حمامة..

ازيك يا حمامه وكل سنه وانتي طيبه والف مبروك علي الخطوبه ..

انا زي ما قلت انا مش متعود احتفل بيهاسواء كان سبب شرعي لو لا , بس المهم انك تحس ان في حد فكرك وبيقلك كل سنه وانت طيب من قلبه ..

عموما هو انتي عرفتي التاريخ اهو ابقي تعالي بدري السنه الجايه

تحياتي دائما

الفارس الملثم يقول...

GiGi..

ربنا يخليكي يا جيجي ده بس من ذوقك , وكل سنه وانتي طيبه انتي كمان ويارب تكوني دايما في خير صحه وسعاده

نورتي بجد

الفارس الملثم يقول...

الآء ..

هههههههههههه

يا سلام طيب لما نفرح فيكي قصدي نفرح ليكي انتي الاول هههههههه

نورتي بجد يا الاء

الفارس الملثم يقول...

بنت الماضي..

كل سنه وحضرتك طيبه , انا سعيد جدا ان المدونه عجبتك , وايسعدني تشريفها بالزياره علي الدوام منك

تحياتي دائما

الفارس الملثم يقول...

رحيـــــــــــــــــــــــل

كل سنه وحضرتك طيبه , وقد اسعدتني جدا زيارتك وتهنئتك

تحياتي

الفارس الملثم يقول...

نهر الحب ..

ربنا يخليكي وكل سنه وحضرتك طيبه

نورتيني

الفارس الملثم يقول...

كيارا

هههههههههه

هو حد يقدر يقول كده برده , كل سنه وحضرتك في خير حال وسعاده ودايما كده منوراني

تحياتي دائما

دعاء مواجهات يقول...

كل سنه وانت طيب وبخير ديما ياارب

وفى سعادة

وربنا يحققلك كل امانيك

وانت معانا فى عالم التدوين

( اموت واعرف مين الحد دة؟؟ ))

فضوول صحفى
هههههههههههههههه

تحياتى

son's egypt يقول...

السلام عليكم
كل سنه وانت طيب

الفارس الملثم يقول...

دعاء مواجهات ..

ههههههههههه اول ما احب انشر اديكي السبق الصحفي ده

كل سنه وانتي طيبه ونورتيني بجد

الفارس الملثم يقول...

son's egypt..

كل سنه وحضرتك طيب

نورتني

سارة علي يقول...

ازيك يا محمد
الاول ::::::كل سنة وانت بالف خير ....ولو انها جت متاخرة معلش ظروفى وابتعادى عن النت وظروف الوفاة اللى عندى
بس عارف بقى مفروض اقولك "كل سنة وانت احسن روائى قصة واقرب الى التشبيهات الجميلة .....كل سنة وانت ممتلك لقلمك ودفترك .....كل سنة وانت معبر عن مشاعرك واحاسيسك "
تحياتى

الفارس الملثم يقول...

سارة علي

ربنا يخليكي يا ساره , ده بس من ذوقك , واتمني تكوني الان في خير حال وقد هدأت بعض احزانك

مع خالص تحياتي

users online